Pas ka Pol sogoe uti la ke osep Rom ina 15:31 - Aria New Testament

³¹ Umepmi Ida Tapolngon ma iye lua ngong itau. Ma iye dangdang osep epmes ina ka tidong ke omur Judia lama tidue elio soulu ke ngong. E umepmi Ida Tapolngon ma iye due osep Jerusalem ina aitno lisak itau ke bokongon ka ngalua isak ine.

Pas ka Pol sogoe uti la ke osep Rom ina 15:31 ပူးပေါင်းရင်းမြစ်များ

Aposel 22:24

Deka osep ola ina inarak plaungan ka mgo wai dagar ke osep ola ina leklou langane. “Umodue gute ane sep ke udo ninu deka umoules iye pula e umepmi iye ke ila pelengon. Iye wai lange deka osep aitno lisak nevlik amnga e tidaiku omba ke iye? Ngawaiki ngaile omur ine.”

Aposel 25:2

Iye tito la polou ke Jerusalem yagos e osep loulou ina ka omba tigosok osep Yuda ina urok osep namormor tipolou ke iye e tisin elio pula vri ke Pol. E tiwai dagar ke Festus langane.

Aposel 25:24

Pol me polou ke amtarsak kodong deka Festus wai langane. “Agripa wom ka emvri mgo ke omur gesa e umu ka pula keniye ka umodong ane kap imi umavati gute ka vri ane. Oglou ngadong ke Jerusalem e osep Yuda ina ka pula keniye tisin elio vri ke gute ane. Tiwai dagar lokono e tiwaiki ngawai oku ane ma gute ane mete.

Aposel 9:13

Deka Ananaias koli wai langane. “Ngau Puda osep pula tiwai ke ngong ke gute Sol ila elio soulu. Iye due agegeng pula ke lem osep ka tidong ke Jerusalem.

Aposel 9:15

Deka Ina Puda wai ke iye langane. “Aurou. Amla kesua ngarere iye ma iye polou lou gute bokongon ina. Ma iye napapra ngau basikngen ke osep pula ka isak osep Yuda ina kovok. Ma iye napapra ngau basikngen ke osep pula ka tivri mgo ke omur pula e ke osep Israel ina blang.

Pas ka Pol sogoe uti la ke osep Rom ina 15:25

E eknikane ngawaiki nga-la ke Jerusalem ma ngalua Ida Tapolngon ila osep ka tidong ke armok tonari.

1 Korin 16:15

Sipmi. Umeile gute Stefanas e ila osua. Tipolou osep Kristen mgo ke osep ka tidong ke provins Akaia. Ke aitno lisak tidue boko-ngon ka lua Ida Tapolngon ila osep.

2 Korin 1:10

Iye lua imi e pi imi ke elio ka opru imi lokono tonari kodong e ma iye lua imi e pi imi blang. Aitno limi dagar ma iye lua imi langane.

2 Korin 8:4

Tiwai ke imi dagar ma tikaranga tilua osep leklou deka tituktuk urok mani la ke Ida Tapolngon ila osep ka tidong ke omur Judia.

2 Korin 9:1

Umeile kodong ke mani ka la ke Ida Tapolngon ila osep ka tidong ke omur Judia. E ma ngasogo ine blang kovok.

2 Korin 9:13

E osep pula tivati lumu bokongon itau deka tile umedidi Krais ila omon itau ka umawai ine lokono e tikakai Ida Tapolngon angaine ine. E silang blang tikakai angaine kesua umotuktuk lumu wan pula e umolua isak e osep leklou blang ine.

1 Tesalonaika 2:15

Oglou osep Yuda ina timluk osep napaprangan ina ma timete kodong e silang blang timluk Ida Puda Yesus ma iye mete kodong blang. E tisapir imi ke omur tonari. E aling aling aitno lisak engil ke osep deka Ida Tapolngon aitno soulu lokono ke isak.

2 Tesalonaika 3:2

E imawaiki umawai itau ke Ida Tapolngon ma iye lua imi ma osep soulu bitna tidue agegeng ke imi kovok. Kesua osep leklou aitno lisak dagar ke Yesus ila omon itau kovok.

2 Timoti 3:11

Emile osep tidue agegeng e tidue elio soulu ke ngong ke Antiok e Aikoniam e Listra. Tidue agegeng ke ngong e Ida Puda lua ngong ma ngadong itau ine.

2 Timoti 4:17

Alo ari Ida Puda dong kap ngong e kar ila arit ke ngong. E nganapapra Ida Tapolngon ila omon itau ke osep ka pula keniye ka isak osep Yuda ina kovok. E osep tiwaiki timluk ngong ma ngamete e Ida Puda lua ngong ine.