Pas ka Pol sogoe uti la ke osep Rom ina 15:3 - Aria New Testament

³ Iteile Krais aitno vri ke iye vala kovok. Aurou. Ida Tapolngon ila pelengon wai langane ine. “Krais wai ke Ida Tapol-ngon langane. ‘Osep ka tiwai soulu ke wom ma urok pelengon soulu vri ke ngong blang.’”

Pas ka Pol sogoe uti la ke osep Rom ina 15:3 ပူးပေါင်းရင်းမြစ်များ

Matyu 10:25

Langka osep disaipel urok elio eriar langka urok parere-ngen are itau e langka osep ka wokboi nating urok elio eriar langka inarak puda are itau blang. Langka osep tisir ngong Belsebul ma tiwai langane ke umu blang.”

Matyu 26:39

E iye la isuk boto e munu ke taklak e bitna pes taklak e iye wai itau langane. “Livou langka empi elio soulu ka osep ma tidue ke ngong are itau e dau ngawaiki ngadidi aitno lungong kovok e ngawaiki ngadidi aitno lugom vala.”

Matyu 26:42

E aling orwo iye la isuk boto e wai itau langane. “Livou langka elio soulu ane karanga songon ngong kovok lama nganamani ine ngawaiki ngadidi aitno lugom.”

Matyu 27:44

E osep panakongon ina orwo ka tinilim isak kap iye tidue apok ke iye eriar langare blang.

Jon 15:10

Livou lana iye ke ngong e ngadong dagar ke elio tonari e ngadidi ila pelengon dagar. E eriar langane ke umu blang. Langka umedidi lou pelengon dagar ma umodong dagar ke elio ka ngong lana ngong ke umu.

Jon 15:24

Ngadong airavu ke isak e ngadue elio itau langka gute silang due kovok. E langka ngadue langane kovok urok elio epmes ina vri ke isak e munu pes isak kovok. E oku ane tivati lou elio e aitno lisak engil e amnga ke ngong e ke Livou blang.

Jon 4:34

E Yesus wai ke isak langane. “Ngau ngangon langka ngadidi gute ka pagei ngong ngame aitno e ngababrum bokongon ka iye kare ke ngong ma ngadue.

Jon 5:30

“E ngong tona ngakaranga ngadue wan gesa ke lou arit kovok. Eriar langka ngaklingen Ida Tapolngon wai deka ngawade osep ke pelengon tonari. E lou wadengen itau e osuk kesua ngawaiki ngadidi aitno lungong kovok e ngadidi Ida Tapolngon ka pagei ngong ngame aitno vala.

Jon 6:38

Kesua ngaduru ngame ke omur heven ma ngadidi aitno lungong kovok. Aurou. Ngame ma ngadidi gute ka pagei ngong ngame aitno vala.

Jon 8:29

E gute ka pagei ngong ngame dong kap ngong e songon ngong ngadong ngong kenngong vala kovok. Aurou. Iye dong kap ngong kesua aling aling ngadue elio ka due aitno itau ine.”

2 Korin 8:9

E umeile Ida Puda Yesus Krais ila makaingan. Iye dong ke omur heven e wan ka pula keniye tidong ila wan. E dau iye songon wan tonari e polou langka ila wan isuk boto vala ma iye lua umu. Iye due langane ma lumu wan pula tidong ke Ida Tapolngon bitna.

Filipai 2:5

Ngawaiki ma aitno lumu mter langka Krais Yesus aitno mter.

Filipai 2:8

Iye polou langka itosep e osep tivati iye langka tivati osep leklou. Deka iye pes iye e meit ke Ida Tapolngon lama iye mete ke ina akai.