Pas ka Pol sogoe uti la ke osep Rom ina 15:26 - Aria New Testament

²⁶ Kesua osep ka Ida Tapolngon ila osep ka tidong ke provins Masedonia e ke provins Akaia tituktuk urok mani ma tilua Ida Tapolngon ila osep ke omur are. E ma tivai mani tonari la ke Jerusalem ma tilua Ida Tapolngon ila osep ka urok wan isuk boto vala ine.

Pas ka Pol sogoe uti la ke osep Rom ina 15:26 ပူးပေါင်းရင်းမြစ်များ

Matyu 25:40

Deka gute ka vri mgo ke omur ma koli wai ke isak langane. ‘Ngawai lokono ke umu. Alo ka umodue elio tonari ke osep ke lou osua lama angainsak daudeng e tidong moli ke osep leklou umodue ke ngong blang.’”

Matyu 26:11

Kesua aling aling osep ka urok wan isuk boto vala tidong kap umu. E ngong ma ngadong kap umu aling aling kovok.

Luk 14:13

E alo ka ompou rogo empmi osep ka langane ma time. Empmi osep ka urok wan isuk boto vala e osep ka pampamu lisak soulu e osep ka kamsak soulu e osep ka amtarsak evin time.

Luk 6:20

Deka bitna la ke ila disaipel e iye wai ke isak langane. “Umu ka lumu wan isuk boto vala aitno lumu itau itau kesua mase ma wan ka omur heven ka Ida Tapolngon plaue polou lumu wan.

Aposel 16:12

Imopolou ke Neapolis deka imosongon sip. E imasala armok tonari e imala imedidi ekreng e imopolou ke armok Filipai ka osep Rom ina tiplaue. Ari Filipai mgo ke armok keniye ka tidong ke provins Masedonia. E imodong ine oklou leklou.

Aposel 16:9

Isak tidong ke Troas deka ke epmes Pol vati ano e gute gesa vri e gi ke iye langane. “Pol omo omlua imi ka provins Masedonia ina.”

Aposel 18:12

Mase alo ka gute Galio vri mgo ke provins Akaia ke omur Grik osep Yuda ina aitno lisak kene pulu e soulu ke Pol. Deka tikis iye dagar e tidadai iye la polou ke Galio bitna ma tikotim iye.

Aposel 19:21

Elio tonari yagos deka Ano Itau due Pol aitno e aitno mter ke ila langan. Aitno mter langane. “Ma ngalila ke provins Masedonia e provins Akaia deka ma ngapolou ke Jerusalem e mase ma ngala ke armok Rom blang.”

Aposel 9:13

Deka Ananaias koli wai langane. “Ngau Puda osep pula tiwai ke ngong ke gute Sol ila elio soulu. Iye due agegeng pula ke lem osep ka tidong ke Jerusalem.

1 Korin 16:15

Sipmi. Umeile gute Stefanas e ila osua. Tipolou osep Kristen mgo ke osep ka tidong ke provins Akaia. Ke aitno lisak tidue boko-ngon ka lua Ida Tapolngon ila osep.

1 Korin 16:5

Ma ngala ngavati osep ka tidong ke provins Masedonia paide. Deka mase ngauti ngapolou ke umu.

2 Korin 1:16

Kerengen kene ina are langka ngavati umu alo ka ngala ke provins Masedonia e kerengen orwo ina are langka ngavati umu alo ka ngaiding ke umu. E alo ka ngaiding ngawaiki umolua ngong ke lou langan ma ngala ke omur Judia.

2 Korin 11:9

E silang blang alo ka ngadong kap umu e lou wan isuk boto vala ngapang ke umu kovok. Aurou. Sipmi ka time ke provins Masedonia tilua ngong ke wan bitna bitna. Oglou ngawaiki lou bokongon pes umu kovok e eknikane blang ngawaiki lou bokongon pes umu kovok.

2 Korin 2:13

E dau aitno lungong kro kesua ngavati lou aten Taitus dong ari kovok. Ngavati iye kovok deka ngasongon Troas e ngala ke provins Masedonia.

2 Korin 7:5

Alo ka imopolou ke provins Masedonia imakaranga imomtong boto kovok. Imopolou e elio soulu bitna bitna tipolou ka opru imi. Osep ka tidong dogur orsak timluk pelengon pulu kap imi e imedigrik e anmi nesik.

2 Korin 9:12

E lumu bokongon ane ma lua Ida Tapolngon ila osep ka urok wan isuk boto vala. E silang blang lumu bokongon ane due isak tikakai Ida Tapolngon angaine tito la egim.

2 Korin 9:2

Ngaile umawaiki umolua osep e ngakakai angainmu ine. Ngawai ke osep Masedonia ina ine langane. Ke tobor kene la kodong osep Akaia ina tidong redi ma tilua osep. E lumu elio sruk osep Masedonia ina aitno lisak ma tiwaiki tikana lumu elio.

2 Korin 9:4

Ngadue langane lama osep Masedonia ina leklou time kap ngong e tivati umu dau umekere lumu mani kovok. Langka langane e imi mnak imi ine kesua oglou aitno limi dagar ma umekere lumu mani e dau umekere kovok. E umu mnak umu ine blang.

Filipai 4:15

E umu osep Filipai ina umeile oglou alo ka ngasongon provins Masedonia e nganapapra Ida Tapolngon ila omon itau mgo sios kene silang lua ngong kovok. Aurou. Umu vala umolua ngong.

1 Tesalonaika 1:7

E umenis elio itau ke osep ka pula keniye ka aitno lisak dagar ke Krais ke provins Masedonia e provins Akaia ma tikana lumu elio.

1 Tesalonaika 1:8

Ida Puda ila pelengon ka umawai ine la ke osep pula e tiklingen ine. Pelengon tonari la ke provins Masedonia e provins Akaia vala kovok. Aurou. Osep pula tiklingen basikngen ka aitno lumu la dagar ke Ida Tapolngon. E imawai ke isak ine kovok kesua tiklingen ke umu kodong.

1 Tesalonaika 4:10

E umodue elio langane kodong ke Ida Tapolngon ila osep ka tidong ke provins Masedonia. E sipmi imawai dagar ke umu ma aling aling umodue elio langane itau lokono.

1 Timoti 1:3

Eknikane ngawai ke wom eriar langka oglou ngawai ke wom alo ka ngala ke provins Masedonia. Ngawaiki ma omdong dau ke armok Efesus ma amwai pelengon dagar ke osep leklou. Isak osep ka tiwai pelengon yakngan alo ka tiparere Ida Tapolngon ila osep. Amwai ke isak ma tiparere osep langane kovok.

Filemon 1:5

Aitno lungong itau kesua ngaklingen omon langane. Aitno lugom la dagar ke Ida Puda Yesus e wom lana wom ke Ida Tapolngon ila osep keniye.