Pas ka Pol sogoe uti la ke osep Rom ina 15:24 - Aria New Testament

²⁴ Deka alo ka ngala ke omur Spen aitno lungong mter langka ngawaiki ngauti ngavati umu paide. Deka ma ngala. Aitno lungong itau lokono ma ngavati umu e ngawaiki ngadong sasi boto kap umu. Deka mase ngawaiki umolua ngong ma ngala ke omur Spen.

Pas ka Pol sogoe uti la ke osep Rom ina 15:24 ပူးပေါင်းရင်းမြစ်များ

Aposel 15:3

Ida Tapolngon ila osep ka tidong ke Antiok tipagei osep tonari kla ke Jerusalem. E tisongon Antiok e tididi ekreng e tilila ke omur Fonisia e omur Samaria. Ari tipalongo osep ka tidong ke omur orwo tonari ke elio ka osep ka isak osep Yuda ina kovok tipul dogur ke urok elio epmes ina e aitno lisak la dagar ke Ida Tapolngon. Osep ka aitno lisak dagar ke Yesus kodong tiklingen ine e aitno lisak neser ine.

Aposel 19:21

Elio tonari yagos deka Ano Itau due Pol aitno e aitno mter ke ila langan. Aitno mter langane. “Ma ngalila ke provins Masedonia e provins Akaia deka ma ngapolou ke Jerusalem e mase ma ngala ke armok Rom blang.”

Aposel 21:5

­Imodong ke Tair la lama mase sip waiki songon armok are deka imala blang. Ari osep arang keniye tigosok sasarak e titorok tipaur imi imosongon armok tonari. E imala ke misuon ina dingen batne e imogrum kepmi e imawai itau ke Ida Tapolngon.

Pas ka Pol sogoe uti la ke osep Rom ina 1:12

E lumu elio ka aitno lumu la dagar ke Ida Tapolngon e lou elio ka aitno lungong la dagar ke Ida Tapolngon ma lua ite pulu ma due aitno lite dagar lokono.

Pas ka Pol sogoe uti la ke osep Rom ina 15:28

E ma ngapaur mani la ke Jerusalem. Deka alo ka ngakar isak mani tonari keniye ma ngasongon Jerusalem. E mase alo ka ngala ke omur Spen ngauti ngavati umu paide.

2 Korin 1:16

Kerengen kene ina are langka ngavati umu alo ka ngala ke provins Masedonia e kerengen orwo ina are langka ngavati umu alo ka ngaiding ke umu. E alo ka ngaiding ngawaiki umolua ngong ke lou langan ma ngala ke omur Judia.

3 Jon 1:6

Osep tonari tipalongo sios ane ke elio ka wom lana wom ke isak. E oku ane ngawaiki omlua isak ma isak kla ke urok langan blang. Omlua isak ke wan bitna bitna ka Ida Tapolngon aitno itau ine.