Pas ka Pol sogoe uti la ke osep Rom ina 15:19 - Aria New Testament

¹⁹ E Ida Tapolngon Ano Itau lua ngong blang deka ngadue elio arit ina ka nisngen ke osep. E langane. Oglou nganogrum ke armok Jerusalem e nganapapra Krais ila omon itau ke osep. E ngalila ngala ke omur omur la lama ngaiding ke omur Ilirikum.

Pas ka Pol sogoe uti la ke osep Rom ina 15:19 ပူးပေါင်းရင်းမြစ်များ

Matyu 12:28

E alo ka ngadue Ida Tapolngon Ano Itau ila arit e ngasapir angelo soulu elio are nis umu omur ka Ida Tapolngon plaue polou ke umu kodong.

Jon 4:48

E Yesus wai ke iye langane. “Langka umavati elio arit ina ka nisngen kovok ma aitno lumu la dagar ke Ida Tapolngon kovok.”

Aposel 1:8

E umoklingen lou pelengon langane. Mase ma Ano Itau duru deka dong ke aitno lumu e ma iye kar ila arit ke umu deka ma lua umu ine. Deka ma umanapapra ngau basikngen ke osep ka tidong ke armok Jerusalem e omur Judia e omur Samaria. Deka ma umala ke omur ka pula keniye ke taklak e umanapapra ngau basikngen ke osep pula.”

Aposel 13:14

Tisongon Perga e isak kla tipolou ke armok Antiok ka dong ke omur Pisidia. Tipolou ke armok tonari kodong deka oklou sabat polou e isak kla ke osep Yuda ina urok duningen ina ninu gesa e tisepe e tidong ine.

Aposel 13:51

Deka Pol orwo Barnabas tisak taklak ina group ka dong ke kamsak ke isak. Are nisngen gesa ke osep tonari ma tile omur urok elio soulu. Deka isak kla ke armok Aikoniam.

Aposel 14:10

Deka Pol wai dagar langane. “Emtito emvri ke kevep.” Deka gute ka kamla soulu kopiuk tito vri deka lila.

Aposel 14:20

Deka Yesus ila disaipel tiduni pulu lelei iye deka iye poga tito e la ke armok blang. Iye dong ine la lama oklou silang deka iye orwo Barnabas tisongon Listra e isak kla ke Derbe.

Aposel 14:25

Deka ke omur tonari tinapapra Ida Tapolngon ila pele-ngon ke osep ka tidong ke Perga. Tinapapra ke isak yagos deka tisongon armok tonari e tiduru kla ke Atalia.

Aposel 14:6

Pol orwo Barnabas tile omur ke osep tonari aitno lisak deka tiulou kla ke omur Likonia. Deka tidong ke Listra e Derbe e ke omur ka lelei armok orwo tonari.

Aposel 15:12

Osep keniye ka tidong ke duningen tikoli Pita ila pelengon kovok e tidong vala. Deka Pol orwo Barnabas tipalongo osep tonari ke nisngen e elio arit ina ka Ida Tapolngon lua isak ine ka tidue airavu ke osep ka isak osep Yuda ina kovok.

Aposel 16:18

Oklou pula apmang ane due elio langane la lama oklou gesa Pol aitno soulu lokono ine. Deka iye bauluk e wai dagar ke angelo soulu ka dong ke apmang tonari langane. “Yesus Krais ila arit due wom deka omsongon apmang ane e amla.” Pol wai langane deka lokono angelo soulu songon apmang tonari e la.

Aposel 17:10

Epmes polou deka lokono osep ka Pol orwo Sailas sisrok tipagei isak kla ke armok Beria. Tipolou ine kodong deka isak kla ke osep Yuda ina urok duningen ina ninu e tisepe.

Aposel 17:15

E osep leklou ka tigosok Pol tipaur iye iding ke armok Atens deka tidardar pulu. E Pol wai ke osep ka tibauluk ke Beria langane. “Umawai ke Sailas orwo Timoti ma tisuong time ane.”

Aposel 18:1

Mase Pol songon Atens e la polou ke armok Korin.

Aposel 18:19

Ari tisongon Senkria deka isak kla tipolou ke armok Efesus. Deka Pol songon isak e iye la sep ke osep Yuda ina urok duningen ina ninu ka dong ke armok tonari. E iye wai pula kap osep Yuda ina ka tidong ke duningen ina ninu tonari.

Aposel 19:1

Alo ka Apolos dau dong ke Korin Pol didi ekreng ka munu airavu ke provins Esia e la polou ke Efesus e soson Yesus ila disaipel leklou.

Aposel 20:20

E silang blang langane. Oglou langka pelengon gesa dong ka karanga lua umu nganapaprae ke umu. Nganapaprae ke osep pula amtarsak e ke lumu ninu kene kene.

Aposel 20:6

E imodong ke Filipai la lama rogo ka osep Yuda ina tingen bret ka yis dong ine kovok mela yagos. Deka imesep ke sip e imosongon Filipai e imala la lama oklou elme mela yagos e imopolou ke osep ka tipara ke imi ke Troas. E imodong ke armok tonari oklou lumorwo.

Pas ka Pol sogoe uti la ke osep Rom ina 15:13

Ida Tapolngon wai dagar ma iye kar wan ka pula keniye ka itau ke ite deka itapara ine. Aitno lumu dagar ke iye ma iye due aitno lumu itau lokono e due aitno lumu dong epen e ma aitno lumu neser omba lokono. E ke Ida Tapolngon Ano Itau ila arit elio ka umapara ke Ida Tapolngon ma iye kar wan itau ke umu ma polou omba ke umu.

Pas ka Pol sogoe uti la ke osep Rom ina 15:16

Ma ngadong langka Krais Yesus ila gute bokongon ina gesa e ngaboko ke osep ka isak osep Yuda ina kovok. Ke bokongon tonari ka ngadue nganapapra Ida Tapolngon ila omon itau ke isak. Ngadong langka gute loulou ina gesa e ma ngapaur omon itau ke osep ka isak osep Yuda ina kovok. Ma tipolou langka Ida Tapolngon ila osep ka itau ka aitno itau ke isak. Deka Ida Tapolngon Ano Itau due isak tipolou langka Ida Tapolngon ila osep ka itau lokono.

Pas ka Pol sogoe uti la ke osep Rom ina 15:24

Deka alo ka ngala ke omur Spen aitno lungong mter langka ngawaiki ngauti ngavati umu paide. Deka ma ngala. Aitno lungong itau lokono ma ngavati umu e ngawaiki ngadong sasi boto kap umu. Deka mase ngawaiki umolua ngong ma ngala ke omur Spen.

1 Korin 2:4

E pelengon ka ngawai ine e nganapapra ine ke umu didi osep taklak ina urok ilengen kovok. E ngong langka ma ngapalele aitno lumu kovok. Aurou. Lou elio nis umu ke Ano Itau ila arit.

2 Korin 12:12

Oglou alo ka ngadong kap umu ngadue wan pula ka nis umu ngong gute aposel lokono. Ngadong dagar ke lou bokongon e ngadue elio arit ina e elio bitna bitna ka osep tikaranga tidue kovok.

Galesia 3:5

Ida Tapolngon kar Ano Itau ke umu e iye due elio arit ina airavu ke umu. Ina lange iye kar Ano Itau ke umu? Aitno mter langka umedidi Moses ila sogongon deka iye due langane? Aurou. Umoklingen omon itau e aitno lumu la dagar ine deka iye kar Ano Itau ke umu.

Kolosi 1:25

Ida Tapolngon rere ngong e ngapolou sios ina gute bokongon ina ma ngalua umu. E lou bokongon dong ka nganapapra Ida Tapolngon ila pelengon keniye.

1 Tesalonaika 1:5

Omon itau ka imanapapra ine ke umu polou ke umu langka pelengon adai vala kovok. Aurou. Ano Itau sruk aitno limi deka imanapapra ke ila arit. E aitno limi dagar langka omon tonari iye pelengon lokono. E umeile elio ka imodue ka lua umu alo ka imodong kap umu.

2 Timoti 4:17

Alo ari Ida Puda dong kap ngong e kar ila arit ke ngong. E nganapapra Ida Tapolngon ila omon itau ke osep ka pula keniye ka isak osep Yuda ina kovok. E osep tiwaiki timluk ngong ma ngamete e Ida Puda lua ngong ine.

Hibru 2:4

E Ida Tapolngon due nisngen omba e elio arit ina bitna bitna e iye didi aitno e kar Ano Itau ila kerengen ke ila osep. Iye due langane ma osep tivati e tile omur pelengon tonari pelengon lokono.

1 Pita 1:12

Ida Tapolngon nis osep napaprangan ina tonari tiwai ke wan ka ma polou alo ka tidong kovok. Aurou. Tiwai ke wan ka mase ma polou ke umu alo ka tinapapra pelengon ka oku ane umoklingen ine. Mase Ida Tapolngon pagei Ano Itau duru ke omur heven e iye due osep aitno lisak deka tiwai omon itau ke umu. E ensel ka tidong ke omur heven tiwaiki tile omur ke wan tonari ka Ida Tapolngon due ke umu.