Pas ka Pol sogoe uti la ke osep Rom ina 15:14 - Aria New Testament

¹⁴ Sipmi. Ngaile omur lumu elio isuk isuk itau. E umeile omur ke Ida Tapolngon ila pelengon e umakaranga umaparere umu pulu ine.

Pas ka Pol sogoe uti la ke osep Rom ina 15:14 ပူးပေါင်းရင်းမြစ်များ

1 Korin 1:5

Ngawai itau ke Ida Tapolngon kesua umeneklep ke Krais kodong e iye kere umu itau. Iye kere umu deka umanapapra ila pelengon itau e umeile omur ke wan bitna bitna itau.

1 Korin 12:8

Ke gute gesa Ano Itau kere iye ma ile omur ke elio itau deka iye lua osep leklou ine. E ke gute silang Ano Itau kere iye ke ilengen ke elio ka iye kere Ida Tapolngon ila pelengon lana ine ke osep.

1 Korin 13:2

E langka ngakaranga nganapapra Ida Tapolngon ila pelengon e ngaile Ida Tapolngon ila pelengon ka kukwop e ngaile ilengen bitna bitna keniye blang. E langka aitno lungong ila dagar omba lokono ma ngakaranga ngadue gigri yari la ke omur silang. E dau ngong lana ngong ke osep kovok ngong langka wan adai vala.

1 Korin 8:1

E eknikane ma ngawai ke umu ke elio ka osep tingen ongwa okurne ka tidue elio opmu ina ke sapingen ine. Osep leklou tiwai langane. “Ite ka pula keniye iteile omur ke sapingen.” Pelengon ane lokono e dau ilengen vala due ite ma aitno lite vri ke ite e itakakai angainte ine. E elio ka ite lana ite ke sudo leklou due ite ma aitno lite polou dagar lokono.

1 Korin 8:10

Langka umu ka umeile omur umala ke sapingen gesa ina duningen ina ninu e umodong umangen ngangon e langka gute gesa ka aitno ila dagar dau dagar kovok vati umu ane langka lumu elio ma sruk aitno. Deka iye blang ma ngen wan ka osep tidue elio opmu ina ke sapingen ine.

1 Korin 8:7

E osep leklou dau tile omur ine kovok. Kesua ke oglou lila me ke eknikane tididi sapingen gesa langka isak wan lokono. E eknikane alo ka tingen ongwa okurne aitno lisak langka tidue elio opmu ina lokono ke sapingen gesa. Tile omur ine kovok e aitno lisak kaka. E elio ka tikaranga tiwade elio itau e elio soulu iye dagar kovok e tinamani langka tidue elio soulu.

2 Korin 8:7

E umodue elio itau ke elio isuk isuk ka umodue. Elio langka aitno lumu dagar ke Ida Tapolngon e umawai Ida Tapolngon ila pelengon itau lokono. E umeile omur ke Ida Tapolngon ila pelengon e umawaiki umodue Ida Tapolngon ila boko-ngon lokono e umu lana umu ke imi. Deka imawaiki umu ma umodue elio itau ke bokongon ka umolua osep leklou.

Efesus 5:9

Osep ka tidong ke bublongon tidue elio ka itau e urok pelengon keniye lokono vala.

Filipai 1:11

Deka Yesus Krais due elio ka itau e osuk polou ke umu e osep tivati lumu elio itau e tikakai Ida Tapolngon angaine tito la egim ine.

Filipai 1:7

Ngong lana ngong omba ke umu deka elio ka aitno lungong mter pula ke umu iye osuk lokono. Ngadue langane lama ngadong ke kalabus koke ngapalongo osep ke elio ka omon itau iye lokono koke ngadue aitno lisak la dagar ine. E umu keniye umoboko kap ngong ke bokongon ka Ida Tapolngon kare ke ngong ke ila makaingan.

Kolosi 3:16

Umosongon Krais ila pelengon keniye dong ke aitno lumu. Deka umedidi ilengen ka polou ke pelengon tonari e umaparere osep ine e umawai ke isak ma tikel isak itau. Umedidi sakul ka dong ke Buk Song e umodue sakul ka kakai Ida Tapolngon angaine tito la egim e umodue sakul ka Ano Itau due polou ke aitno lumu. Alo ka umodue sakul ma aitno lumu itau ke wan keniye ka Ida Tapolngon due.

1 Tesalonaika 5:11

E umawai pelengon itau pulu ka due aitno lumu dong dagar e umolua pulu ine. Eriar langka eknikane umodue.

1 Tesalonaika 5:14

Sipmi. Imawai dagar ke umu ma umodue langane. Umawai ke osep ropo bitna ma tidue elio langane sakam e tiboko vala. E umolua osep leklou ka tilim ke wan bitna bitna ma tilim kovok. E umolua osep ka aitno lisak dau dagar kovok ma tipolou dagar. E umawai molil e umodue mada ke osep ka pula keniye.

2 Tesalonaika 1:11

Aitno lumu la dagar ke Ida Tapolngon e aling aling imawai itau ke Ida Tapolngon ke umu. Imepmi iye ma iye due umu umakaranga umodue elio itau ka iye waiki umodue. Imawaiki iye lua umu ke ila arit ma umakaranga umodue elio itau keniye ka umawaiki umodue. Umawaiki umodue elio itau kesua aitno lumu la dagar ke Ida Tapolngon.

2 Timoti 1:5

Ngaile omur aitno lugom dagar ke Yesus e aitno lugom orwo ine kovok. Aitno lugom dagar ke Yesus eriar langka lem apa Lois e aiya Yunis.

Filemon 1:21

Ngasogo pas ane e aitno lungong dagar ma emdidi lou pelengon e silang blang aitno lungong dagar ma omdue elio itau ka mole wan ka ngasogoe kodong.

Hibru 5:12

Umoklingen Ida Tapolngon ila pelengon ko-dong. E eknikane ngawaiki ma umakaranga umaparere osep leklou ke Ida Tapolngon ila pelengon. E aurou. Osep dau tiparere umu ke Ida Tapolngon ila pelengon ka mgongon ina vala. Ane langka umakaranga umangen ngangon dagar kovok. E langka umu dau umeinim sisu vala.

Hibru 6:9

E sipmi imi lana imi ke umu. E lama imawai pelengon tonari ke umu aitno limi dagar langka wan itau ma polou ke umu kesua Ida Tapolngon lua umu ke lumu elio epmes ina.

2 Pita 1:12

Umeile pelengon tonari e umodong dagar ine kodong. Lama langane dau ngawaiki ngasruk aitno lumu ke pelengon ane ma omtomu sisir ke pelengon lokono ka umodue kodong.

1 Jon 2:21

Ngasogo pelengon ane ke umu kovok kesua aitno lungong mter langka umeile pelengon ka lokono kovok. Aurou. Ngosogoe kesua umeile pelengon ka lokono kodong e umeile pelengon ka yakngan karanga polou ke pelengon ka lokono kovok.