Pas ka Pol sogoe uti la ke osep Rom ina 14:9 - Aria New Testament

⁹ E oglou Krais blang mete deka poga tito ke ina denga. E eknikane iye dong langka osep ka pula keniye ka timete kodong Inarak Puda e osep ka tidong dau Inarak Puda blang.

Pas ka Pol sogoe uti la ke osep Rom ina 14:9 ပူးပေါင်းရင်းမြစ်များ

Matyu 28:18

E Yesus polou olwo boto ke isak e wai ke isak langane. “Ida Tapolngon kar arit ka pula keniye ke ngong ma ngaplau wan ka omur heven ina e wan ka taklak ina blang.

Luk 24:26

Umeile langane kovok i? Gute ka Ida Tapolngon rere Krais ma iye lua osep ma namani elio soulu paide deka ma iye dong itau lokono kap Ida Tapolngon.”

Jon 12:24

Ngawai lokono ke umu langane. Lama wit londo duru ke taklak e tarna polou okus kovok iye dong londo kene vala. E langka iye duru ke taklak e tarna polou okus ma londo nobolbol e erine usu otna pula.

Aposel 10:36

Umeile omon itau ka oglou iye pagei ke imi osep Israel ina. Pelengon tonari la ke Yesus Krais. Deka eknikane imi e Ida Tapolngon aitno limi epen pulu batne ke iye. Iye osep keniye Inarak Puda.

Aposel 10:42

Deka iye kar pelengon ke imi ka iye waiki imanapapra ina basikngen ke osep ka pula keniye. Iye waiki imanapapra ke osep iye tona gute ka Ida Tapolngon rere ma iye wade osep ka tidong e osep ka timete kodong urok elio.

Pas ka Pol sogoe uti la ke osep Rom ina 10:9

­Deka imanapapra langane. Umu kenmu kenmu umapalongo aitno lumu ke osep. Umapalongo urok aitno lumu dagar ke Upu Puda Yesus e aitno lumu dagar ke elio ka Ida Tapolngon due Yesus poga tito ke ina denga kodong. E ma Ida Tapolngon lua umu kenmu kenmu ke lumu elio epmes ina.

2 Korin 5:14

Kesua elio ka Krais lana iye ke imi plau imi. E imeile gute kene mete e kasip osep ka pula keniye amunsak e elio ane langka isak ka pula keniye timete blang.

1 Tesalonaika 4:14

Aitno lite dagar langane. Yesus mete e mase iye poga tito e dong blang. Deka aitno lite dagar langane. Yesus ma me deka Ida Tapolngon ma due osep ka aitno lisak dagar ke Yesus ka timete kodong tipoga titito e tidong blang kap Yesus.

1 Tesalonaika 5:10

Yesus mete ma lua ite ma itodong kap iye. Langka itodong koke itemete kodong alo ka iye bauluk me ma itodong kap iye.

2 Timoti 4:1

Mase ma Krais Yesus duru ke taklak blang e plaue e iye ma wade osep ka dau tidong e osep ka timete kodong urok elio. E ngawai dagar ke wom ke iye e Ida Tapolngon amtarsak langane.

Hibru 12:2

Ma aitno lite mter ke Yesus ka iye aitno lite ila dagar batne. E iye due aitno lite ila dagar polou dagar lokono. Alo ka iye dong ke taklak aitno neser ke wan itau lokono ka mase ma ila wan. Deka iye ulou ke ina akai kovok e aitno mter langka wan tonari soulu kovok e iye mete ine vala. E iye mnak iye ine kovok. E eknikane iye dong ke omur heven ke Ida Tapolngon limla odung.

1 Pita 1:21

Deka aitno lumu dagar ke Ida Tapolngon batne ke Krais. Oglou alo ka Krais mete Ida Tapolngon due poga tito ke ina denga deka iye kakai Krais tito la egim. Iye due langane deka aitno lumu dagar ke Krais e umapara ma iye didi ila pelengon ka iye wai ine kodong.

1 Pita 4:5

Mase ma Ida Tapolngon wade osep tonari ke elio soulu ka tidue. Ma iye wade osep ka timete kodong e osep ka dau tidong.

Pelengon kukwopngon 1:18

E ngong gute ka mosongon itau batne. Ke oglou ngamete e eknikane ngadong vala ngadong. E lou arit dong e ngaplau osep ka timete kodong e ngaplau omur ka osep ansak tidong ine.

Pelengon kukwopngon 2:8

Gute tonari wai blang langane. “Omsogo pelengon ke ensel ka dong ke sios ke Smerna. Pelengon tonari langane. Gute ka mgongon lokono e ka batne lokono ka oglou iye mete kodong e eknikane iye poga tito ke ina denga wai langane.