Pas ka Pol sogoe uti la ke osep Rom ina 14:3 - Aria New Testament

³ E gute ka ngen wan ka pula keniye ma aitno soulu kovok ke gute ka ngen ongwa okurne kovok. E gute ka ngen ongwa okurne kovok ma iye wade gute ka ngen wan ka pula keniye kovok. Kesua Ida Tapolngon aitno itau ke iye blang e lua iye.

Pas ka Pol sogoe uti la ke osep Rom ina 14:3 ပူးပေါင်းရင်းမြစ်များ

Matyu 18:10

“Deka aitno lumu mter soulu ke agau daudeng langane kovok. Kesua urok ensel dong ka aling aling tidong ke Livou ka dong ke omur heven bitna.

Matyu 9:14

Oklou kene Jon ila disaipel leklou time e tipmi Yesus langane. “Ina lange aling kene kene imi e osep Farisi ina imepli ipem ngangon ma aitno limi la ke Ida Tapolngon e lem disaipel tidue langare kovok?”

Luk 18:9

Osep leklou aitno lisak lang-ka isak tona tidong itau ke Ida Tapolngon bitna e aitno lisak mter osep leklou isak osep soulu. Deka Yesus wai pelengon ano ane ka la ke isak.

Aposel 10:34

Pita klingen Kornilius ila pelengon deka wai langane. “Eknik-ane ngaile omur Ida Tapolngon aitno la ke osep ka pula keniye. Iye pul dogur ke osep leklou kovok.

Aposel 10:44

Alo ka Pita dau wai ke isak Ano Itau duru sep ke osep keniye ka tiklingen ila pelengon aitno lisak.

Aposel 28:2

Alo ari osep matamur tidue mada ke imi e tikere imi itau lokono. E tires eiou ma imamarang ine kesua aragu duru e tarna limi blesim.

Pas ka Pol sogoe uti la ke osep Rom ina 11:15

Alo ka Ida Tapolngon pul dogur ke osep Israel ina iye due osep ka isak osep Yuda ina kovok tidong itau kap iye. Deka langka Ida Tapolngon due osep Israel ina tibauluk ke iye ane eriar langka iye due osep ka pula keniye ka timete kodong tipoga titito ke inarak denga.

Pas ka Pol sogoe uti la ke osep Rom ina 14:1

Langka gute dong ka aitno dagar ke Krais kodong e dau aitno ila dagar polou dagar lokono kovok umodue sep ke lumu duningen. E ma umotuk opmu pulu kap iye kovok ke pelengon gesa ka aitno lumu kene pulu ine kovok.

Pas ka Pol sogoe uti la ke osep Rom ina 14:10

Ina lange amwade lem aten gesa ila elio isuk isuk e amwai soulu ine? E ina lange emtem mluk lem aten gesa? Kesua ite ka pula keniye ma itevri ke Ida Tapolngon bitna ma iye wade udo elio isuk isuk.

Pas ka Pol sogoe uti la ke osep Rom ina 14:13

E langane. Ma itawade osep leklou urok elio isuk isuk kovok e aitno lite soulu ke isak kovok. E ma itedidi elio itau vala. Lama itodue elio soulu gesa ka pagolgol udo aten gesa aitno deka iye due elio epmes ina batne ke udo elio ka itodue.

Pas ka Pol sogoe uti la ke osep Rom ina 14:15

E langka emngen wan gesa ka lem aten gesa aitno mter langka wan ari soulu ke Ida Tapolngon bitna deka omdue elio soulu ke iye. E langka omdue langane wom lana wom ke lem aten kovok. Kesua Krais lana iye ke lem aten tonari e mete kodong ma kli ila elio epmes ina. Deka wom lana wom ke lem aten vala e omdue elio soulu ke iye sakam.

Pas ka Pol sogoe uti la ke osep Rom ina 14:21

Langka emngen ongwa okurne koke eminim aki galou wain koke omdue wan silang e lem elio tonari due lem aten gesa due elio epmes ina are itau kovok. E wan ka itau ma omdue elio langane kovok.

Pas ka Pol sogoe uti la ke osep Rom ina 15:7

E aitno lumu itau ma umodue osep Kristen ina leklou tidong kap umu. Langka Krais aitno itau ke umu ma umodong kap iye. Ke elio langane ma umakakai Ida Tapol-ngon angaine.