Pas ka Pol sogoe uti la ke osep Rom ina 14:19 - Aria New Testament

¹⁹ Ma itedidi elio bitna bitna ka due aitno lite epen pulu e elio isuk isuk ka ma due aitno lite ila dagar polou dagar lokono.

Pas ka Pol sogoe uti la ke osep Rom ina 14:19 ပူးပေါင်းရင်းမြစ်များ

Matyu 5:9

“Osep ka tidue osep leklou aitno lisak tipolou epen pulu aitno lisak itau itau kesua ma osep tisir isak Ida Tapolngon titno.

Mak 9:50

“Sol wan ka itau. E langka sol emlel ma umakaranga umodue ma polou galo blang kovok. Deka langane. Eriar langka sol ka galo lua itosep deka umodue elio itau ka tilua umu. E aitno lumu tidong epen pulu.”

Pas ka Pol sogoe uti la ke osep Rom ina 12:18

Aitno lumu epen pulu. Langka aitno lumu langane ma umodong itau pulu.

Pas ka Pol sogoe uti la ke osep Rom ina 15:2

Ite kente kente ma itolua sudo ke elio ka due aitno lisak itau ine vala. Itodue langane ma tididi elio itau e ma aitno lisak ila dagar polou dagar lokono.

1 Korin 10:23

Itakaranga itodue wan ka pula keniye. E dau wan ka pula keniye tikaranga tilua ite itau kovok. Wan ka pula keniye itau ma itodue. E dau wan ka pula keniye tikaranga tidue ite ma itopolou dagar kovok.

1 Korin 10:33

Umakana lou elio ka ngadue. Aitno lungong vri ke ngong kovok e ngadue wan gesa ka lua ngong tona vala kovok. E aitno lungong vri ke osep ka pula keniye e ngawaiki ngadue elio ka aitno lisak itau ine. Kesua ngawaiki ma Ida Tapolngon lua osep pula.

1 Korin 14:26

Sipmi. Alo ka umoduni pulu ke duningen ma umodue sua? Ma umodue elio bitna bitna ka itau ka tilua umu vala. Gute kene due sakul e gute silang wai pelengon ka parere osep leklou e gute silang wai pelengon ka Ida Tapolngon nis iye ine ma iye napapra ine. E gute silang wai tokples gesa ka osep tile ine kovok e gute silang bauluk tokples tonari. Deka wan ka umodue ma due Yesus ila osep aitno lisak tidong dagar.

1 Korin 14:3

E osep ka tinapapra Ida Tapolngon ila pelengon ma urok pelengon due osep aitno lisak dagar lokono e sruk aitno lisak ma tidue elio itau e due aitno lisak itau.

1 Korin 14:4

Gute ka wai tokples gesa ka iye ile ine kovok ane langka due iye tona aitno dagar vala. E osep ka tinapapra Ida Tapolngon ila pelengon ma urok pelengon due Yesus ila osep aitno lisak dagar lokono.

1 Korin 14:5

Ngawaiki ma umu ka pula keniye umawai tokples bitna bitna ka umeile ine kovok. E dau aitno lungong itau lokono ma umanapapra Ida Tapolngon ila pelengon. Gute gesa ka napapra Ida Tapolngon ila pelengon iye mole gute ka wai tokples gesa ka iye ile ine kovok lama gute gesa dong ka karanga bauluk tokples tonari. Ma Yesus ila osep aitno lisak tipolou dagar lokono.

1 Korin 7:15

E langka gute arang koke apmang ka aitno dagar ke Yesus kovok waiki songon apmang koke arang ka esna iye karanga didi aitno e songon iye. Iye karanga songon iye la kesua Ida Tapolngon waiki ma umodong itau kap osep leklou blang.

1 Korin 8:1

E eknikane ma ngawai ke umu ke elio ka osep tingen ongwa okurne ka tidue elio opmu ina ke sapingen ine. Osep leklou tiwai langane. “Ite ka pula keniye iteile omur ke sapingen.” Pelengon ane lokono e dau ilengen vala due ite ma aitno lite vri ke ite e itakakai angainte ine. E elio ka ite lana ite ke sudo leklou due ite ma aitno lite polou dagar lokono.

2 Korin 12:19

Aitno lumu lange? Imosogo pelengon ane ma imomosi limem elio ke omtomu? Aurou. Imi Krais ila osep e imawai pelengon ane ke Ida Tapolngon bitna. Sipmi. Imi lana imi ke umu e imawaiki aitno lumu ila dagar dong dagar.

2 Korin 13:11

Sipmi. Ngababrum lou pelengon ane. Aitno lungong itau ke umu. Ngawaiki umomosi lumu elio ka ulik ulik. Ngawaiki umoklingen e umedidi lou pelengon ka ngawai ine kodong. Ngawaiki aitno lumu kene pulu e aitno lumu epen pulu. Umodue langane e Ida Tapolngon ka iye lana iye ke osep e due aitno lisak epen pulu ma dong kap umu.

Efesus 4:12

Krais rere osep tonari ma tiboko langane. Iye waiki urok bokongon lua Yesus ila osep keniye ma isak kensak kensak tiboko itau ke Ida Tapolngon ila bokongon. Ma urok bokongon due Yesus ila osep keniye ka isak Krais pampamu ine tipolou dagar ke Ida Tapolngon ila elio itau.

Efesus 4:29

Umawai pelengon ka soulu kovok e umawai pelengon ka itau vala. Kesua pelengon ka itau ma lua osep ke urok mosongon e ma due aitno lisak itau e tile omur itau. Deka ma lumu pelengon lua osep ka tiklingen ine.

1 Timoti 1:4

Ma tisongon elio ka tibasik ke osep ngongle urok pelengon bitna bitna. E tisongon elio ka tibasik ke urok seia angainsak. Pelengon langane ma pagolgol osep aitno lisak vala e due isak ma tituk orsak pulu ine. Ma elio tonari karanga lua isak ma aitno lisak dagar ke Ida Tapolngon e ma tile iye kovok.

2 Timoti 2:22

Osep auram aitno leklou urok elio bitna bitna soulu. E ngawaiki ompul dogur ke elio soulu tonari. E emdidi Ida Puda ila elio ka langane vala. Aitno lugom dong dagar ke Ida Puda e wom lana wom ke osep e omgosok isak aitno lumu epen pulu. Omdue langane kap Ida Puda ila osep ka aitno lisak itau lokono e tiwai itau ke Ida Puda.

Hibru 12:14

Umu arit umu ma aitno lumu epen kap osep ka pula keniye e umodue elio isuk isuk ka Ida Tapolngon aitno itau ine. E langka osep tidue elio isuk isuk ka Ida Tapolngon aitno itau ine kovok deka tikaranga tivati Ida Puda kovok.

1 Pita 3:11

Ma iye pul dogur ke elio soulu e due elio itau vala. Iye arit iye e boko engil ma aitno epen kap osep leklou.