Pas ka Pol sogoe uti la ke osep Rom ina 14:17 - Aria New Testament

¹⁷ Ke omur ka Ida Tapolngon plaue wan ka itangene e wan ka iteinime isak wan omba kovok. Aurou. E elio ka itau e osuk e elio ka aitno lite epen pulu e elio ka aitno lite neser ke Ano Itau isak wan ka omba lokono.

Pas ka Pol sogoe uti la ke osep Rom ina 14:17 ပူးပေါင်းရင်းမြစ်များ

Matyu 3:2

“Umabauluk aitno lumu ke lumu elio epmes ina kesua omur ka Ida Tapolngon plaue isuk boto ma polou.”

Matyu 6:33

E wan ane mgo ke wan ka pula keniye. Umosongon Ida Tapolngon vri mgo ke umu e umodue elio ka itau e osuk ke bitna. E ma iye kar wan bitna bitna tonari ke umu blang.

Luk 14:15

Gute kene ka ngen kap Yesus klingen ila pelengon tonari deka wai ke iye langane. “Gute ka ngen ngangon ke omur ka Ida Tapolngon plaue aitno itau itau.”

Jon 16:33

Ngawai pelengon ane ke umu ma aitno lumu karanga tidong epen batne ke ngong. Ke taklak ane ma umanamani elio soulu e dau aitno lumu tidong dagar kesua ngamole osep ka pula keniye ka tidong ke taklak.”

Jon 3:3

E Yesus koli wai langane. “Ngawai lokono ke wom. Langka gute polou oku langka mimi edimor kovok iye karanga dong ke omur ka Ida Tapolngon plaue kovok.”

Jon 3:5

E Yesus koli wai langane. “Ngawai ke wom lokono langane. Langka gute polou oku ke aki e ke Ano Itau kovok iye karanga sep ke omur ka Ida Tapolngon plaue kovok.

Aposel 13:52

Ari Yesus ila disaipel ka tidong ke Antiok aitno lisak itau lokono e Ano Itau plau isak itau.

Aposel 9:31

Alo ari Ida Tapolngon ila osep ka tidong ke omur Judia e ke omur Galili e ke omur Samaria osep aitno lisak epen ke isak. Ari Ano Itau lua osep tonari e due aitno lisak dagar lokono ke Yesus. Deka osep ka aitno lisak dagar ke Yesus tires tipolou pula. Deka tidong itau e tidue anit ke Inarak Puda.

Pas ka Pol sogoe uti la ke osep Rom ina 15:13

Ida Tapolngon wai dagar ma iye kar wan ka pula keniye ka itau ke ite deka itapara ine. Aitno lumu dagar ke iye ma iye due aitno lumu itau lokono e due aitno lumu dong epen e ma aitno lumu neser omba lokono. E ke Ida Tapolngon Ano Itau ila arit elio ka umapara ke Ida Tapolngon ma iye kar wan itau ke umu ma polou omba ke umu.

Pas ka Pol sogoe uti la ke osep Rom ina 8:6

Silang blang langane. Osep ka aitno lisak mter ke elio epmes ina bitna bitna vala ma timete ine. E osep ka Ano Itau plau isak ma tidue mosongon ka itau dong vala dong e ma aitno lisak tidong epen vala.

1 Korin 1:30

E Ida Tapolngon due umu umeneklep ke Krais Yesus. E Krais tona udo ilengen ka itau batne. Krais due ite itopolou itau e osuk ke Ida Tapolngon bitna. Iye due ite itopolou Ida Tapolngon ila osep ka itau lokono. Deka udo elio epmes ina munu pes ite kovok.

1 Korin 4:20

Kesua elio ka Ida Tapolngon plau osep didi pelengon vala kovok. Aurou. Ane didi Ida Tapolngon ila arit.

1 Korin 6:9

Umeile langane. Osep ka tidue elio soulu ma tikaranga tisep ke Ida Tapolngon ila omur kovok. Deka umayak umu pulu ine kovok. Osep ka tidue okwa e osep ka aitno lisak la ke sapingen e osep ka tisu apmang pasinga e osep ka tidue elio ka soulu langka isak mnak isak ine ke osep leklou. Langka arang tidue elio kap arang e apmang tidue elio kap apmang.

1 Korin 8:8

E langane. Ngangon karanga due Ida Tapolngon aitno itau ke ite kovok. Langka itangen ngangon kovok elio langane karanga due ite itodong soulu ke Ida Tapolngon bitna kovok. E langka itangen ngangon elio langane blang karanga due ite itodong itau ke Ida Tapolngon bitna kovok.

2 Korin 5:21

Alo ka Krais dong ke taklak iye due elio epmes ina kovok. E Ida Tapolngon waiki lua osep deka iye due udo elio epmes ina ina klingen munu pes Krais e iye kasip amunte. Iye due langane ma itakaranga itodong itau e osuk ke bitna batne ke Krais.

Galesia 5:22

E Ano Itau sruk aitno lite ma itodue elio itau langane. Ite lana ite ke sudo lelkou e aitno lite neser kap sudo e aitno lite epen pulu e aitno lite epis alo ka wan polou ka opru ite. E itodue mada ke osep leklou e itodue elio itau ke isak e itawai deka itedidi udo pelengon.

Filipai 2:1

Krais due aitno lumu tidong dagar e iye lana iye ke umu i? Umodong kene pulu kap Ano Itau i? Aitno lumu itau ke osep leklou e aitno lumu due isak e aitno lumu kro ke osep ka wan polou ka opru isak i?

Filipai 3:3

Ite vala Ida Tapolngon titno lokono e itolotuim Ida Tapolngon batne ke Ano Itau ka iye kar iye ke ite. Aitno lite neser kesua iteneklep ke Krais Yesus. E aitno lite mter ke elio bitna bitna ka itakaranga itodue kovok. Aurou.

Filipai 3:9

Ngadong kap Krais e ngadong itau e osuk ke Ida Tapolngon bitna batne ke elio ka ngadidi Moses ila sogongon kovok. Aurou. Eknikane ngadong itau e osuk batne aitno lungong la dagar ke Krais. Elio ka Ida Tapolngon due ngong ngadong itau ke bitna batne aitno lungong la dagar ke Krais.

Filipai 4:4

Aling aling aitno lumu neser kesua umeneklep ke Ida Puda. E ngawai lumu blang langane. Aitno lumu neser ke Ida Puda.

Filipai 4:7

Alo ka Ida Tapolngon due aitno lumu dong epen elio are wan ka itau lokono e itosep itakaranga iteile ine kovok. Ida Tapolngon due aitno lumu dong epen e elio ane plau aitno lumu.

Kolosi 1:11

E imorwo imawai itau langane. Alo ka umanamani ke elio ka opru umu imawaiki Ida Tapolngon ila arit omba ka itau lokono lua umu ma umevri dagar ine. E ma aitno lumu dong epen e ma umodong umapara ke alo ka elio ka opru umu polou yagos. E ma aitno lumu itau e aitno lumu neser ine.

1 Tesalonaika 1:6

Umodue Ida Tapolngon ila omon itau deka osep tidue elio soulu bitna bitna ke umu. E dau umakana limem elio e Ida Puda ila elio e Ano Itau sruk aitno lumu ma aitno lumu neser ine.

1 Tesalonaika 2:12

Ma umodue elio itau ka Ida Tapolngon aitno itau ine. Iye rere umu ila osep e waiki umodong ke omur ka iye plaue e umavati ila arit e ila bublongon ka omba e umodong ine.

Hibru 13:9

Langka osep tiwai ke umu ke pelengon bitna bitna ka eriar langka omon itau kovok umosongon urok pelengon pagolgol aitno lumu kovok. Ma itosongon Ida Tapolngon ila makaingan due aitno lite ila dagar polou dagar lokono. E apu bitna bitna ka la ke ngangon karanga due ite itodong dagar kovok. Langka oglou apu tonari karanga lua osep ka tididi isak kovok.

1 Pita 1:8

Lama oglou umavati Krais kovok dau umu lana umu ke iye. E oku ane lama umavati iye kovok aitno lumu la dagar ke iye. E umeketir omba ke ketirngen ka mole ketirngen ke taklak e umakaranga umawai pelengon ka wai ke ketirngen tonari kovok.

2 Pita 1:1

Ngong Saimon Pita ngong Yesus Krais ila wokboi nating e ila aposel gesa. Iye Ida Tapolngon e Ida Luangan blang. Iye due elio itau e osuk e kar ila elio tonari ke ite ma aitno lite la dagar ine. Ngasogo pas ane uti ke umu ka aitno lumu ila dagar eriar langka aitno limi ila dagar.