Pas ka Pol sogoe uti la ke osep Rom ina 14:13 - Aria New Testament

¹³ E langane. Ma itawade osep leklou urok elio isuk isuk kovok e aitno lite soulu ke isak kovok. E ma itedidi elio itau vala. Lama itodue elio soulu gesa ka pagolgol udo aten gesa aitno deka iye due elio epmes ina batne ke udo elio ka itodue.

Pas ka Pol sogoe uti la ke osep Rom ina 14:13 ပူးပေါင်းရင်းမြစ်များ

Matyu 16:23

E Yesus klingen Pita ila pelengon e bauluk wai ke iye langane. “Satan amla ke dogur lungong. Amwaiki amdangdang ngong kesua emdidi osep aitno lisak vala e emdidi Ida Tapolngon aitno kovok.”

Matyu 18:7

“Aisudo ke osep taklak ina. Ma tidong soulu lokono va. Kesua tiwaiki tidue osep leklou tigene ke elio epmes ina. Lokono elio epmes ina ma polou e dau gute gesa ka due gute silang gene ke elio epmes ina are soulu ke iye.

Matyu 7:1

E Yesus wai blang langane. “Umawade osep leklou urok elio kovok e Ida Tapolngon ma wade lumu elio kovok.

Luk 12:57

“Ina lange umawade elio ka itau e osuk ke umu tona kovok?

Luk 17:2

E langka osep tidue gute tonari e tipou opmu ka anit ke agune e tiuri iye ke misuon ma iye unim e mete are itau. E langka tidue elio ane dau elio ane karanga mole Ida Tapolngon aitno ila engil ke gute tonari kovok. Aurou. Ida Tapolngon aitno dau engil ke iye.

Pas ka Pol sogoe uti la ke osep Rom ina 11:9

Gute Devit blang wai ke elio tonari langane. “Alo ka tiduni pulu ke rogo omba ma rogo tonari polou langka wan ka due agegeng ke isak ma koli urok elio soulu. Langka aure due wan e langka ongwa sin dagar ke omdu ka akat oku. E langka opmu ka osep kamsak tinapam ine deka tigene.

Pas ka Pol sogoe uti la ke osep Rom ina 14:10

Ina lange amwade lem aten gesa ila elio isuk isuk e amwai soulu ine? E ina lange emtem mluk lem aten gesa? Kesua ite ka pula keniye ma itevri ke Ida Tapolngon bitna ma iye wade udo elio isuk isuk.

Pas ka Pol sogoe uti la ke osep Rom ina 14:3

E gute ka ngen wan ka pula keniye ma aitno soulu kovok ke gute ka ngen ongwa okurne kovok. E gute ka ngen ongwa okurne kovok ma iye wade gute ka ngen wan ka pula keniye kovok. Kesua Ida Tapolngon aitno itau ke iye blang e lua iye.

Pas ka Pol sogoe uti la ke osep Rom ina 14:4

Wom sei ma amkaranga amwade gute silang ila osep bokongon ina? Langka tiboko itau koke tiboko sasi gute ka plau isak vala ma wai ine. E Ida Puda vala ma karanga due isak tipolou dagar e ma tidong dagar.

Pas ka Pol sogoe uti la ke osep Rom ina 16:17

Sipmi. Ngawaiki ngawai dagar ke umu langane. Umeile umu itau lama supmu leklou tipagolgol aitno lumu ila dagar ke pelengon yakngan. Kesua tiwaiki urok pelengon yakngan pono aitno lumu ke pelengon ka lokono ka aitno lumu la dagar ine kodong. E umu ma umodong mawa ke osep ka tidue elio langane. Lama urok pelengon ka soulu due aitno lumu ma aitno lumu kene pulu kovok.

1 Korin 10:32

E umodue elio gesa ka due osep Yuda ina koke osep Grik ina koke Yesus ila osep aitno lisak soulu ke umu sakam.

1 Korin 11:13

Umu tona ma umawade pelengon ane. Langka apmang kading apna kovok e iye wai itau ke Ida Tapolngon ane elio itau?

2 Korin 5:14

Kesua elio ka Krais lana iye ke imi plau imi. E imeile gute kene mete e kasip osep ka pula keniye amunsak e elio ane langka isak ka pula keniye timete blang.

2 Korin 6:3

Imawaiki osep tiwai soulu ke limem bokongon kovok deka ke batne langane imodue wan gesa ka karanga pagolgol aitno lisak kovok.

Filipai 1:10

Ma umakaranga umawade elio bitna bitna e umedidi elio ka itau vala. Deka lumu mosongon dong itau e elio gesa vri ke umu kovok la lama iding ke alo ka Krais iding me.

1 Timoti 5:14

Deka aitno lungong mter langka apmang sasap batne ka isak dau belbela boto ma tigi blang deka ma tidivir titorok e tikere urok osua itau. Langka tidue langane ma osep epmes ina tikaranga tiwai soulu ke isak kovok.

Jems 2:4

Deka lange? Langka umodue elio langane ane langka umawade osep urok mosongon ke aitno lumu vala e umopolou osep ka aitno lumu mter soulu.

Jems 4:11

Sipmi. Umawai soulu ke Ida Tapolngon ila osep leklou kovok. Gute ka wai soulu ke ila aten koke wade ila aten iye wai soulu ke Moses ila sogongon e wade sogongon tonari blang. E langka amwade Moses ila sogongon ane langka emdidi sogongon tonari kovok e omdong ommgo e amwade sogongon tonari.

1 Jon 2:10

Gute ka iye lana iye ke iye sisrok dong ke bublongon e iye due elio isuk isuk ka due iye gene ke elio epmes ina kovok.

Pelengon kukwopngon 2:14

“E lou pelengon kene ka uti ke umu langane. Osep leklou ke umu ka tidong ke Pergamum tikis dagar ke gute Balam ila elio. Balam ila elio langane. Ke oglou iye nis gute Balak ke elio ka iye yak osep Israel ina pula ma tigene ke elio epmes ina. Deka Balak due osep Israel ina tingen ongwa ka tidue elio opmu ina ke tapolngon yakngan ine e tidue elio okwa blang.