Pas ka Pol sogoe uti la ke osep Rom ina 13:9 - Aria New Testament

⁹ Umeile Moses ila sogongon wai langane. “Umoklou lumu sasap e lumu soboget sakam. Umodue burwa ke gute gesa sakam. Uma-panako wan gesa sakam. Umangale gute gesa ila wan sakam.” Moses ila sogongon ane e pelengon dagar silang isak ka pula keniye urok pelengon la ke pelengon dagar ka kene vala. Pelengon dagar tonari langane. “Ma umu lana umu ke osep leklou langka umu lana umu ke umu tona.”

Pas ka Pol sogoe uti la ke osep Rom ina 13:9 ပူးပေါင်းရင်းမြစ်များ

Matyu 22:39

E pelengon orwo ina langka pelengon tonari. ‘Umu lana umu ke osep leklou langka umu lanu umu ke umu tona.’

Mak 10:19

Emile Ida Tapolngon ila pelengon ka wai langane. ‘Umodue burwa ke osep ma timete sakam. Umodue okwa sakam. Umapanako osep urok wan sakam. Umayakyak e umesin elio vri ke osep sakam. Umapagolgol osep aitno lisak ma umepi urok wan sakam. Umodue anit ke sipmomu e titnomu.’”

Mak 12:31

E Moses ila pelengon dagar ka orwo ke pelengon dagar tonari wai langane. ‘Umu lana umu ke supmu eriar langka umu lana umu ke umu kenmu kenmu.’ E pelengon dagar ka oglou Moses sogoe mole pelengon dagar orwo tonari kovok.”

Luk 10:27

Deka gute tonari koli wai langane. “Moses ila sogongon wai langane. ‘Umu lana umu ke Upu Tapolngon ka Upu Puda. Umu lana umu ke aitno lumu keniye e ke anmu keniye e ke lumu arit keniye e ke bara lumu keniye. E silang umu lana umu ke osep ka tidong lelei ke umu eriar langka umu lana umu ke umu tona.’”

Luk 18:20

Emile Ida Tapolngon ila pelengon dagar ka langane. ‘Omdue okwa kovok e omdue burwa kovok e ampanako kovok e amwai pelengon yakngan ke kot bitna kovok e omdue anit ke abo e aiya.’”

Galesia 5:13

Sipmi. Ida Tapolngon gi umu ma umodong fri. E aitno lumu mter langane kovok. Imi imodong fri e imakaranga imedidi aitno limi ke elio oglou ina. Aurou. Ma aitno lumu mter langane. Imi kenmi kenmi imodong wokboi nating ke Ida Tapolngon ila osep leklou e ma imi lana imi ke isak.