Pas ka Pol sogoe uti la ke osep Rom ina 13:7 - Aria New Testament

⁷ E silang blang langane. Umekli takis bitna bitna ka osep gavman ina tiwai ine. E silang blang umodue anit ke osep ka Ida Tapolngon rere isak ke urok bokongon.

Pas ka Pol sogoe uti la ke osep Rom ina 13:7 ပူးပေါင်းရင်းမြစ်များ

Matyu 17:25

E Pita koli wai. “Ee. Iye klie.” E alo ka iye sep ke ninu Yesus wai ke iye langane. “Saimon aitno lugom lange? Osep ka tivri mgo ke omur omur tidue takis ke osep seisei? Tidue takis ke osep matamur koke tidue takis ke osep kaulei?”

Matyu 22:21

E tikoli tiwai Sisar ano e angaine dong ine. Deka Yesus wai ke isak langane. “Umakar Sisar ila wan ke iye e langane blang umakar Ida Tapolngon ila wan ke iye.”

Mak 12:17

Deka Yesus wai ke isak langane. “Langka wan ka Sisar ila wan deka umakare ke iye. E langane blang wan ka Ida Tapolngon ila wan deka umakare ke iye.” Yesus wai langane deka osep tonari aitno lisak mter pula ine.

Luk 20:22

Imepmi wom langane. Moses ila sogongon songon ite ma itekli takis ke Sisar koke aurou?”

Luk 20:25

Deka Yesus wai ke isak langane. “Umakar Sisar ila wan ke iye e langane blang umakar Ida Tapolngon ila wan ke iye.”

Luk 23:2

Tipolou ke Pailot bitna e tisin elio vri ke Yesus e tiwai langane. “Imavati gute ane pagolgol imi osep Yuda ina aitno limi. Iye waiki imekli takis ke Sisar kovok e wai iye tona gute Krais ka Ida Tapolngon rere ma iye lua osep e iye vri mgo ke isak.”

Pas ka Pol sogoe uti la ke osep Rom ina 12:10

Ma umu lana umu lokono ke osep ka Ida Tapolngon ila osep kesua lumu osua kene vala. E umakakai supmu angainsak e umodue anit pulu.

Pas ka Pol sogoe uti la ke osep Rom ina 13:6

Ke batne langane umekli takis blang. Kesua osep gavman ina isak Ida Tapolngon ila osep bokongon ina e tiboko dagar ma tiplau urok bokongon tonari.

Efesus 5:33

E pelengon tonari ina pelengon silang blang langane. Osep arang ka pasinga ma isak lana isak ke sasarak eriar langka isak lana isak ke isak kensak kensak. E umu apmang ka pasinga umodue anit ke lumu soboget.

Efesus 6:5

Umu ka wokboi nating umoboko lumu bokongon ke elio langane. Umeini upu gute ka plau umu ila pelengon. Umodue anit ke iye e umedidi ila pelengon lokono. Aitno lumu mter ke wan langka upu gute aitno mter ine e umoboko ke ila bokongon eriar langka umoboko ke Krais ila bokongon.

1 Timoti 5:13

E tidue elio silang langane. Tidue elio ka ropo e tilila ulik ulik vala ke ninu ninu. E elio silang blang ka soulu langane. Tiwai pelengon adis ke osep e tiwaiki tiklingen wan bitna bitna ka osep leklou urok wan. Deka tibasik ine ke osep leklou blang.

1 Timoti 5:17

Umu ma umakar osep plaungan ina inarak klingen ke bokongon itau ka tidue. Osep ka tidue wan langane. Osep ka tiplau sios itau e tinapapra osep ke Ida Tapolngon ila pelengon e tiparere isak ke lana ine.

1 Timoti 6:1

Osep Kristen ka isak wokboi nating ma tidue anit ke inarak plaungan lama urok elio due Ida Tapolngon angaine duru e osep tiwai soulu ke aitno lite ila dagar.

1 Pita 3:7

E umu arang aitno lumu mter itau ke lumu sasap. Umodong kap isak e aitno lumu mter urok arit eriar langka lumu arit kovok. Deka umodue anit ke isak kesua Ida Tapolngon kar umorwo mosongon ka itau. Umodue langane deka alo ka umawai itau ke Ida Tapolngon ma iye klingen lumu pelengon.