Pas ka Pol sogoe uti la ke osep Rom ina 13:6 - Aria New Testament

⁶ Ke batne langane umekli takis blang. Kesua osep gavman ina isak Ida Tapolngon ila osep bokongon ina e tiboko dagar ma tiplau urok bokongon tonari.

Pas ka Pol sogoe uti la ke osep Rom ina 13:6 ပူးပေါင်းရင်းမြစ်များ

Luk 23:2

Tipolou ke Pailot bitna e tisin elio vri ke Yesus e tiwai langane. “Imavati gute ane pagolgol imi osep Yuda ina aitno limi. Iye waiki imekli takis ke Sisar kovok e wai iye tona gute Krais ka Ida Tapolngon rere ma iye lua osep e iye vri mgo ke isak.”

Pas ka Pol sogoe uti la ke osep Rom ina 12:8

Langka gute gesa ila bokongon langka iye kar osep leklou pelengon ka due aitno lisak tipolou dagar lokono e tile omur lokono Ida Tapolngon waiki ma iye boko dagar ine. E gute ka lua osep leklou ka urok wan isuk boto vala ma iye due langane aling aling. E gute ka mgo ke osep Kristen leklou ma iye boko dagar ine. E gute ka aitno due osep leklou e lua isak Ida Tapolngon waiki ma aitno neser ine.

Pas ka Pol sogoe uti la ke osep Rom ina 13:5

Deka ma itedidi urok pelengon lama Ida Tapolngon aitno ila engil due ite. E silang blang langane. Ma itedidi urok pelengon kesua iteile Ida Tapolngon waiki itodue langane.

Pas ka Pol sogoe uti la ke osep Rom ina 13:7

E silang blang langane. Umekli takis bitna bitna ka osep gavman ina tiwai ine. E silang blang umodue anit ke osep ka Ida Tapolngon rere isak ke urok bokongon.