Pas ka Pol sogoe uti la ke osep Rom ina 13:2 - Aria New Testament

² Deka langka osep tini osep gavman ina urok pelengon kovok tipul pelengon ke osep gavman ina ka Ida Tapolngon rere isak ke urok bokongon. E osep ka tidue langane ma osep gavman ina tikoli urok elio soulu.

Pas ka Pol sogoe uti la ke osep Rom ina 13:2 ပူးပေါင်းရင်းမြစ်များ

Matyu 23:13

“Aisudo. Umu osep ka umeile itau ke Moses ila sogongon e umu osep Farisi ina aitno lumu orwo ke Ida Tapolngon. Umediva ekreng bitna ke omur heven ke osep ka tiwaiki tisepe e dau umu tona umesepe kovok.

Mak 12:40

Tiwai ke apmang ka sasap batne deka tiyak isak e tidue urok wan. Alo ka tiwai itau ke Ida Tapolngon tiwai tauni kesua batne tiwaiki osep pula tipalem isak ma bina lisak tito. E elio ka Ida Tapolngon mulu osep ka tidue elio langane ma mole elio ka iye mulu osep leklou.”

Luk 20:47

Tiwai ka apmang ka sasap batne e tiyak isak e tipanako urok ninu ninu e urok wan bitna bitna. E silang blang alo ka tiwai itau ke Ida Tapolngon tiyakyak e tiwai tauni kesua tiwaiki osep pula tipalem isak. E elio ka Ida Tapolngon mulu osep ka tidue langane ma mole elio ka iye mulu osep leklou.”

Pas ka Pol sogoe uti la ke osep Rom ina 13:1

Ite ka pula keniye ma ite-klingen e itedidi osep gavman ina urok pelengon. Iteile Ida Tapolngon rere isak ma tiplau ite e tirere isak ine kovok.

Pas ka Pol sogoe uti la ke osep Rom ina 13:3

Osep gavman ina tidong e osep ka tidue elio soulu ma tilim ke isak. E osep ka tidue elio itau vala ma tilim ke isak kovok. Aurou. E langka omdue elio itau vala ma emlim ke osep gavman ina kovok. E ma tikakai angain wom ine.

Pas ka Pol sogoe uti la ke osep Rom ina 13:5

Deka ma itedidi urok pelengon lama Ida Tapolngon aitno ila engil due ite. E silang blang langane. Ma itedidi urok pelengon kesua iteile Ida Tapolngon waiki itodue langane.

Pas ka Pol sogoe uti la ke osep Rom ina 9:19

Ida Tapolngon ila elio lang-are dong. E ngaile ma gute gesa pmi ngong ine langane. “Ina lange Ida Tapolngon wai osep epmes ina urok elio vri ke isak? Kesua iye didi aitno e sei dong ka karanga dangdang Ida Tapolngon ke elio gesa ka iye waiki due?”

Taitus 3:1

Omsruk osep aitno lisak ma tidong moli ke osep ka tivri mgo ke omur omur e ke osep gavman ina e tididi urok pelengon. E tidong redi ma tidue bokongon bitna bitna ka itau.

Jems 3:1

Sipmi. Ngawai ke umu lang-ane. Umu pula umopolou osep parerengen ina ma umaparere osep ke Ida Tapolngon ila pelengon kovok. Kesua mase alo ka Ida Tapolngon wade osep ka pula keniye urok elio ma iye vati imi osep parerengen ina limem elio e wade imi ine lokono.

1 Pita 2:13

Umeini osep gavman ina ka tiplau umu kesua elio ane didi Ida Puda aitno. Umeini gute ka vri mgo ke umu kesua iye plau osep ka tidong ke omur ka iye vri mgo ine.