Pas ka Pol sogoe uti la ke osep Rom ina 13:13 - Aria New Testament

¹³ Ma itodue elio itau vala eriar langka osep tidue ke osep ka pula amtarsak langka ke oklou. Ma itekepis kovok. E ma iteinim aki dagar ma amtada balilu kovok. Ma itodue okwa kovok e ma itodue wan ulik ulik kovok. Ma itodue amnga kovok e ma aitno lite soulu ke gute silang kovok.

Pas ka Pol sogoe uti la ke osep Rom ina 13:13 ပူးပေါင်းရင်းမြစ်များ

Luk 1:6

Isak orwo tidong itau e osuk ke Ida Tapolngon bitna e tididi Moses ila sogongon lokono e tididi wan ka Ida Puda wai ine e wan gesa vri ke isak kovok.

Luk 16:19

E Yesus wai ke isak blang langane. “Oglou gute gesa dong ka ila mani pula pula e aling aling iye tnei klos ka edimor e okou ka itau lokono e oklou kene kene iye ngen ngangon ka itau lokono.

Luk 21:34

“E umaplau umu itau lama aitno lumu bon ke wan bitna bitna e umodue elio kepisngen ina e umeinim aki dagar ma omtomu balilu e aitno lumu mter pula ke wan ka taklak ina vala. Kesua oklou tonari ma suong polou ke umu alo ka aitno lumu mter ine kovok langka aure due ongwa suong.

Aposel 2:15

Aitno lumu lange? Osep ane amtarsak balilu? Aurou. Osep ane amtarsak balilu kovok. Langka osep tinim aki galou wain tinime ke kirui e oku ane 9 kilok ke kotkotu vala.

1 Korin 3:3

Kesua umu dau umedidi aitno lumu oglou ina. E elio ka oglou ina e elio ka aitno lumu soulu ke lumu saten leklou e elio ka umotuk opmu pulu dau tidong ke umu. E elio tonari ka umodue io isak elio ka aitno lumu oglou ina tidue. Elio tonari osep ka taklak ina urok elio.

Galesia 5:19

Umeile kodong ke elio ka aitno lumu oglou ina. Elio tonari langane. Okwa e isungon e elio ka soulu lokono.

Galesia 5:21

E aitno lisak nevlik ke osep ka tidong itau e tinim aki dagar ma amtarsak balilu e tikepis ke rogo omba e elio bitna bitna langane. Oglou ngawai lumu kodong deka eknikane ngawaiki ngawai ke pelengon tonari blang. Osep ka pula keniye ka tidue elio langane ma tikaranga tisep ke omur ka Ida Tapolngon plaue kovok.

Efesus 4:1

Osep leklou tidue ngong ngadong ke kalabus ane kesua ngaboko ke Ida Puda ila bokongon. E Ida Tapolngon rere umu ila osep umu deka ngawai dagar ke umu langane. Umodue elio itau ka iye waiki umodue ma lumu elio isuk isuk keniye itau.

Efesus 4:17

E ngawai dagar ke umu ke pelengon ane kesua batne Ida Puda dong. Umodue elio epmes ina bitna bitna eriar langka osep ka isak osep Yuda ina kovok tidue sakam. Kesua tididi aitno lisak ka kaka lokono vala.

Efesus 5:15

Deka umeile umu itau lama lumu elio isuk isuk eriar langka osep ka aitno lisak kaka. Umodue elio isuk isuk eriar langka osep ka tile omur ine tidue.

Efesus 5:18

E umeinim aki galou wain pula sakam lama omtomu balilu. Langka umodue elio langane ma paiavu umu. E umosongon Ano Itau ma plau umu vala.

Efesus 5:8

Oglou umodong ke aivoro. E eknikane langane kovok. Kesua umopolou Ida Puda ila osep deka umodong langka Ida Tapolngon ila esluk. Deka umodue elio itau bitna bitna eriar langka osep ka tidong ke bublongon tidue.

Filipai 1:27

Wan ka omba langane. Ngawaiki lumu mosongon didi pelengon ka Krais ila omon itau wai ine. Ngawaiki langka ngauti ke umu koke ngauti kovok ma ngaklingen pelengon langane. Umevri dagar e aitno lumu kene pulu e lana lumu kene vala. E umoboko dagar pulu ma umosruk osep ma aitno lisak la dagar ke omon itau.

Filipai 2:3

Umu kenmu kenmu aitno lumu mter ke umu tona vala e umawaiki umakakai angainmu kovok. Aurou. Umodong moli ke osep leklou e aitno lumu mter langka urok elio mole lumu elio.

Kolosi 1:10

Ma umelila ke elio ka Ida Puda waiki umedidie ma aitno itau lokono ke lumu elio. E ma umodue bokongon itau e ma umeile omur ke Ida Tapolngon. Deka aling aling ma lumu ilengen res polou omba.

Kolosi 3:5

Umemete kap Krais kodong deka umopul dogur ke elio bitna bitna ka taklak ina ka soulu. Elio bitna bitna langka elio ka osep tikepis pulu e elio isungon ina e elio ka aling aling osep tiwaiki tidue elio epmes ina bitna bitna e elio ka osep tingale osep leklou urok wan. Elio ngalengen ina iye langka osep tilotuim sapingen.

1 Tesalonaika 2:12

Ma umodue elio itau ka Ida Tapolngon aitno itau ine. Iye rere umu ila osep e waiki umodong ke omur ka iye plaue e umavati ila arit e ila bublongon ka omba e umodong ine.

1 Tesalonaika 4:12

Umoboko langane deka lumu wan bitna bitna tidong e ma umepmi osep leklou ma tilua umu kovok. E silang blang osep ka tidong dogur ke sios ma tidue anit ke umu kesua lumu elio itau.

1 Tesalonaika 5:17

E aling aling umawai itau ke Ida Tapolngon.

Jems 4:5

Ida Tapolngon ila pelengon wai langane. “Ida Tapolngon kar Ano Itau ke ite deka Ano Itau aitno kro ke ila osep lama aitno lisak la ke wan ka taklak ina vala.” Aitno lumu lange? Ida Tapolngon ila pelengon tonari pelengon adai? Aurou.

1 Jon 2:6

Gute gesa ka wai iye dong kap Ida Tapolngon io wan ka itau ma iye due elio isuk isuk langka Yesus due alo ka iye dong ke taklak.

2 Jon 1:4

Ngaklingen titim leklou tididi pelengon lokono langka Pmada wai dagar ine ma itodue. Ngaklingen langane deka aitno lungong neser omba ine.

Pas ka Jut sogoe 1:23

E osep leklou tidong langka isuk boto eiou ngen isak. Deka umolua isak suong langka umepi isak ke eiou. E aitno lumu due osep leklou e dau umoulou tarna lumu ke urok elio soulu. Aitno lumu engil ke urok elio soulu ka langka klos ka amum e amna sasi lokono.