Pas ka Pol sogoe uti la ke osep Rom ina 13:12 - Aria New Testament

¹² Isuk boto ma epmes yagos e isuk boto ma oklou tito. Deka wan ka itau ma itosongon udo elio soulu bitna bitna e ma itedidi elio itau vala. E ma elio itau dangdang elio soulu ma elio soulu mole ite kovok.

Pas ka Pol sogoe uti la ke osep Rom ina 13:12 ပူးပေါင်းရင်းမြစ်များ

Pas ka Pol sogoe uti la ke osep Rom ina 13:14

Eknikane iteneklep ke Ida Puda Yesus Krais e itakana ila elio. E aitno lumu mter ke elio soulu ka pampamu lumu waiki due kovok.

1 Korin 10:11

E elio ka polou ke isak langka nisngen ma osep leklou tivati e tile ine. E osep tisogo Ida Tapolngon ila pelengon ma parere ite ka oku ane itodong ane ma iteile omur ine. Kesua itodong alo ka taklak ane isuk boto ma yagos.

1 Korin 7:29

Sipmi. Ngawai langane. Dau tauni kovok e ma taim ane yagos. Deka ke eknikane osep ka tigi sasarak kodong ma tidong langka sasarak kovok.

2 Korin 10:4

E imodue evlei ke ola e osua langka tidue kovok. Aurou. Imodue evlei ke Ida Tapolngon ila arit ka ombatno deka imakaranga imapaiavu ipem oul ka urok arit omba.

2 Korin 6:7

Imanapapra pelengon ka lokono vala e imoboko ke Ida Tapolngon ila arit. Imodue elio isuk isuk ka itau e limem elio tonari langka ola e osua ka tilua osep alo ka tidue evlei kap inarak oul.

Efesus 4:22

Deka umosongon lumu elio epmes ina bitna bitna ka oglou tiplau umu. Umosongon elio tonari kesua elio epmes ina bitna bitna tonari due aitno lumu soulu lokono e paiavu umu.

Efesus 5:11

Umeneklep ke osep ka tidue elio epmes ina bitna bitna sakam. Kesua elio epmes ina bitna bitna tipolou ke aivoro. E umenis osep ke elio itau vala ma osep tile omur elio epmes ina tonari wan ka soulu lokono vala.

Efesus 5:8

Oglou umodong ke aivoro. E eknikane langane kovok. Kesua umopolou Ida Puda ila osep deka umodong langka Ida Tapolngon ila esluk. Deka umodue elio itau bitna bitna eriar langka osep ka tidong ke bublongon tidue.

Hibru 10:25

E aling aling itoduni pulu e itosongon elio tonari langka osep leklou tidue kovok. Iteile oklou ka Ida Puda ma iding me isuk boto polou deka itoboko engil ma itodue osep aitno lisak ila dagar dong dagar.

Hibru 12:1

E osep pula pula tonari ka aitno lisak dagar ke Ida Tapolngon langka tidong lelei ke ite e tinis ite ke elio itau. Deka ma ite arit ite eriar langka osep ka tisuong ke resis ma itodue wan ka Ida Tapolngon waiki itodue. Ma itosongon elio keniye ka dangdang ite ke resis tonari e itosongon elio epmes ina ka kis dagar ke ite.

Jems 1:21

Deka umasapir wan bitna bitna ka soulu e elio keniye ka soulu ka polou ke umu. E umepes umu kenmu kenmu e umedidi Ida Tapolngon ila pelengon ka dong ke aitno lumu. Kesua pelengon tonari karanga lua umu ke lumu elio epmes ina.

Jems 5:8

E umu blang umapara e umevri dagar alo ka wan polou ka opru umu. Kesua oklou ka Ida Puda ma iding me isuk boto polou.

1 Pita 2:1

Umopolou Ida Tapolngon ila osep kodong deka umepli elio soulu bitna bitna. Elio langka umayak osep e umawai pelengon gesa e dau aitno lumu silang ine e aitno lumu rim e umodue adis e lumu pelengon mter osep aitno lisak.

1 Pita 4:7

Oku ane isuk boto wan ka pula keniye yagos. E ke batne langane ngawaiki aitno lumu mter itau e umaplau umu itau. Umodue langane ma umakaranga umawai itau ke Ida Tapolngon.

2 Pita 3:11

Ngawaiki aitno lumu mter itau. Mase wan tonari ma polou yagos e oku ane umu kenmu kenmu umodue elio isuk isuk ka lange? Ma umodue elio isuk isuk ka itau ka Ida Tapolngon aitno itau ine.

2 Pita 3:9

E osep leklou tiwai langane. “Ida Puda dong tauni e didi ila promis molil molil vala.” E langane kovok. Aitno omba ke umu e dong para ma osep tibauluk aitno lisak ke urok elio epmes ina. Kesua iye waiki gute kene gesa mete ke ila elio epmes ina kovok.

1 Jon 2:18

Dirgu ngawai ke umu langane. Isuk boto wan ka pula keniye ina yagosngon ma polou. Umoklingen kodong Krais ina oul kene ina ma polou e oku ane osep pula ka isak Krais ina oul tipolou kodong. Elio ane langka nisngen ke wan ka pula keniye isuk boto yagos.

Pelengon kukwopngon 1:3

Deka gute ka ritim pelengon ane ke osep leklou ma aitno itau itau. E osep ka tididi pelengon tonari ka tiklingen ine ma aitno lisak itau itau blang. Kesua isuk boto wan ka pula keniye ka Ida Tapolngon waiki polou ma polou.

Pelengon kukwopngon 22:10

Deka iye wai ke ngong blang langane. “Omkukwop pelengon ka dong ke buk ane ka la ke elio ka mase ma polou kovok. Kesua isuk boto elio bitna bitna ka tidong ke buk ane ma tipolou.