Pas ka Pol sogoe uti la ke osep Rom ina 13:11 - Aria New Testament

¹¹ E ngawai ke umu ma umedidi elio tonari. Kesua umeile omur taim ane ma isuk boto yagos. Deka eknikane ma umodong langka osep ka timunu kudung vala kovok. Umeile alo ka aitno lite la dagar ke Krais are ila baulukngon dau olwo kovok. E eknikane ila baulukngon polou olwo boto kodong.

Pas ka Pol sogoe uti la ke osep Rom ina 13:11 ပူးပေါင်းရင်းမြစ်များ

Matyu 16:3

E ke kotkotu lokono umawai aragu ma me kesua umavati sirva edimor e gaup pula ka aivoro tidong. Umakaranga umavati sirva e umeile wansua ma polou ke sirva e dau umakaranga umeile elio isuk isuk ka tipolou oku ane lana ine kovok.

Luk 21:28

E alo ka wan ka pula keniye tonari tinogrum tipolou umetito e umodue omtomu tito ke sirva kesua isuk boto alo ka Ida Tapolngon lua umu ma polou.”

1 Korin 10:11

E elio ka polou ke isak langka nisngen ma osep leklou tivati e tile ine. E osep tisogo Ida Tapolngon ila pelengon ma parere ite ka oku ane itodong ane ma iteile omur ine. Kesua itodong alo ka taklak ane isuk boto ma yagos.

1 Korin 15:34

Umeile umu itau e umosongon lumu elio epmes ina bitna bitna e umodue elio itau vala. Umodue elio soulu e supmu leklou tile ke Ida Tapolngon dau kovok. Ngawai pelengon ane ke umu ma umu mnak umu ke lumu elio soulu.

Efesus 5:14

Deka alo ka umapalongo osep ke urok elio epmes ina urok elio tonari polou malak ke osep. Oglou gute gesa wai pelengon ano langane. “Wom ka omdong langka ommunu kudung emtipa. Wom ka omdong langka emmete emtito e Krais ma due wom omdong ke bublo-ngon.”

Jems 5:8

E umu blang umapara e umevri dagar alo ka wan polou ka opru umu. Kesua oklou ka Ida Puda ma iding me isuk boto polou.

1 Pita 4:7

Oku ane isuk boto wan ka pula keniye yagos. E ke batne langane ngawaiki aitno lumu mter itau e umaplau umu itau. Umodue langane ma umakaranga umawai itau ke Ida Tapolngon.

2 Pita 3:11

Ngawaiki aitno lumu mter itau. Mase wan tonari ma polou yagos e oku ane umu kenmu kenmu umodue elio isuk isuk ka lange? Ma umodue elio isuk isuk ka itau ka Ida Tapolngon aitno itau ine.

2 Pita 3:9

E osep leklou tiwai langane. “Ida Puda dong tauni e didi ila promis molil molil vala.” E langane kovok. Aitno omba ke umu e dong para ma osep tibauluk aitno lisak ke urok elio epmes ina. Kesua iye waiki gute kene gesa mete ke ila elio epmes ina kovok.

1 Jon 2:18

Dirgu ngawai ke umu langane. Isuk boto wan ka pula keniye ina yagosngon ma polou. Umoklingen kodong Krais ina oul kene ina ma polou e oku ane osep pula ka isak Krais ina oul tipolou kodong. Elio ane langka nisngen ke wan ka pula keniye isuk boto yagos.

Pelengon kukwopngon 1:3

Deka gute ka ritim pelengon ane ke osep leklou ma aitno itau itau. E osep ka tididi pelengon tonari ka tiklingen ine ma aitno lisak itau itau blang. Kesua isuk boto wan ka pula keniye ka Ida Tapolngon waiki polou ma polou.

Pelengon kukwopngon 22:10

Deka iye wai ke ngong blang langane. “Omkukwop pelengon ka dong ke buk ane ka la ke elio ka mase ma polou kovok. Kesua isuk boto elio bitna bitna ka tidong ke buk ane ma tipolou.

Pelengon kukwopngon 22:12

Deka Yesus wai langane. “Umoklingen. Isuk boto ma ngame. E ma ngapaur osep ka pula keniye inarak klingen kap ngong. Ma ngakar osep kensak kensak inarak klingen ke elio isuk isuk ka tidue.

Pelengon kukwopngon 22:20

Gute ka palongo ke elio bitna bitna ka polou wai langane. “Ngawai lokono langane. Isuk boto ma ngame.” E ngong Jon ngawai langane. “Lokono. Ida Puda Yesus omo.”