Pas ka Pol sogoe uti la ke osep Rom ina 12:8 - Aria New Testament

⁸ Langka gute gesa ila bokongon langka iye kar osep leklou pelengon ka due aitno lisak tipolou dagar lokono e tile omur lokono Ida Tapolngon waiki ma iye boko dagar ine. E gute ka lua osep leklou ka urok wan isuk boto vala ma iye due langane aling aling. E gute ka mgo ke osep Kristen leklou ma iye boko dagar ine. E gute ka aitno due osep leklou e lua isak Ida Tapolngon waiki ma aitno neser ine.

Pas ka Pol sogoe uti la ke osep Rom ina 12:8 ပူးပေါင်းရင်းမြစ်များ

Matyu 25:40

Deka gute ka vri mgo ke omur ma koli wai ke isak langane. ‘Ngawai lokono ke umu. Alo ka umodue elio tonari ke osep ke lou osua lama angainsak daudeng e tidong moli ke osep leklou umodue ke ngong blang.’”

Aposel 11:23

Barnabas la polou ke Antiok deka iye vati elio itau ka Ida Tapolngon due ke osep tonari e aitno neser ine. Deka iye wai dagar ke isak langane. “Oklou aling aling aitno lumu dagar lokono ke Ida Puda e aitno lumu kene ke iye e aitno lumu orwo ke iye sakam.”

Aposel 13:12

Alo ka Sergius Paulus ka vri mgo ke omur are vati elio ane aitno la dagar ke Ida Puda. Deka aitno mter pula ke ila pelengon.

Aposel 13:15

Tidong ine deka gute ka plau osep Yuda ina urok duningen ina ninu tonari ritim Moses ila sogongon e osep napaprangan ina urok sogongon e osep keniye tiklingen ine. Gute tonari due langane yagos deka wai ke Pol gosok sisrok langane. “Langka umawaiki umakar pelengon gesa ke imi ka lua imi deka umawai ine.”

Aposel 15:32

Deka Judas orwo Sailas ka isak osep napaprangan ina blang tikar pelengon itau pula ke osep ari ka lua isak e due aitno lisak tidong dagar lokono.

Aposel 20:2

Iye lila ke omur tonari e kar pelengon itau ke osep ka tidong ine ka due aitno lisak dagar e mase iye polou ke omur Grik.

Aposel 20:28

Eknikane umu ka Ano Itau rere umu Ida Tapolngon ila osep inarak plaungan umaplau umu itau. Umekere Ida Tapolngon ila osep itau lokono. Kesua Otno Arang ina marau kli inarak elio epmes ina.

Aposel 4:36

Alo ari gute dong ka angaine Josep e osep aposel tisir iye Barnabas. Angaine Barnabas lana ine gute ka due osep aitno lisak tidong itau. Barnabas gute Livai ina gesa ka ila omur batne aidunu Saiprus.

Pas ka Pol sogoe uti la ke osep Rom ina 12:13

Langka Ida Tapolngon ila osep leklou urok wan isuk boto vala deka umolua isak. E langka osep kaulei time tipolou ke umu deka umekere isak itau.

Pas ka Pol sogoe uti la ke osep Rom ina 13:6

Ke batne langane umekli takis blang. Kesua osep gavman ina isak Ida Tapolngon ila osep bokongon ina e tiboko dagar ma tiplau urok bokongon tonari.

1 Korin 12:28

E Ida Tapolngon rere Yesus ila osep urok bokongon langane. Osep ka tidue ila bokongon mgo isak osep aposel e orwo ina isak osep napaprangan ina e eklu ina isak osep parerengen ina. E silang blang osep leklou ka tidue elio arit ina. E osep leklou blang ka tilua osep ka tipaia ma tipolou itau blang e osep ka tilua osep leklou blang. E osep leklou ma tiplau osep pula e osep leklou ka tiwai tokples bitna bitna ka tile ine kovok.

1 Korin 14:3

E osep ka tinapapra Ida Tapolngon ila pelengon ma urok pelengon due osep aitno lisak dagar lokono e sruk aitno lisak ma tidue elio itau e due aitno lisak itau.

2 Korin 1:12

Aitno lungong itau ke elio kene. Ke aitno lungong ngaile Ida Tapolngon lua ngong ma ngadue elio osuk lokono e elio itau. Ida Tapolngon makai ngong deka ngadidi elio tonari e ngadidi ilengen ka taklak ane ina kovok. Ngadidi elio itau ke osep pula e dau ngadidie kap umu lokono.

2 Korin 11:3

Oglou mota ka ila aiding yakngan yak Eva e Eva didi iye. E aitno lungong kro lokono lama osep leklou tiyak umu e aitno lumu ila dagar segesege e dong dagar ke Krais kovok.

2 Korin 8:12

Kesua langka gute waiki tuk mani la ke osep leklou Ida Tapolngon aitno itau ke iye. Langka gute karanga lua osep ke mani isuk boto vala kesua ila wan isuk boto Ida Tapolngon aitno itau ke iye. Kesua Ida Tapolngon aitno itau ke gute ka tuk ila mani ka dong ke iye e lua osep leklou ine.

2 Korin 9:11

Ida Tapolngon ma due lumu wan bitna bitna tipolou pula ma aling aling umakaranga umotongo wan ke osep leklou. E osep ka tidue lumu mani ka imakare ke isak ma aitno lisak itau ine e tikakai Ida Tapolngon angaine tito la egim ine.

2 Korin 9:13

E osep pula tivati lumu bokongon itau deka tile umedidi Krais ila omon itau ka umawai ine lokono e tikakai Ida Tapolngon angaine ine. E silang blang tikakai angaine kesua umotuktuk lumu wan pula e umolua isak e osep leklou blang ine.

2 Korin 9:7

Deka gute kene kene aitno mter itau ke wan ka iye waiki kare ke osep leklou. Lama gute aitno soulu ke wan ka iye kare koke osep tipagei iye ke wan ka iye kare. Kesua Ida Tapolngon aitno itau ke osep ka aitno lisak neser alo ka tikar urok mani ke osep leklou.

Efesus 6:5

Umu ka wokboi nating umoboko lumu bokongon ke elio langane. Umeini upu gute ka plau umu ila pelengon. Umodue anit ke iye e umedidi ila pelengon lokono. Aitno lumu mter ke wan langka upu gute aitno mter ine e umoboko ke ila bokongon eriar langka umoboko ke Krais ila bokongon.

Kolosi 3:22

Umu ka wokboi nating umeini upu puda urok pelengon keniye. Umoboko itau alo ka tikaranga tivati umu vala ma aitno lisak itau ke lumu bokongon kovok. Aurou. Umoboko itau lama tikaranga tivati umu koke tikaranga tivati umu kovok. Aitno lumu kene ke urok pelengon e umeinie itau. E ke elio langane umodue anit ke Ida Puda.

1 Tesalonaika 2:3

E alo ka imawai ke umu imedidi pelengon yakngan kovok. E imodue elio soulu kovok e imayakyak umu kovok. Aurou.

1 Tesalonaika 2:8

Imi lana imi omba ke umu deka imawaiki imanapapra Ida Tapolngon ila omon itau ke umu. E silang blang langka osep tiwaiki tidue agegeng ke imi aitno limi kro ine kovok. Kesua aitno limi itau lokono ke umu.

1 Timoti 4:13

Langka ngame paide kovok ma emritim Ida Tapolngon ila pelengon ke osep amtarsak e ma amnapapra ila pelengon ke isak e ma amparere isak ke ila pelengon batne.

1 Timoti 5:17

Umu ma umakar osep plaungan ina inarak klingen ke bokongon itau ka tidue. Osep ka tidue wan langane. Osep ka tiplau sios itau e tinapapra osep ke Ida Tapolngon ila pelengon e tiparere isak ke lana ine.

1 Timoti 6:18

Amwai dagar ke isak ma tidue elio bitna bitna ka itau ka lua osep leklou. Aling aling ma tidue tovro ke osep ka urok wan isuk boto vala.

Hibru 10:25

E aling aling itoduni pulu e itosongon elio tonari langka osep leklou tidue kovok. Iteile oklou ka Ida Puda ma iding me isuk boto polou deka itoboko engil ma itodue osep aitno lisak ila dagar dong dagar.

Hibru 13:17

Umodong moli ke osep ka tiplau umu e umeini urok pelengon. Kesua tidue urok bokongon ka tiplau umu e mase ma tiwai ke Ida Tapolngon ke wan ka tidue. Umeini isak ma aitno lisak itau ke urok bokongon e bokongon tonari opru isak kovok. Kesua langka urok bokongon opru isak elio are ma lua umu kovok.

Hibru 13:22

Sipmi. Ngawaiki umo-klingen lou pelengon ka ngasogoe. Kesua ngawaiki ngadue aitno lumu dong dagar e pas ane bolbolo vala.

Hibru 13:24

Umawai “oklou itau” ke osep ka tiplau umu e ke Ida Tapolngon ila osep ka pula keniye. E osep ka tidong ke omur Itali tiwai “oklou itau” ke umu.

Hibru 13:7

Aitno lumu mter ke osep ka oglou tiplau ke umu e tiwai Ida Tapolngon ila pelengon ke umu. Aitno lumu mter ke urok mosongon e urok elio itau e umakana aitno lisak ila dagar.