Pas ka Pol sogoe uti la ke osep Rom ina 12:7 - Aria New Testament

⁷ Langka gute gesa ila bokongon langka iye lua osep ka Ida Tapolngon ila osep ma iye boko dagar ine. Langka gute gesa ila bokongon langka iye parere osep ma iye boko dagar ine.

Pas ka Pol sogoe uti la ke osep Rom ina 12:7 ပူးပေါင်းရင်းမြစ်များ

Matyu 28:19

Deka umala ke omur ka pula keniye ke taklak e umodue osep tipolou lou disaipel e umapaunim isak ke Upu Tapolngon ka Pmomu angaine e Upu Tapolngon Otno Arang angaine e Ano Itau angaine.

Jon 3:2

Iye la polou ke Yesus ke epmes gesa e wai ke iye langane. “Rabai imeile wom gute parerengen ina ka me ke Ida Tapolngon. Ngawai langane kesua langka Ida Tapolngon dong kap wom kovok amkaranga omdue elio arit ina ka nisngen ka omdue kovok.”

Aposel 13:1

Alo ari Ida Tapolngon ila osep leklou tidong ke Antiok. Ke armok ari osep leklou isak osep napaprangan ina e osep leklou blang isak osep parerengen ina. Angainsak Barnabas e Simeon ka osep tisir iye Niger e Lusius ka omur Sairini ina e Manain ka dong kap Herot ka vri mgo ke omur ari alo ka iye dau dauding e Sol.

Aposel 20:20

E silang blang langane. Oglou langka pelengon gesa dong ka karanga lua umu nganapaprae ke umu. Nganapaprae ke osep pula amtarsak e ke lumu ninu kene kene.

Aposel 20:28

Eknikane umu ka Ano Itau rere umu Ida Tapolngon ila osep inarak plaungan umaplau umu itau. Umekere Ida Tapolngon ila osep itau lokono. Kesua Otno Arang ina marau kli inarak elio epmes ina.

Aposel 6:1

Alo ari osep ka aitno lisak dagar ke Yesus tires tipolou pula. Osep Yuda ina leklou ka tiwai pelengon Grik tingurngur ke osep Yuda ina ka tiwai pelengon Hibru urok elio. Tiwai langane. “Aitno limi kro kesua oklou aling aling umolua osep ka inarak ngangon isuk boto e umolua limem apmang sasap batne langane kovok.”

1 Korin 12:28

E Ida Tapolngon rere Yesus ila osep urok bokongon langane. Osep ka tidue ila bokongon mgo isak osep aposel e orwo ina isak osep napaprangan ina e eklu ina isak osep parerengen ina. E silang blang osep leklou ka tidue elio arit ina. E osep leklou blang ka tilua osep ka tipaia ma tipolou itau blang e osep ka tilua osep leklou blang. E osep leklou ma tiplau osep pula e osep leklou ka tiwai tokples bitna bitna ka tile ine kovok.

1 Korin 12:5

E ma itodue Ida Puda ila bokongon bitna bitna e Ida Puda kene vala dong.

1 Korin 14:26

Sipmi. Alo ka umoduni pulu ke duningen ma umodue sua? Ma umodue elio bitna bitna ka itau ka tilua umu vala. Gute kene due sakul e gute silang wai pelengon ka parere osep leklou e gute silang wai pelengon ka Ida Tapolngon nis iye ine ma iye napapra ine. E gute silang wai tokples gesa ka osep tile ine kovok e gute silang bauluk tokples tonari. Deka wan ka umodue ma due Yesus ila osep aitno lisak tidong dagar.

Galesia 6:6

Gute ka klingen Ida Tapol-ngon ila pelengon ma iye tuk ila wan leklou e kare ke gute ka parere iye ke Ida Tapolngon ila pelengon.

Efesus 4:11

Krais tona lua osep ke ila kerengen. Iye rere osep leklou ma isak osep aposel. E iye rere osep leklou ma isak osep napaprangan ina. E iye rere osep leklou ma tinapapra Ida Tapolngon ila omon itau ke omur omur. E iye rere osep leklou ma tiplau Yesus ila osep e ma tiparere isak ke ila pelengon.

Kolosi 4:17

E umawai ke gute Arkipus langane. “Wom ma ambabrum bokongon ka Ida Puda kare ke wom.”

1 Timoti 2:7

Ke batne langane Ida Tapolngon rere ngong ma ngapolou ila aposel gesa. E ngaboko ma nganapapra ila omon itau ke osep ka isak osep Yuda ina kovok e ngaparere isak ine. Ma aitno lisak la dagar ke Krais e ma tile ke ila pelengon ka lokono. Ngawai lokono e ngayakyak kovok.

1 Timoti 3:2

Gute ka waiki dong sios ina plaungan ma iye didi elio itau vala ma osep tivati elio soulu gesa vri ke iye kovok. E ma esna kene vala. Ma iye dong itau e didi elio itau vala e plau iye itau. E ma iye kere osep kaulei ka time ke ila ninu. E ma iye karanga parere osep ke Ida Tapolngon ila pelengon.

1 Timoti 4:16

Ma amplau wom itau ke lem elio isuk isuk e ke lem bokongon ka amparere osep. Langka omdue langane Ida Tapolngon ma lua wom e iye ma lua osep ka tiklingen lem pelengon.

1 Timoti 5:17

Umu ma umakar osep plaungan ina inarak klingen ke bokongon itau ka tidue. Osep ka tidue wan langane. Osep ka tiplau sios itau e tinapapra osep ke Ida Tapolngon ila pelengon e tiparere isak ke lana ine.

2 Timoti 2:2

Emklingen pelengon ka ngawai ke osep pula kodong. Deka ngawaiki amwai pelengon tonari ke osep ka tikis dagar ke Ida Tapolngon ila pele-ngon ma tikaranga tiparere osep leklou ine blang.

2 Timoti 2:24

Gute ka due Ida Puda ila bokongon ma wai engil kap osep kovok. E ma iye due mada ke osep e iye karanga parere osep itau. E silang blang alo ka osep tidue elio soulu ke iye io aitno epen ine.

2 Timoti 4:2

Aling aling amnapapra Ida Tapolngon ila pelengon ke osep. Langka tiwaiki amnapapra ke isak koke tiwaiki amnapapra ke isak kovok io amnapapra ine vala. Ommosi aitno lisak ma aitno lisak mter itau e amwai dagar ke isak ma tibauluk aitno lisak ke urok elio soulu. E amwai pelengon itau ke isak ma due aitno lisak itau. Amwai molil molil ke isak e aling aling amparere isak.