Pas ka Pol sogoe uti la ke osep Rom ina 12:3 - Aria New Testament

³ Ida Tapolngon makai ngong deka ngakar umu kenmu kenmu pelengon dagar ane. Aitno lumu mter langka angainmu omba e lumu elio mole osep leklou urok elio sakam. Aurou. Ma umawade lumu elio isuk isuk itau. Umedidi aitno lumu ila dagar ka Ida Tapolngon lua umu ine e umawade umu kenmu kenmu lumu elio ine.

Pas ka Pol sogoe uti la ke osep Rom ina 12:3 ပူးပေါင်းရင်းမြစ်များ

Luk 18:11

E gute Farisi ina wai ke aitno langane. ‘Ngau Tapolngon aitno lungong itau ke wom kesua ngong langka osep leklou kovok. Isak osep panakongon ina e tidue elio ka itau e osuk ke emtem kovok e isak osep ka tidue okwa. Koke isak langka gute are ka due takis.

Jon 3:34

Kesua gute ka Ida Tapolngon pagei me napapra ila pelengon e Ida Tapolngon due Ano Itau ila arit bon ke iye.

Pas ka Pol sogoe uti la ke osep Rom ina 1:5

E silang blang langane. Ida Tapolngon makai imi e rere imi ma imi ila aposel leklou batne Yesus dong. Iye rere imi ma imapaur ila omon itau la ke osep ka pula keniye ka tidong ke omur pula. Iye rere imi kesua iye waiki ma osep ka pula keniye aitno lisak la dagar ke ila pelengon e ma tididie.

Pas ka Pol sogoe uti la ke osep Rom ina 11:20

Lumu pelengon langane lokono. E dau elio tonari batne lokono langane. Ida Tapolngon tuktuk osep Israel ina kesua batne aitno lisak dagar ke iye kovok. E Ida Tapolngon due umu umakasip amunsak kesua aitno lumu dagar ke iye. Deka umeile umu itau lama aitno lumu vri ke umu e umakakai umu tona angainmu. Aurou. Ma umodue anit ke Ida Tapolngon vala.

Pas ka Pol sogoe uti la ke osep Rom ina 11:25

Sipmi. Ngawaiki ma umeile omur ke pelengon ka kukwop ka oglou itosep iteile ine kovok lama aitno lumu mter langka lumu ilengen omba lokono. E ma ngapalongo lumu ke pelengon ka kukwop ane. Osep Israel ina leklou tipono aitno lisak ke Ida Tapolngon ila makaingan. Tidue langane la lama Ida Tapolngon makai osep ka isak osep Yuda ina kovok ka iye rere isak ila osep kodong.

Pas ka Pol sogoe uti la ke osep Rom ina 12:16

Ma aitno lumu kene pulu. E ma aitno lumu vri ke umu vala kovok. Umepli osep ka angainsak omba kovok sakam. E aitno lumu itau ke isak vala. Ma umakakai umu tona angainmu kovok lama aitno lumu mter umu osep ka umeile omur ine.

1 Korin 15:10

E Ida Tapolngon makai ngong e due ngong ngapolou ila aposel gesa deka ngadong langane. Ida Tapolngon ila makaingan ka me ke ngong la adai vala kovok. Aurou. Ngaboko dagar lokono deka lou bokongon mole osep aposel leklou urok bokongon. E ngong tona ngadue bokongon tonari kovok. Aurou. Ida Tapolngon makai ngong e lua ngong deka ngaboko ke ila bokongon.

1 Korin 3:10

Ida Tapolngon ila makai-ngan due ngong e ngapolou langka gute ka ile omur lokono ke ninu ina uringen. E ngasinsin opmu ka ninu napal munu ine. E gute silang uri ninu napal munu ke opmu tonari. Io osep pula ma tikere isak itau ke elio ka tiuri ninu ine.

1 Korin 7:17

Umu kenmu kenmu ma umodong vala ke lumu mosongon ka Ida Puda kare ke umu kodong. Mosongon lange ka umodong ine alo ka Ida Tapolngon rere umu ila osep umu. Ngawai pelengon dagar ane ke sios ka pula keniye.

2 Korin 10:13

E imawai ke bokongon ka osep leklou tidue kovok. Aurou. Imawai ke bokongon ka Ida Tapolngon kare ke imi vala e imakakai angainmi ine. E bokongon tonari lua umu blang.

2 Korin 12:13

Ngadue elio ke umu eriar langka elio ka ngadue ke sios leklou. E ngadue elio kene ka silang ke umu. Ngapang mani ke umu kovok kesua ngawaiki ngadue wan ka opru umu kovok. E langka lou elio tonari soulu ngawaiki umasak lou elio soulu.

2 Korin 12:7

Ida Tapolngon nis ngong ke wan ka itau lokono deka lama aitno lungong mter langka ngong gute ka itau lokono Ida Tapolngon songon Satan ma iye due wan soulu polou ke pampamu lungong. E wan soulu tonari polou ke ngong ma lua ngong lama ngakakai angain ngong ke elio itau lokono ka polou ke ngong.

Galesia 6:3

Langka gute gesa aitno mter langka angaine omba e dau angaine omba kovok deka gute tonari yak iye tona vala.

Efesus 3:2

Umeile omur kodong Ida Tapolngon didi ila makaingan e rere ngong e kar bokongon ane ke ngong ma ngadue. Iye rere ngong ine kesua ma lou bokongon lua umu.

Efesus 3:4

Langka umedidi pelengon ka dong ke pas ane ma umeile omur ke wan ka iye laloe ka langane. Ma umeile omur Ida Tapolngon due aitno lungong mgo. E ngaile omur ke pelengon lokono ka oglou osep tile ine kovok. E Krais due polou lokono kodong.

Efesus 4:16

E iye plau ite keniye e kis ite keniye dagar. Deka eriar langka gute gesa pampamu ine ongwa ine bitna bitna tiblet pulu dagar deka Krais blang kis ite ma itodong dagar pulu. E langka ite ka Krais pampamu ine itolua ite pulu itau e ite lana ite pulu ma ite keniye itopolou dagar lokono. Deka itodong dagar lokono.

Filipai 2:13

Kesua iteile Ida Tapolngon boko ke aitno lumu ma umawaiki umodue elio ka aitno itau ine e iye kar arit ke umu ma umodue elio langare.

Kolosi 1:29

Deka ke bokongon tonari ngaboko engil lokono ke Krais ila arit ka omba. Iye lua ngong ke ila arit deka ngaboko ine.

Kolosi 2:13

Oglou umodue elio soulu bitna bitna e umedidi elio ke aitno lumu oglou ina deka ke elio tonari langka anmu timete. E Ida Tapolngon due umu umodue lumu mosongon oku ina kap Krais deka Ida Tapolngon klok lumu elio epmes ina la.

1 Timoti 1:14

E Ida Puda Krais Yesus makai ngong omba lokono. E iye sruk aitno lungong ma aitno lungong dagar ke iye. E iye due aitno lungong la ke osep leklou blang.

1 Timoti 2:15

E langane. Langka apmang aitno lisak dagar ke Krais aling aling e tikar aitno lisak ke iye ma tidong itau. E tididi elio itau langka isak lana isak ke osep leklou e tiplau isak itau. Deka ma Ida Tapolngon lua isak alo ka tidivir mimi.

1 Timoti 2:9

Pelengon silang blang lang-ane. Ngawaiki ma apmang titnei klos ka itau ka karanga ke isak vala. E ma tipol aparsak e tibares ke baresngen bitna bitna kovok. E titnei klos ka ina klingen omba kovok e tibares ke opmu gol kovok. Ngawaiki aitno lisak la ke urok klos e urok baresngen aling pula kovok.

Taitus 2:12

Ida Tapolngon ila makaingan nis ite ke elio ka itopul dogur ke elio ka Ida Tapolngon aitno soulu ine. E nis ite ma itepli elio soulu bitna bitna ka taklak ane ina. E nis ite ma itaplau ite itau e itodue elio itau vala ka Ida Tapolngon aitno itau ine alo ka itodong ke taklak ane.

Taitus 2:2

Amparere osep arang ka namormor ma tinim aki dagar ma amtarsak balilu kovok. Ma tile isak itau e tididi elio itau vala. E tivri dagar ke aitno lisak ila dagar e ke elio ka isak lana isak ke osep ka pula keniye. E langka wan gesa polou ka opru isak ma tivri dagar ine.

Taitus 2:4

Tiparere apmang pasinga oku ina ma aitno lisak la ke sasarak e titorok blang.

Taitus 2:6

E amwai ke osep ka auram aitno ma isak blang tiplau isak itau vala.

Jems 4:6

Ida Tapolngon makai ite ke ila makaingan ka ombatno. E ila pelengon wai blang langane. “Ida Tapolngon aitno itau ke osep ka tikakai isak tona angainsak kovok e iye makai osep ka tipes angainsak.”

1 Pita 1:13

Ke batne langane ngawaiki umekere aitno lumu ma aitno lumu mter ke elio isuk isuk ka umodue e umaplau umu itau. Umu arit umu ma umapara ke kerengen ma umodue alo ka Yesus Krais me polou malak.

1 Pita 4:11

Langka gute due kerengen ma iye napapra ke osep deka iye napapra Ida Tapolngon ila pelengon vala. E langka gute due kerengen ma iye lua osep leklou ke bokongon bitna bitna deka ma iye didi Ida Tapolngon ila arit ine. Umodue langane ma wan ka pula keniye ka umodue kakai Ida Tapolngon angaine tito la egim batne Yesus Krais dong. Krais angaine omba lokono e ila arit dong vala dong. Lokono.

1 Pita 4:7

Oku ane isuk boto wan ka pula keniye yagos. E ke batne langane ngawaiki aitno lumu mter itau e umaplau umu itau. Umodue langane ma umakaranga umawai itau ke Ida Tapolngon.

1 Pita 5:5

Umu auram aitno umeini osep ngongle urok pelengon. Umu ka pula keniye umepes umu kenmu kenmu langka umeini umu pulu. Ida Tapolngon ila pelengon wai langane. “Ida Tapolngon aitno itau ke osep ka tikakai isak tona angainsak kovok e iye makai osep ka tipes angainsak.”

1 Pita 5:8

Umeile umu itau e umaplau umu itau kesua upu oul Satan lila tamtam langka laion ka wai omba e krim Ida Tapolngon ila osep ma iye due pogle ke isak.

3 Jon 1:9

Oglou ngasogo pas ke Ida Tapolngon ila osep. E dau gute Diotrefes waiki klingen lou pele-ngon kovok kesua iye waiki iye vala mgo ke sios.