Pas ka Pol sogoe uti la ke osep Rom ina 12:2 - Aria New Testament

² E umakana elio bitna bitna ka osep taklak ina tidue sakam. Umosongon Ida Tapolngon ma iye due aitno lumu tilumus tipolou oku. Alo ka aitno lumu tilumus tipolou oku ma umeile lokono ke Ida Tapolngon aitno. E ma umeile ke elio ka itau ka Ida Tapolngon aitno itau ine e ka wan gesa mole kovok.

Pas ka Pol sogoe uti la ke osep Rom ina 12:2 ပူးပေါင်းရင်းမြစ်များ

Matyu 13:22

E wit londo ka tiduru timunu ke galou marak isak eriar langka gute ka klingen Ida Tapolngon ila pelengon e dau aitno kro ke wan bitna bitna ke mosongon ane e aitno itau ke mani. E elio orwo tonari tikading Ida Tapolngon ila pelengon e pelengon karanga due gute ma iye due elio itau kovok.

Mak 4:19

E mase aitno lisak kro ke elio bitna bitna ka taklak ina e aitno lisak mter ke mani. E tiwaiki tidue wan isuk isuk ma urok wan pula pula. Deka pelengon tonari karanga lua isak ke urok elio isuk isuk kovok.

Jon 14:30

Ma ngawai ke umu dau tauni kovok kesua Satan ka plau osep ka pula keniye ke taklak me. E iye karanga mole ngong kovok.

Jon 15:19

Langka umu osep taklak ina ma isak lana isak ke umu langka isak lana isak ke isak sisrok. E umodong langka osep taklak ina kovok e ngarere umu ma umosongon isak deka ke batne langane aitno lisak engil e amnga ke umu.

Jon 17:14

“Ngakar lem pelengon ke isak e ke batne langane osep taklak ina aitno lisak engil e amnga ke isak. Aitno lisak engil e amnga ke isak kesua isak langka osep taklak ina kovok eriar langka ngong langka osep taklak ina kovok.

Jon 7:7

Osep taklak ina aitno lisak engil ke umu kovok e aitno lisak engil ke ngong kesua ngawai malak ke isak ke urok elio soulu ka tidue.

Pas ka Pol sogoe uti la ke osep Rom ina 12:1

Sipmi. Ida Tapolngon aitno due ite kodong deka ngawai dagar ke umu langane. Ma umakar pampamu lumu ke Ida Tapolngon langka wan ka ila wan. Alo ka umu dau umodong ma umodong langka Ida Tapolngon ila osep ka itau lokono ma umodue elio itau ka Ida Tapolngon aitno itau ine. Umodue langane deka elio ka langane langka aitno lumu la dagar ke Ida Tapolngon vala.

Pas ka Pol sogoe uti la ke osep Rom ina 13:14

Eknikane iteneklep ke Ida Puda Yesus Krais e itakana ila elio. E aitno lumu mter ke elio soulu ka pampamu lumu waiki due kovok.

Pas ka Pol sogoe uti la ke osep Rom ina 7:12

E Moses ila sogongon keniye itau lokono vala. E silang blang langane. Sogongon tonari osuk lokono e wai ke elio ka lua osep.

Pas ka Pol sogoe uti la ke osep Rom ina 7:14

Oglou Ano Itau due Moses aitno deka iye sogo ila sogongon ka itau. E ngong gute e elio epmes ina waiki plau ngong ma ngadue elio soulu vala.

Pas ka Pol sogoe uti la ke osep Rom ina 7:22

E aitno lungong dagar lokono ma ngadidi Moses ila sogongon vala.

1 Korin 3:19

Kesua Ida Tapolngon vati ilengen ka taklak ina langka wan adai vala. Ida Tapolngon ila pelengon wai langane. “Osep leklou aitno lisak mter langka urok ilengen ombatno e isak tona ti-karanga tidue wan bitna bitna. E Ida Tapolngon due elio tonari ma mke isak langka aure mke ongwa gesa.”

2 Korin 4:4

Satan ka iye plau taklak ane due osep ka aitno lisak dagar ke Ida Tapolngon kovok aitno lisak aivoro ma tikaranga tivati bublongon ke Krais ila omon itau kovok. E Krais eriar langka Ida Tapolngon.

2 Korin 5:17

Langka gute gesa nepir ke Krais iye polou gute oku ina. Ila mosongon oglou ina yagos la e ila mosongon oku ina polou kodong.

Galesia 1:4

Krais didi Ida Tapolngon ka Pmada aitno e soro pampamu ine ma lua ite ke udo elio epmes ina. Iye due langane ma lua ite ke elio soulu ka dong ke taklak ane.

Efesus 1:18

Ngapmi Ida Tapolngon ma iye lua umu ma umeile omur ke pelengon lokono ka ila poloungon batne ke iye. Ma umeile omur ke wan bitna bitna keniye ka Ida Tapolngon waiki kere ila osep ine e itapara ine.

Efesus 2:2

Deka ari umodue elio epmes ina bitna bitna eriar langka osep epmes ina ka tidong ke taklak ane tidue. Alo ari Satan ka plau angelo soulu plau umu blang. Iye plau umu kesua iye plau osep ka talsak klingen Ida Tapolngon ila pelengon kovok.

Efesus 5:17

Deka umodue elio ulik ulik langka osep ka isak manga manga tidue sakam. Umekrim ekreng ke elio ka Ida Puda waiki umedidie.

Kolosi 1:9

Deka nogrum ke oklou mgongon ina ka imeklingen ke lumu elio itau aling aling imawai itau e imepmi Ida Tapolngon ma iye lua umu ma umeile omur ke aitno. E ma Ano Itau kar umu ilengen itau ma umeile ke elio bitna bitna ka aitno itau ine ma elio tonari bon ke aitno lumu.

Kolosi 3:10

E umodue lumu mosongon oku ina kodong. Ida Tapolngon due lumu mosongon tonari polou oku aling aling e aling aling lua umu ma umeile omur ke ila elio keniye. Iye waiki lumu elio isuk isuk polou langka iye tona ila elio.

Kolosi 4:12

Gute Epafras ka iye lumu aten gesa e iye Krais Yesus ila gute bokongon ina wai “oklou itau” ke umu blang. Aling aling iye wai itau pula lokono ma Ida Tapolngon due umu ma umodong dagar langka osep ngongle ka umeile omur ke aitno lumu ila dagar. Iye wai itau ma umedidi Ida Tapolngon aitno ke wan ka pula keniye ka iye waiki umodue.

1 Tesalonaika 4:3

Ida Tapolngon waiki umodue langane. Umodue elio itau vala e umodong itau e umoulou ke elio okwa.

Taitus 3:5

Deka iye lua ite ke udo elio epmes ina. E aitno mter ke elio itau ka itodue e iye lua ite ke udo elio epmes ina kovok. Aurou. Iye tona aitno due ite deka iye lua ite ke udo elio epmes ina. Iye langka ris ite deka itopolou langka mimi edimor. Deka Ano Itau kar ite udo mosongon ka oku ina.

Jems 1:27

Langka itedidi Ida Tapolngon aitno e itodue elio isuk isuk ka itau vala ke Ida Tapolngon ka Pmada bitna ma itodue elio langane. Iye waiki itolua agau ka bimsei e apmang sasap batne ke elio ka opru isak. E iye waiki itaplau ite itau ma elio ka taklak ina due ite itopolou amum kovok.

Jems 4:4

Umopul dogur ke Ida Tapolngon langka apmang ka songon ila boget e la due okwa. E osep ka tididi elio ka taklak ina tipul dogur ke Ida Tapolngon. Deka gute ka waiki didi elio ka taklak ina iye polou Ida Tapolngon ina oul.

1 Pita 1:14

Umu Ida Tapolngon titno deka ma umeini ila pelengon vala. Oglou aitno lumu kaka e umedidi elio bitna bitna ka taklak ane ina e eknikane umedidi elio tonari sakam.

1 Pita 1:18

Umeile kodong oglou umedidi elio ka adai vala ka lumu seia tidue blang. E Ida Tapolngon kli umu ke elio tonari. Iye kli umu ke wan langka silva e gol ka karanga polou yagos kovok.

1 Pita 2:3

Umeile Ida Puda iye itau e iye due mada ke umu kodong.

1 Pita 4:2

E oku ane la lama iding ke alo ka lumu maglakngan yagos umedidi elio bitna bitna ka pampamu lumu waiki umodue kovok. Aurou. Umedidi Ida Tapolngon aitno vala.

2 Pita 1:4

Iye due langane deka kar ila kerengen ka omba lokono e ka ina klingen ombatno ka iye wai promis ine kodong ke ite. Iye kar ila kerengen ke ite ma itokos ke elio soulu bitna bitna ka taklak ane ina ka waiki pagolgol aitno lite. E ma itodong kap iye e itodong itau lokono langka iye dong itau lokono.

2 Pita 2:20

Langka osep aitno lisak la dagar ke Yesus Krais ka iye Ida Puda e Ida Luangan deka tikos ke wan bitna bitna ka soulu ka taklak ina. E langka mase tiding tidue elio soulu blang e elio soulu plau isak deka urok mosongon polou soulu blang. Oglou urok mosongon soulu e eknikane urok mosongon soulu lokono.

1 Jon 3:13

Sipmi. Langka osep ka taklak ina aitno lisak soulu e engil ke umu deka umedigrik ine kovok.

1 Jon 5:19

E silang blang langane. Iteile Ida Tapolngon ila osep ite e dau Satan ila arit plau osep ka pula keniye ka taklak ina.

Pelengon kukwopngon 12:9

Deka Maikel isak tisapir mota isak ke omur heven. E mota ina sirngen orwo. Sirngen kene Satan e sirngen silang Gute Ka Sin Elio Vri Ke Osep. Iye yak osep ka pula keniye e due isak tidue elio epmes ina. Maikel kap ila ensel tiuri mota kap ila angelo soulu tiduru ke taklak.

Pelengon kukwopngon 13:8

Osep ka pula keniye ka tidong ke taklak tilotuim ongwa kevena tonari. E oglou oglou ari alo ka Ida Tapolngon dau due taklak kovok iye sogo osep angainsak ke Sipsip Otno ka timter iye ma iye mete ila buk ka mosongon ina. E osep ka tilotuim ongwa kevena angainsak tidong ke buk tonari kovok.