Pas ka Pol sogoe uti la ke osep Rom ina 12:14 - Aria New Testament

¹⁴ Langka osep tidue elio soulu ke umu ma umepmi Ida Tapolngon ma iye lua isak e due mada ke isak. Umepmi Ida Tapolngon ma iye lua isak e umepmi iye ma iye due agegeng ke isak sakam.

Pas ka Pol sogoe uti la ke osep Rom ina 12:14 ပူးပေါင်းရင်းမြစ်များ

Matyu 5:44

E eknikane ngawai ke umu langane. Umu lana umu ke upu oul e umawai itau ke Ida Tapolngon ke osep ka tidue agegeng ke umu.

Luk 23:34

E Yesus wai itau ke Ida Tapolngon langane. “Livou amsak urok elio kesua tile omur ke wansua ka tidue kovok.” E osep ola ina tiuri opmu ka nisngen dong ine e tiwade Yesus ila klos ine.

Luk 6:28

E umepmi Ida Tapolngon ma iye due elio itau ke osep ka tiluk umu e umawai itau ke Ida Tapolngon ke osep ka tidue elio soulu ke umu.

Aposel 7:60

Deka iye grum kamla buno deka gene duru e wai dagar lokono langane. “Ngau Puda omkoli osep ane urok elio sakam.” Iye wai langane deka mete.

Pas ka Pol sogoe uti la ke osep Rom ina 12:21

E amdangdang elio soulu ke wom lama elio soulu mole wom. E omdue elio ka itau vala ma elio ka itau mole elio ka soulu.

1 Tesalonaika 5:15

Langka osep tidue elio soulu ke umu ma umokoli urok elio soulu batne kovok. Aling aling umodue elio itau pulu e umodue elio itau ke osep ka pula keniye.

Jems 3:10

Oda kakai Ida Tapolngon angaine tito la egim e iluk osep blang. Sipmi. Elio ane osuk kovok va.

1 Pita 3:9

Alo ka osep tidue elio soulu ke umu deka umokoli urok elio soulu kovok. E alo ka osep tiwaiki tiluk umu umokoli e umeiluk isak blang kovok. Umawai itau ke Ida Tapolngon ma iye kere isak vala. Kesua alo ka Ida Tapolngon rere umu ila osep iye wai ma iye kar umu ila kerengen.