Pas ka Pol sogoe uti la ke osep Rom ina 12:13 - Aria New Testament

¹³ Langka Ida Tapolngon ila osep leklou urok wan isuk boto vala deka umolua isak. E langka osep kaulei time tipolou ke umu deka umekere isak itau.

Pas ka Pol sogoe uti la ke osep Rom ina 12:13 ပူးပေါင်းရင်းမြစ်များ

Matyu 25:35

Kesua alo ka sapanga due ngong umakar ngangon ke ngong ma ngangen e alo ka aki vel ngong umakar aki ke ngong ma ngainim e alo ka ngadong langka gute kaulei umodue ngong ngasep ke lumu ninu.

Aposel 10:4

Kornilius klingen ensel tonari wai ke iye deka bitna nekek ke iye e ano nesik. Deka iye wai langane. “Ngau Puda omo ane batne lange?” Deka ensel koli wai langane. “Ngap Tapolngon bitna sisir lem elio ka oklou aling aling amwai itau ke iye e ke lem elio ka omtuk lem mani leklou e omlua osep ka urok wan isuk boto vala ine.

Aposel 4:35

Deka osep aposel tidue mani tonari e titongo ine la ke osep ka urok wan isuk boto vala.

Pas ka Pol sogoe uti la ke osep Rom ina 12:8

Langka gute gesa ila bokongon langka iye kar osep leklou pelengon ka due aitno lisak tipolou dagar lokono e tile omur lokono Ida Tapolngon waiki ma iye boko dagar ine. E gute ka lua osep leklou ka urok wan isuk boto vala ma iye due langane aling aling. E gute ka mgo ke osep Kristen leklou ma iye boko dagar ine. E gute ka aitno due osep leklou e lua isak Ida Tapolngon waiki ma aitno neser ine.

1 Korin 16:15

Sipmi. Umeile gute Stefanas e ila osua. Tipolou osep Kristen mgo ke osep ka tidong ke provins Akaia. Ke aitno lisak tidue boko-ngon ka lua Ida Tapolngon ila osep.

2 Korin 9:1

Umeile kodong ke mani ka la ke Ida Tapolngon ila osep ka tidong ke omur Judia. E ma ngasogo ine blang kovok.

2 Korin 9:12

E lumu bokongon ane ma lua Ida Tapolngon ila osep ka urok wan isuk boto vala. E silang blang lumu bokongon ane due isak tikakai Ida Tapolngon angaine tito la egim.

Galesia 6:10

E alo ka itakaranga itodue elio itau ke osep leklou ma itodue. Itodue elio itau ke osep ka pula keniye e wan ka itau lokono itodue elio itau ke Ida Tapolngon ila osep.

1 Timoti 3:2

Gute ka waiki dong sios ina plaungan ma iye didi elio itau vala ma osep tivati elio soulu gesa vri ke iye kovok. E ma esna kene vala. Ma iye dong itau e didi elio itau vala e plau iye itau. E ma iye kere osep kaulei ka time ke ila ninu. E ma iye karanga parere osep ke Ida Tapolngon ila pelengon.

1 Timoti 5:10

E isak langka apmang ka osep tile isak tidue elio itau vala. Ngawai ke elio itau langka tiplau titorok itau e tikar ngangon ke osep kaulei e tidong moli e tilua osep Kristen leklou. E tilua osep ka agegeng polou ke isak e tidue bokongon bitna bitna blang ka itau. Ma omsogo apmang ka langane angainsak.

Taitus 1:8

Iye due elio itau e kere osep ka time ke ila ninu itau. E aitno itau ke elio bitna bitna ka itau vala. E iye plau iye itau. Iye didi elio isuk isuk ka itau e Ida Tapolngon ila elio bitna bitna vala. Iye ile iye itau lama iye due elio soulu.

Taitus 3:14

Nga-waiki aling aling Ida Tapolngon ila osep tidue elio itau. Elio langka tilua osep ka urok wan isuk boto vala. Ma tidong adai e tidue wan ulik ulik kovok.

Filemon 1:7

Lou aten aitno lungong itau ke wom. Ngaklingen wom lana wom ke Ida Tapolngon ila osep e ke elio ane omdue aitno lisak ila dagar dong dagar. Deka lem elio tonari due aitno lungong neser omba e ngadong itau ine.

Hibru 13:16

E umodue elio itau ke osep leklou e langka osep urok wan isuk boto vala deka umotuk lumu wan e umolua isak ine. E omtomu uli ke elio tonari kovok kesua elio langane iye langka umodue lumu wan e umakare ke Ida Tapolngon e aitno itau ine.

Hibru 13:2

E omtomu sisir langane. Alo ka osep kaulei time ke umu deka umekere isak itau. Kesua umeile oglou ensel leklou tipolou e osep tivati isak langka isak osep kaulei. E tikere isak itau e tile isak ensel kovok.

Hibru 6:10

Ida Tapolngon didi ila elio itau vala e wade osep urok elio isuk isuk ine. Deka ma bitna sisir ke lumu elio itau e elio ka umu lana umu ke iye alo ka oglou umolua ila osep. E eknikane umu dau umolua isak blang.

1 Pita 4:9

Langka supmu leklou time ke lumu ninu deka umekere isak itau. E umongurngur ine kovok.

1 Jon 3:17

E langka gute gesa dong ka ila wan dong ke iye ka lua iye ke taklak ane. E iye vati ila aten gesa ka wan opru iye kesua ila wan isuk boto vala deka iye pono aitno ke gute tonari. Deka iteile elio ka Ida Tapolngon lana iye ke osep dong ke gute tonari aitno kovok.

3 Jon 1:5

Lou aten. Ngong lana ngong ke wom e ngawai ke wom langane. Omdong dagar e omdue lem bokongon itau alo ka omlua Ida Tapolngon ila osep leklou lama emile isak koke emile isak kovok.