Pas ka Pol sogoe uti la ke osep Rom ina 12:12 - Aria New Testament

¹² Umapara ke Ida Puda ma iye lua umu ke wan bitna bitna e ma aitno lumu itau lokono ine. E langka elio soulu polou ke umu ma umevri dagar ine. E aling aling ma umawai itau ke Ida Tapolngon.

Pas ka Pol sogoe uti la ke osep Rom ina 12:12 ပူးပေါင်းရင်းမြစ်များ

Matyu 5:12

Aitno lumu neser e aitno lumu itau ine kesua ma umodue wan ka itau ke omur heven. Kesua oglou osep tidue elio soulu langane blang ke osep napaprangan ina ka tidong mgo ke umu.”

Luk 10:20

E dau aitno lumu neser kesua angelo soulu tididi lumu pelengon kovok. Aurou. Aitno lumu neser kesua Ida Tapolngon sogo angainmu ke ila buk ka dong ke omur heven.”

Luk 21:19

E langka umodong dagar ke aitno lumu ila dagar ma umodue lumu mosongon ka dong vala dong.”

Luk 8:15

E londo ka tiduru timunu ke taklak itau isak langka osep ka tiklingen omon itau e tikise dagar. E aitno lisak mter osuk e itau e tivri dagar e anino itau.”

Aposel 12:5

Pita dau dong ke kalabus aitno e osep ola ina tiplau iye itau. Alo ari oklou aling aling Ida Tapolngon ila sios tipmi Ida Tapolngon pula ma iye lua Pita.

Aposel 2:42

Deka osep keniye ka aitno lisak dagar ke Yesus tiduni pulu kap osep aposel oklou aling aling. E tiklingen osep aposel urok parerengen. Deka tiduni pulu e tingen inarak ngangon e tiwai itau ke Ida Tapolngon ma iye lua isak ke urok elio isuk isuk oklou ka pula keniye.

Aposel 6:4

E ke oklou aling aling imi ma imoboko langka imawai itau ke Ida Tapolngon e imanapapra ila pelengon ke osep.”

Pas ka Pol sogoe uti la ke osep Rom ina 15:13

Ida Tapolngon wai dagar ma iye kar wan ka pula keniye ka itau ke ite deka itapara ine. Aitno lumu dagar ke iye ma iye due aitno lumu itau lokono e due aitno lumu dong epen e ma aitno lumu neser omba lokono. E ke Ida Tapolngon Ano Itau ila arit elio ka umapara ke Ida Tapolngon ma iye kar wan itau ke umu ma polou omba ke umu.

Pas ka Pol sogoe uti la ke osep Rom ina 15:4

Pelengon ka pula keniye ka oglou osep tisogoe ke Ida Tapolngon ila pelengon tisogoe ma pelengon tonari parere ite. Pelengon ma due aitno lite dagar e ma due ite itevri dagar e itapara ke alo ka Ida Tapolngon ma due ite.

Pas ka Pol sogoe uti la ke osep Rom ina 2:7

E osep ka tidong dagar ke elio itau tiwaiki ma Ida Tapolngon kar isak urok mosongon ka itau lokono ka dong vala dong. Tiwaiki ma tidong kap iye e ma iye kakai angainsak. E ma Ida Tapolngon due osep urok mosongon itau lokono dong vala dong.

Pas ka Pol sogoe uti la ke osep Rom ina 8:25

E eknikane itapara ke alo ka Ida Tapolngon due pampamu lite tipolou itau. Itodong itapara ine e aitno lite kro ine kovok.

1 Korin 13:13

E eknikane elio eklu tidong. Elio ka aitno lite ila dagar dong dagar ke Ida Tapolngon e elio ka itapara ke Ida Tapolngon ma iye due elio itau ke ite e elio ka ite lana ite ke osep leklou. Elio eklu tonari tidong vala. E elio ka mgongon lokono iye elio ka ite lana ite ke osep leklou.

2 Korin 12:8

Wan soulu tonari due ngong e aling eklu ngapmi Ida Puda ma wan soulu songon ngong.

Filipai 3:1

Sipmi. Ngawaiki ngababrum lou pelengon ke pelengon ane. Aitno lumu neser ke elio ka umeneklep ke Ida Puda. Pelengon ane ka ngasogoe uti ke umu pelengon oku ina kovok. E ngong opru ngong ma ngasogo pelengon tonari blang kovok. Kesua pelengon ane karanga lua umu langka elio soulu polou ke umu.

Filipai 4:4

Aling aling aitno lumu neser kesua umeneklep ke Ida Puda. E ngawai lumu blang langane. Aitno lumu neser ke Ida Puda.

Kolosi 1:11

E imorwo imawai itau langane. Alo ka umanamani ke elio ka opru umu imawaiki Ida Tapolngon ila arit omba ka itau lokono lua umu ma umevri dagar ine. E ma aitno lumu dong epen e ma umodong umapara ke alo ka elio ka opru umu polou yagos. E ma aitno lumu itau e aitno lumu neser ine.

Kolosi 1:27

Ida Tapolngon didi aitno e nis ila osep ke pelengon ka oglou dong kukwop ma tile omur ine. Pelengon tonari itau lokono e karanga lua osep ka pula keniye. Pelengon ka kukwop langane. Krais dong kap umu e ma umapara ke iye ma iye me kum umu e umala umodong kap iye ma umodue wan ka pula keniye ka omur heven ina.

Kolosi 4:12

Gute Epafras ka iye lumu aten gesa e iye Krais Yesus ila gute bokongon ina wai “oklou itau” ke umu blang. Aling aling iye wai itau pula lokono ma Ida Tapolngon due umu ma umodong dagar langka osep ngongle ka umeile omur ke aitno lumu ila dagar. Iye wai itau ma umedidi Ida Tapolngon aitno ke wan ka pula keniye ka iye waiki umodue.

Kolosi 4:2

Aling aling umawai itau ke Ida Tapolngon e umosongon elio tonari polou yagos kovok. Alo ka umawai itau aitno lumu mter itau ke lumu pmingen e umawai tenkyu ke wan ka Ida Tapolngon kare ke umu.

1 Tesalonaika 1:3

Aitno limi langane. Imawai itau ke Ida Tapolngon ka Pmada kesua aitno lumu ila dagar sruk aitno lumu deka umodue elio itau. E umu lana umu ke osep ka pula keniye deka umoboko dagar ma umolua osep. E umapara ke Ida Puda Yesus Krais ma iye iding me.

1 Tesalonaika 5:8

E itodong ke oklou deka ma iteile ite itau. Eriar langka gute ola ina kis ila osua dagar ma osua kading iye itau deka umekis dagar ke aitno lumu ila dagar e ke elio ka umu lana umu ke osep. E elio ka itapara ma Ida Tapolngon lua ite iye langka hat kapa ka kading gute ola ina otuk ine.

2 Tesalonaika 1:4

Ke batne langane imapalongo Ida Tapolngon ila osep ke sios kene kene ke lumu elio. Imawai ke elio ka umevri dagar e aitno lumu tidong dagar alo ka osep tidue agegeng ke umu e elio soulu bitna bitna tipolou ke umu ine.

2 Tesalonaika 3:5

Imawaiki ma Ida Puda lua umu ma umeile langane. Ma umeile omur ke elio ka Ida Tapolngon lana iye ke osep ka pula keniye. E umeile ke elio ka Krais vri dagar alo ka osep tidue elio soulu ke iye. E ma umakaranga umevri dagar ke elio langane blang.

1 Timoti 6:11

Deka Timoti wom ka Ida Tapolngon ila gute ompul dogur ke elio soulu bitna bitna e ma omulou ine vala. E omboko engil ma omdue elio itau e omdue Ida Tapolngon ila bokongon e aitno lugom dagar lokono ke Krais. E wom lana wom itau lokono ke osep leklou e omdong dagar ke elio bitna bitna ka opru wom e omdue mada ke osep pula.

2 Timoti 3:10

Oglou itodong pulu e amvati lou elio isuk isuk. Emklingen lou pelengon ka ngaparere osep ine e emile batne ke lou elio bitna bitna ka ngadue. Emile aitno lungong dagar ke Ida Tapolngon e ngadong dagar ke wan bitna bitna ka polou ke ngong. Emile ngong lana ngong ke osep pula e ngavri dagar alo ka elio polou ka opru ngong.

Taitus 2:13

E aitno lite dagar ke Ida Tapolngon e itapara ke oklou ka ite ma itavati iye e itapara ke Ida Luangan Krais Yesus ka iye itau lokono. Ma iye polou malak lokono deka itavati iye kap ila bublongon e ila arit.

Taitus 3:7

Ida Tapolngon makai ite e due ite itopolou itau lokono ke bitna. Ke elio langane iye rere ite ma itodong ke udo mosongon ka oku ina aling aling. E itodong itapara ke udo mosongon ka dong vala dong.

Hibru 10:32

Aitno lumu mter ke oglou alo ka umoklingen Ida Tapolngon ila omon itau aling kene ina. Alo ari osep tidue agegeng omba ke umu e dau aitno lumu segesege kovok e umodong dagar ine.

Hibru 10:36

Ma umodong dagar e umedidi Ida Tapolngon aitno ke wan bitna bitna ka iye waiki umodue. Umodue langane deka Ida Tapolngon ma kar umu wan bitna bitna ka iye wai dagar ine kodong.

Hibru 12:1

E osep pula pula tonari ka aitno lisak dagar ke Ida Tapolngon langka tidong lelei ke ite e tinis ite ke elio itau. Deka ma ite arit ite eriar langka osep ka tisuong ke resis ma itodue wan ka Ida Tapolngon waiki itodue. Ma itosongon elio keniye ka dangdang ite ke resis tonari e itosongon elio epmes ina ka kis dagar ke ite.

Hibru 3:6

E Krais iye Ida Tapolngon Otno Arang ka didi ila pelengon e plau ila osep itau. Isak langka Ida Tapolngon ila ninu. E Ida Tapolngon ila osep tonari ite. Deka ma itodong dagar e aitno lite ila dagar segesege kovok. Ma itodong itapara ke wan ka mase ma polou.

Hibru 5:7

Alo ka Yesus dau dong ke taklak aling aling iye wai itau ke Ida Tapolngon e pmi iye ke wan bitna bitna. Iye daiku ke Ida Tapolngon e kngis kesua iye ile Ida Tapolngon karanga lua iye ma iye mete kovok. E Ida Tapolngon klingen ila pelengon e koli ila pmingen itau kesua iye due anit ke iye e ini iye.

Hibru 6:12

E imawaiki umodue ropo ke lumu bokongon kovok. Imawaiki umakana osep ka aitno lisak ila dagar dong dagar e tipara ke wan itau. Kesua imawaiki umodue wan ka Ida Tapolngon wai dagar ma iye kare ke osep.

Hibru 6:15

E Abraham dong para e kerker kovok e ile mase ma iye due wan ka Ida Tapolngon wai promis ine.

Jems 5:7

Sipmi ngawai ke umu lang-ane. Langka osep tidue elio soulu ke umu deka umapara ke alo ka Ida Puda ma iding me. Ma ngawai pelengon ano ke umu. Langka gute due yage iye para ke alo ka wan ka iye usake anino. Iye usak wan deka iye para ke aragu e oklou ka due wan ka iye usake polou anino.

1 Pita 4:13

E aitno lumu neser alo ka umanamani agegeng eriar langka Krais namani agegeng. Ma alo ka Krais ila elio ka itau itau lokono polou malak ke osep amtarsak umu blang aitno lumu neser e aitno lumu itau kap iye.

1 Pita 4:7

Oku ane isuk boto wan ka pula keniye yagos. E ke batne langane ngawaiki aitno lumu mter itau e umaplau umu itau. Umodue langane ma umakaranga umawai itau ke Ida Tapolngon.

2 Pita 1:6

Deka umaplau pampamu lumu itau e umodong dagar alo ka wan polou ka opru umu e umodue elio isuk isuk ka Ida Tapolngon aitno itau ine.

Pelengon kukwopngon 13:10

Langka Ida Tapolngon rere gute gesa ma iye la ke kalabus deka ma iye la ke kalabus e langka iye rere gute gesa ma osep tiblou iye ke elil omba deka ma tiblou iye ke elil omba. Alo ka elio tonari polou Ida Tapolngon ila osep ma tidong dagar e tikis dagar ke aitno lisak ila dagar.