Pas ka Pol sogoe uti la ke osep Rom ina 11:7 - Aria New Testament

⁷ Deka lange? Osep Israel ina pula tikrim ke elio gesa ka karanga due isak tipolou itau e osuk ke Ida Tapolngon bitna e tibure vala. E Ida Tapolngon rere isak leklou ila osep ma tipado iye. E isak leklou tipono aitno lisak ke Ida Tapolngon ila pelengon.

Pas ka Pol sogoe uti la ke osep Rom ina 11:7 ပူးပေါင်းရင်းမြစ်များ

Mak 6:52

Aitno lisak mter pula ine kesua alo ari isak dau tile omur ke elio ka Yesus due ke bret lana ine kovok. E dau tidong e bara lisak pono.

Luk 13:24

“Umu arit umu ma umesep ke ekreng bitna ka daudeng. Ngawai ke umu langane. Osep pula ma tiwaiki tisep ke ekreng bitna tonari e ma tikaranga kovok.

Jon 12:40

“Ida Tapolngon due amtarsak evin ma tikaranga tivati omur kovok. E iye pono aitno lisak ma ti-karanga tile itau kovok. Lama tibauluk aitno lisak ke ngong e ngadue isak tidong itau blang.”

Pas ka Pol sogoe uti la ke osep Rom ina 10:3

E tididi aitno lisak ka tiwaiki due isak tipolou itau e osuk ke Ida Tapolngon bitna. E isak tile omur ke elio ka Ida Tapolngon due isak tipolou itau e osuk ke bitna kovok. E tididi elio tonari itau lokono kovok.

Pas ka Pol sogoe uti la ke osep Rom ina 11:25

Sipmi. Ngawaiki ma umeile omur ke pelengon ka kukwop ka oglou itosep iteile ine kovok lama aitno lumu mter langka lumu ilengen omba lokono. E ma ngapalongo lumu ke pelengon ka kukwop ane. Osep Israel ina leklou tipono aitno lisak ke Ida Tapolngon ila makaingan. Tidue langane la lama Ida Tapolngon makai osep ka isak osep Yuda ina kovok ka iye rere isak ila osep kodong.

Pas ka Pol sogoe uti la ke osep Rom ina 11:5

E langane. Eknikane osua leklou dau tidong. Ida Tapolngon makai osep Israel ina leklou e rere isak ila osep.

Pas ka Pol sogoe uti la ke osep Rom ina 3:9

­E aitno lumu lange? Aitno lumu mter imi osep Yuda ina imomole osep ka isak osep Yuda ina kovok? Aurou. Imomole isak kovok. Kesua osep ka pula keniye ka imi osep Yuda ina e osep ka isak osep Yuda ina kovok udo elio epmes ina dau munu pes ite.

Pas ka Pol sogoe uti la ke osep Rom ina 6:15

Eknikane Ida Tapolngon ila makaingan plau itosep e Moses ila sogongon plau ite kovok. Aitno lumu lange? Ma itodue elio epmes ina pula kesua Moses ila sogongon plau ite kovok? Aurou. Ma itodue elio epmes ina pula langane kovok.

Pas ka Pol sogoe uti la ke osep Rom ina 9:18

E Ida Tapolngon aitno due osep ka iye waiki aitno due isak e iye pono osep aitno lisak ka iye waiki pono isak.

Pas ka Pol sogoe uti la ke osep Rom ina 9:23

Iye dong dau tauni ine kesua batne ke osep leklou ka iye waiki aitno due isak. Iye waiki osep tonari tidong itau ke ila bublongon ka itau lokono. Kesua oglou ari kodong iye rere osep tonari ma tidong itau ke ila bublongon.

1 Korin 10:19

E aitno lumu lange ke lou pelengon ane? Elio ka osep tidue elio opmu ina ke sapingen bitna ane wan lokono? E sapingen wan ka lokono blang?

2 Korin 3:14

E bara lisak pono e tikaranga tile itau kovok. E alo ari lila me ke eknikane alo ka tiritim Moses ila sogongon langka wan dau pono bara lisak. Krais vala karanga pi wan are la.

2 Korin 4:4

Satan ka iye plau taklak ane due osep ka aitno lisak dagar ke Ida Tapolngon kovok aitno lisak aivoro ma tikaranga tivati bublongon ke Krais ila omon itau kovok. E Krais eriar langka Ida Tapolngon.

Efesus 1:4

Oglou oglou ari alo ka Ida Tapolngon dau tapol taklak ka pula keniye kovok iye rere ite ka ila osep kodong ma iteneklep ke Krais. Iye rere ite ma itodong itau lokono e ma elio kene gesa vri lite kovok.

Efesus 4:18

Osep tonari aitno lisak langka aivoro lokono. E Ida Tapolngon lua isak ke elio oku ina kovok. E tipono aitno lisak ke Ida Tapolngon deka aitno lisak kaka.

Filipai 1:18

Deka lange? Langka osep tinapapra Krais ila omon itau kesua aitno lisak mter ke wan lokono koke aitno lisak mter ke wan ka lokono kovok are wan gesa kovok. Wan ka omba tinapapra Krais ila omon itau. E aitno lungong neser omba ine e mase ma aitno lungong neser ine blang.

Hibru 12:17

E umeile langane. Mase Iso waiki due timla ila keregen e iye karanga due kovok. E iye kngis ine e dau iye karanga due kerengen tonari kovok.

1 Pita 1:2

Oglou ari Ida Tapolngon ka Pmada ile umu kodong e rere umu ila osep e Ano Itau lua umu ma umodong itau lokono ke Ida Tapolngon bitna. Iye due langane ma umeini Yesus Krais ka ina marau baser e kli lumu elio epmes ina. Ngawaiki Ida Tapolngon ila makaingan e elio ka iye due aitno lumu dong epen bon ke aitno lumu.