Pas ka Pol sogoe uti la ke osep Rom ina 11:36 - Aria New Testament

³⁶ Kesua Ida Tapolngon due wan ka pula keniye e iye wan ka pula keniye me ke iye. E wan ka pula keniye iye tona vala ila wan. Deka ma itakakai Ida Tapolngon angaine tito la egim lokono dong vala dong. Lokono.

Pas ka Pol sogoe uti la ke osep Rom ina 11:36 ပူးပေါင်းရင်းမြစ်များ

Matyu 6:13

Omlua imi ma imoulou ke tokngon e ma elio soulu due imi kovok.’” “Kesua wom tona emvri mgo ke wan ka pula keniye. E lem arit e lem bublongon dong vala dong. Lokono.”

Luk 19:38

E tiwai langane. “Ma Ida Tapolngon aitno itau itau ke gute ka vri mgo ke omur ane ka me ke Ida Puda angaine. Osep ka tidong ke omur heven aitno lisak epen e ma itakakai Ida Tapolngon ka dong egim lokono angaine.”

Luk 2:14

“Itodue anit ke Ida Tapolngon ka dong egim lokono e itakakai angaine. E osep ka Ida Tapolngon aitno itau ke isak ke taklak ma aitno lisak epen.”

Aposel 17:28

­Eknikane itodong e itakaranga itelila batne iye due ite. Oglou lumu gute sogongon ina gesa sogo langane. ‘Ite blang tapolngon gesa titno.’

Pas ka Pol sogoe uti la ke osep Rom ina 16:27

E itakakai Ida Tapolngon ka ile omur ke wan ka pula keniye angaine tito la egim lokono. Itodue langane dong vala dong. Kesua batne ke Yesus Krais dong. Lokono.

1 Korin 11:12

Mgongon Ida Tapolngon due apmang ke gute arang okurne e eknikane apmang tidivir osep arang. E Ida Tapolngon wan ka pula keniye batne.

1 Korin 8:6

E iteile omur Ida Tapolngon kene vala dong ka iye Ida Tapolngon ka Pmada. Iye wan ka pula keniye batne e aitno lite la ke iye vala. E Ida Puda kene vala ka Yesus Krais dong. Iye due wan ka pula keniye e iye udo mosongon batne.

Galesia 1:5

Deka aling aling itakakai Ida Tapolngon angaine tito la egim. Lokono.

Efesus 3:21

Deka ite ka Yesus ila osep itakakai Ida Tapolngon angaine tito la egim lokono. Kesua ite ka Yesus ila osep iteneklep ke Krais Yesus kodong. E itakakai Ida Tapolngon angaine tito la egim lokono dong vala dong. Lokono.

Filipai 4:20

E ma itakakai Ida Tapolngon ka Pmada angaine tito la egim dong vala dong. Lokono.

1 Timoti 1:17

Ida Tapolngon plau omur ka pula keniye dong vala dong e iye mete kovok. Iye ano e itakaranga itavati iye kovok. Iye kene vala Ida Tapolngon lokono. Deka aling aling ma itakakai angaine dong mgo ke wan ka pula keniye. Lokono.

1 Timoti 6:16

Iye kene vala dong oglou lila me e iye karanga mete kovok. Iye dong ke bublungon ka ombatno lokono e itakaranga itala olwo ke iye kovok. Ke oglou gute gesa vati iye kovok. E eknikane blang gute gesa karanga vati iye kovok. Deka aling aling ite ka pula keniye ma itakakai angaine e ma ila arit ka ombatno lokono dong. Lokono.

2 Timoti 4:18

E Ida Puda ma lua ngong ke elio soulu ka osep tiwaiki tidue ke ngong. E mase ma iye paur ngong ke omur heven ka iye plaue. Ma itakakai Ida Puda angaine tito la egim dong vala dong.

Hibru 13:21

Ngawaiki Ida Tapolngon kere umu ke wan keniye ka itau ma umakaranga umedidi aitno ke wan ka iye waiki umodue. Ngawaiki Yesus Krais due umu ma umodue elio isuk isuk ka Ida Tapolngon aitno itau ine. E ma itakakai Krais angaine tito la egim dong vala dong. Lokono.

Hibru 2:10

Ida Tapolngon ka iye due wan ka pula keniye e ka ila arit plau wan tonari didi aitno e songon Yesus namani elio soulu ka osep tidue ke iye. Ke elio langane Yesus polou Ida Luangan e Ida Tapolngon waiki osep pula tipolou titno batne ke iye.

1 Pita 4:11

Langka gute due kerengen ma iye napapra ke osep deka iye napapra Ida Tapolngon ila pelengon vala. E langka gute due kerengen ma iye lua osep leklou ke bokongon bitna bitna deka ma iye didi Ida Tapolngon ila arit ine. Umodue langane ma wan ka pula keniye ka umodue kakai Ida Tapolngon angaine tito la egim batne Yesus Krais dong. Krais angaine omba lokono e ila arit dong vala dong. Lokono.

1 Pita 5:11

Ida Tapolngon ila arit dong vala dong e ina yagosngon kovok. Lokono.

2 Pita 3:18

Ngawaiki Ida Puda ka Ida Luangan Yesus Krais ila makaingan res polou omba ke aitno lumu e umeile iye itau. Eknikane itakakai angaine tito la egim e mase ma itakakai angaine tito la egim dong vala dong. Lokono.

Pas ka Jut sogoe 1:25

Ida Tapolngon ka Ida Luangan kene vala dong e lua ite ke udo elio epmes ina batne ke Ida Puda Yesus Krais. Ma itakakai angaine tito la egim. Iye Ida Plaungan ina e ila arit ombatno deka wan ka pula keniye dong moli ke iye. Oglou oglou ari iye dong e eknikane iye dong blang deka mase ma iye dong vala dong blang. Lokono.

Pelengon kukwopngon 19:1

E mase ngaklingen wan lang-ka osep ka tidong ke omur heven kre lisak tiwai omba langane. “Itakakai Ida Tapolngon angaine tito la egim. Ida Tapolngon lua ite ke udo elio epmes ina. Iye itau lokono e ila arit ombatno lokono.

Pelengon kukwopngon 21:6

Deka iye wai ke ngong blang langane. “Wan bitna bitna keniye tipolou yagos. Ngong kenngong ngadong oglou oglou ari lokono e ma ngadong batne lokono. Ngatapol wan keniye e ngadue isak yagos blang. Langka aki vel osep ma ngakar aki ke isak adai. Aki ka polou ke ovuk ka aki ka mosongon ina polou ine. E ma tiklie kovok.

Pelengon kukwopngon 7:10

E tigi omba langane. “Ida Tapolngon dong ke ila kova e iye orwo Sipsip Otno isak orwo vala tilua ite ke udo elio epmes ina.”

Pelengon kukwopngon 7:12

E tiwai langane. “Lokono. Aitno lite itau lokono ke Ida Tapolngon e itakakai angaine tito la egim. Ila ilengen itau e itawai tenkyu ke iye e itodue anit ke iye. Ila arit ombatno e iye karanga due elio ka pula keniye. Wan ka pula keniye tonari Ida Tapolngon ila wan aling aling. Lokono.”