Pas ka Pol sogoe uti la ke osep Rom ina 11:25 - Aria New Testament

²⁵ Sipmi. Ngawaiki ma umeile omur ke pelengon ka kukwop ka oglou itosep iteile ine kovok lama aitno lumu mter langka lumu ilengen omba lokono. E ma ngapalongo lumu ke pelengon ka kukwop ane. Osep Israel ina leklou tipono aitno lisak ke Ida Tapolngon ila makaingan. Tidue langane la lama Ida Tapolngon makai osep ka isak osep Yuda ina kovok ka iye rere isak ila osep kodong.

Pas ka Pol sogoe uti la ke osep Rom ina 11:25 ပူးပေါင်းရင်းမြစ်များ

Matyu 13:11

E Yesus koli wai ke isak langane. “Ida Tapolngon songon ngong ma ngapalongo lumu ke pelengon kukwop ka omur heven ina e ngakukwop pelengon tonari ke osep leklou.

Luk 21:24

Osep leklou ma timete ke elil omba e osep ma tipaur osep leklou ma isak kla ke kalabus ke kantri kantri. Osep ka isak osep Yuda ina kovok ma tidue agegeng langka kamsak tipes Jerusalem la lama taim ka osep ka isak osep Yuda ina kovok tiplau omur tonari yagos.”

Jon 10:16

E lou sipsip leklou tidong ka tidong ke eger ane kovok. Ma ngadue isak tisep ke eger ane blang e ma tiklingen kre lungong. Deka sipsip keniye ma tipolou osua kene vala e ngong vala ngadong inarak plaungan.

Pas ka Pol sogoe uti la ke osep Rom ina 1:13

Sipmi. Ngawaiki umo-klingen lou pelengon ma umeile omur ine. Oglou ngawai ke lou langan aling pula kesua ngawaiki ngapolou ke umu. E ngakaranga ngapolou ke umu kovok kesua parangan gesa dangdang ngong ke lou langan tonari. Alo ari ngawaiki ngapolou ke umu ma ngaboko ke umu. Ngawaiki ngaboko ke umu kesua oglou lou bokongon lua osep pula ka isak osep Yuda ina kovok. Deka osep tonari tipolou Ida Tapolngon ila osep. E ngawaiki ngaboko ke umu eriar langka oglou ngaboko ke isak e dau parangan gesa dangdang ngong ine.

Pas ka Pol sogoe uti la ke osep Rom ina 11:12

Alo ka osep Israel ina tidue elio epmes ina Ida Tapolngon due ila kerengen la ke osep ka pula keniye. E alo ka osep Israel ina tipul dogur ke Ida Tapolngon iye due ila kerengen la ke osep ka isak osep Yuda ina kovok. E langka osep Israel ina tibauluk aitno lisak la ke Ida Tapolngon ma iye due ila kerengen ka ombatno la ke osep ka pula keniye.

Pas ka Pol sogoe uti la ke osep Rom ina 11:24

Umeile langane kodong. Oglou umu ka osep Yuda ina kovok umodong langka akai oliv tetna adai ka omong aitno ina. Deka Ida Tapolngon blou umu e due umu umenepir ke akai oliv ka itau lokono batne. E langka Ida Tapolngon karanga due langane iye karanga due akai tonari tetna ka lokono ma tibauluk tinepir ke amunsak blang.

Pas ka Pol sogoe uti la ke osep Rom ina 12:16

Ma aitno lumu kene pulu. E ma aitno lumu vri ke umu vala kovok. Umepli osep ka angainsak omba kovok sakam. E aitno lumu itau ke isak vala. Ma umakakai umu tona angainmu kovok lama aitno lumu mter umu osep ka umeile omur ine.

Pas ka Pol sogoe uti la ke osep Rom ina 16:25

Ma itakakai Ida Tapolngon angaine tito la egim. Kesua iye tona karanga due aitno lite ila dagar kis dagar ke Ida Tapolngon ila omon itau ka la ke Yesus Krais ka nganapapra ine. Oglou ari osep tile omur ke Ida Tapolngon ila omon itau kovok. E eknikane iteile ine kesua Ida Tapolngon lua ite ine.

Pas ka Pol sogoe uti la ke osep Rom ina 9:18

E Ida Tapolngon aitno due osep ka iye waiki aitno due isak e iye pono osep aitno lisak ka iye waiki pono isak.

1 Korin 10:1

Sipmi. Ngawai ke umu ma umeile langane. Alo ka Moses dong ke taklak ane udo seia tidong moli ke gaup. E tididi gaup tonari e isak ka pula keniye kla tibru aki Edimor.

1 Korin 12:1

Sipmi. Ngawaiki umeile omur ke Ano Itau ila kerengen deka ngawai ke umu ine.

1 Korin 2:7

Imanapapra pelengon itau e Ida Tapolngon ila ilengen itau ka oglou iye kukwope ke osep ke umu. Alo ka Ida Tapolngon dau tapol taklak kovok iye ile kodong e iye rere oklou ka ma iye due umu umodong kap iye ke omur heven.

1 Korin 4:1

Aitno lumu mter ke imi langane. Imi Krais ila osep boko-ngon ina. E imoboko ma imaplau Ida Tapolngon ila pelengon ka kukwop.

Efesus 1:9

E iye nis itosep ke elio ka oglou iye waiki due polou ke itosep. Alo ari iye dau kukwop iye ke osep. Deka ari me iding ke alo ka Krais polou ke itosep isak tile ke iye kovok. Mase Krais me polou lite e elio tonari polou malak lokono. E eknikane iteile omur ine.

Efesus 3:9

Oglou ari Ida Tapolngon due wan bitna bitna keniye ka tidong. Alo ari pelengon leklou polou malak kovok. Iye bisi ine ke aitno vala e osep tile ine kovok. E pelengon tonari dong ke iye vala. E eknikane langane. Ida Tapolngon rere ngong ma nganapapra ila pelengon tonari. Kesua iye waiki osep tile omur ke elio ka iye due kodong e waiki pelengon tonari polou malak ke osep.

Efesus 4:18

Osep tonari aitno lisak langka aivoro lokono. E Ida Tapolngon lua isak ke elio oku ina kovok. E tipono aitno lisak ke Ida Tapolngon deka aitno lisak kaka.

2 Pita 3:8

Sipmi. Ngong lana ngong ke umu e ngawaiki aitno lumu mter langane. Ida Puda vati oklou kene vala eriar langka iye vati tobor 1000 e iye vati tobor 1000 eriar langka iye vati oklou kene vala.

Pelengon kukwopngon 1:20

E amvati gigimo lumorwo ka tidong ke lungu odung e wan lumorwo ka lam tidong ine ka tidue ke gol. Wan tonari isak langka pelengon ka kukwop e lana ine langane. Wan lumorwo ka lam tidong ine isak sios ka tidong ke armok lumorwo e gigimo lumorwo isak ensel lumorwo ka tiplau sios lumorwo tonari.”

Pelengon kukwopngon 10:7

E ensel wai blang langane. “Alo ka ensel lumorwo ina ma ipu ina kuliep deka wan ka dong kukwop ka Ida Tapolngon waiki due io ma iye due. Ma iye due elio eriar langka oglou iye wai ine ke ila osep bokongon ina ka isak osep napaprangan ina.”

Pelengon kukwopngon 11:15

Deka ensel lumorwo ina ipu ina kuliep e ngaklingen osep ka tidong ke omur heven tiwai omba langane. “Elio ka osep tivri mgo ke omur omur ke taklak polou yagos e Ida Tapolngon ka iye Ida Puda kap Yesus ka iye rere gute Krais ma tiplau osep dong vala dong.”

Pelengon kukwopngon 7:9

Mase omtongu lila blang deka ngavati osep pula lokono tiduni pulu tidong e itakaranga itetik inarak sasa kovok. Osep tonari tipolou ke osua kene kene e ke omur ka pula keniye e tarna lisak bitna bitna e tiwai tokples bitna bitna. E tivri ke kova bitna e ke Sipsip Otno bitna blang. E titnei molo okou ka kading damansak la iding ke kamsak e tikis ongup elilo ke limsak.