Pas ka Pol sogoe uti la ke osep Rom ina 11:23 - Aria New Testament

²³ Silang blang langane. Langka osep Israel ina ka oglou iye tuktuk isak tibauluk aitno lisak la dagar ke Ida Tapolngon blang ma iye due isak tinepir ke amunsak blang. Kesua Ida Tapolngon karanga makai isak langane.

Pas ka Pol sogoe uti la ke osep Rom ina 11:23 ပူးပေါင်းရင်းမြစ်များ

Matyu 23:39

Ngawai lokono ke umu langane. Ma umavati ngong blang kovok la lama umawai langane. ‘Gute ka me ke Ida Puda angaine aitno itau itau.’”

Pas ka Pol sogoe uti la ke osep Rom ina 11:17

E langane. Osep Israel ina isak langka akai oliv ka itau lokono. E Ida Tapolngon tuktuk akai tonari tetna leklou. Deka umu ka osep Yuda ina kovok umu langka akai oliv adai ka omong aitno ina tetna. E Ida Tapolngon due umu umenepir ke akai oliv ka itau ma umakasip akai tonari tetna ka iye tuktuk isak amunsak. Deka eknikane Ida Tapolngon ila kerengen ka dong ke osep Israel ina me duru dong ke umu blang.

Pas ka Pol sogoe uti la ke osep Rom ina 11:24

Umeile langane kodong. Oglou umu ka osep Yuda ina kovok umodong langka akai oliv tetna adai ka omong aitno ina. Deka Ida Tapolngon blou umu e due umu umenepir ke akai oliv ka itau lokono batne. E langka Ida Tapolngon karanga due langane iye karanga due akai tonari tetna ka lokono ma tibauluk tinepir ke amunsak blang.

2 Korin 3:16

E langka gute aitno la dagar ke Ida Puda iye pi wan ka pono baraine la.

Hibru 3:19

Iteile omur osep tonari tikaranga tisep e timtong ke omur tonari kovok kesua aitno lisak la dagar ke Ida Tapolngon kovok.