Pas ka Pol sogoe uti la ke osep Rom ina 11:20 - Aria New Testament

²⁰ Lumu pelengon langane lokono. E dau elio tonari batne lokono langane. Ida Tapolngon tuktuk osep Israel ina kesua batne aitno lisak dagar ke iye kovok. E Ida Tapolngon due umu umakasip amunsak kesua aitno lumu dagar ke iye. Deka umeile umu itau lama aitno lumu vri ke umu e umakakai umu tona angainmu. Aurou. Ma umodue anit ke Ida Tapolngon vala.

Pas ka Pol sogoe uti la ke osep Rom ina 11:20 ပူးပေါင်းရင်းမြစ်များ

Luk 18:14

Deka Yesus wai langane. “Ngawai ke umu langane. Alo ka isak orwo tiding ke urok ninu ninu gute ka due takis dong itau ke Ida Tapolngon bitna e gute silang dong langane kovok. Kesua gute ka kakai iye tona angaine ma Ida Tapolngon pes iye duru e gute ka pes iye tona angaine ma Ida Tapolngon kakai iye tito.”

Aposel 18:6

Osep Yuda ina tiklingen Pol ila pelengon deka tipul dogur ke iye e tiwai soulu ke iye. Pol klingen urok pelengon e batuktuk ila molo ma ina group la deka iye wai langane. “Langka umeimina ke lumu elio epmes ina io batne dong ke umu e dong ke ngong kovok. E ngong ma ngala nganapapra ke osep ka isak osep Yuda ina kovok.”

Pas ka Pol sogoe uti la ke osep Rom ina 11:18

Deka umakakai angainmu langka umomole osep Israel ina sakam. Kesua umu langka akai tetna e umakar wan gesa ke akai gitno kovok. Aurou.

Pas ka Pol sogoe uti la ke osep Rom ina 11:21

Umeile umu itau lama Ida Tapolngon tuktuk umu eriar langka iye tuktuk osep Israel ina ka oglou tidong langka akai oliv ka itau tetna lokono.

Pas ka Pol sogoe uti la ke osep Rom ina 12:16

Ma aitno lumu kene pulu. E ma aitno lumu vri ke umu vala kovok. Umepli osep ka angainsak omba kovok sakam. E aitno lumu itau ke isak vala. Ma umakakai umu tona angainmu kovok lama aitno lumu mter umu osep ka umeile omur ine.

Pas ka Pol sogoe uti la ke osep Rom ina 12:3

Ida Tapolngon makai ngong deka ngakar umu kenmu kenmu pelengon dagar ane. Aitno lumu mter langka angainmu omba e lumu elio mole osep leklou urok elio sakam. Aurou. Ma umawade lumu elio isuk isuk itau. Umedidi aitno lumu ila dagar ka Ida Tapolngon lua umu ine e umawade umu kenmu kenmu lumu elio ine.

Pas ka Pol sogoe uti la ke osep Rom ina 3:3

Iye kar ila pelengon itau ke isak e osep Yuda ina leklou aitno lisak dagar ine kovok. Aurou. Tingelek ine vala. Aitno lumu lange? Osep ka tingelek Ida Tapolngon ila pelengon ma urok elio soulu due ila pelengon dong adai koke aurou?

1 Korin 10:12

E langka gute gesa waiki aitno vri dagar ma iye plau iye itau lama iye due elio epmes ina.

1 Korin 15:1

Sipmi. Ngawaiki ngasruk aitno lumu ke omon itau ka oglou nganapapra ke umu. Alo ari aitno lumu la dagar ke omon itau deka umodong dagar ine.

1 Korin 16:13

E ma umaplau umu itau e umodong dagar lokono ke aitno lumu ila dagar ka la ke Ida Tapolngon. Ma umodong dagar e ma umoulou tarna lumu ke wan gesa kovok.

2 Korin 1:24

Ngawaiki imaplau aitno lumu ila dagar kovok. Aurou. Umodong dagar kodong ke aitno lumu ila dagar. E imoboko kap umu ma aitno lumu neser.

2 Korin 10:5

Imomole pelengon bitna bitna ka para pulu ke Ida Tapolngon ila pelengon e pelengon ka waiki pagolgol osep aitno lisak ma tile Ida Tapolngon kovok. Limem pelengon mole osep ka aitno lisak mter pelengon ka para pulu ke Ida Tapolngon ila pelengon deka ma tini Krais.

Filipai 2:12

Sipmi. Ngong lana ngong ke umu. E langka oglou umedidi lou pelengon alo ka ngadong kap umu deka eknikane alo ka ngadong kap umu kovok ma umedidi lou pelengon lokono. Ida Tapolngon lua umu ke lumu elio epmes ina kodong deka eknikane umodong dagar ke aitno lumu ila dagar e umodue anit ke Ida Tapolngon e umoboko ma lumu mosongon ke taklak ane dong itau.

Kolosi 2:7

Ngawaiki umevri dagar ke iye langka akai ka gigitno tiduru ke taklak aitno e vri dagar ine. E silang blang langka kadanga dong ke taklak e due ninu vri dagar ngawaiki aitno lumu ila dagar due umu umopolou dagar lokono. Eriar langka oglou osep tiparere umu deka eknikane umedidi pelengon tonari e umawai tenkyu ke Ida Tapolngon ke wan ka pula keniye ka iye due ke umu.

2 Tesalonaika 2:4

Ma iye wai soulu ke wan ka pula keniye ka osep aitno lisak la ine e tisir isak langka inarak tapolngon. Ma iye wai iye omba e isak wan adai vala. E iye ma la ke Ida Tapolngon ila ninu e dong ine e wai langane. “Ngong tona Upu Tapolngon.”

1 Timoti 6:17

Ma amwai dagar ke osep ka urok mani pula ke taklak ane ma tikaranga tikakai angainsak kovok. Ma aitno lisak la ke wan ka paide okus langka mani kovok. E ma aitno lisak dagar lokono ke Ida Tapolngon. Kesua iye kar ite wan bitna bitna pula ka due aitno lite neser.

Hibru 3:12

Sipmi. Umeile umu itau lama gute gesa airavu ke umu due elio epmes ina e pono aitno ke Ida Tapolngon. Deka iye pul dogur ke Ida Tapolngon.

Hibru 3:19

Iteile omur osep tonari tikaranga tisep e timtong ke omur tonari kovok kesua aitno lisak la dagar ke Ida Tapolngon kovok.

Hibru 4:11

Deka ite arit ite ma itakaranga itesep ke omur ka itomtong ine. Lama gute gesa airavu ke ite karanga sep ke omur tonari kovok kesua iye didi elio soulu ka oglou osep Israel ina tidue.

Hibru 4:6

Oglou osep ka tiklingen Ida Tapolngon ila omon itau tipul dogur ine. Deka ma tisep ke omur ka tikaranga timtong ine kovok. E oku ane osep ka tiklingen omon itau e aitno lisak la dagar ine tikaranga tisep ke omur tonari.

Jems 2:19

Umeile Ida Tapolngon iye kene vala e are itau. Angelo soulu blang tile langane deka tilim e tinakarkar ke iye e dau ilengen tonari lua isak kovok.

Jems 4:6

Ida Tapolngon makai ite ke ila makaingan ka ombatno. E ila pelengon wai blang langane. “Ida Tapolngon aitno itau ke osep ka tikakai isak tona angainsak kovok e iye makai osep ka tipes angainsak.”

1 Pita 1:17

Alo ka umawai itau ke Ida Tapolngon umesir iye Pmada. E Ida Tapolngon didi elio kene vala e wade ite kente kente udo elio isuk isuk ka itodue. Deka alo ka umu dau umodong ke taklak ane umodong langka osep kaulei e umodue anit ke Ida Tapolngon ke wan ka pula keniye ka umodue.

1 Pita 5:12

Ngaile gute Sailas aitno ila dagar dong dagar e iye lua ngong ke pas ane. Ngasogo pas ane kesua ngawaiki ngawai ke umu ke Ida Tapolngon ila makaingan. Ngaile makaingan ane Ida Tapolngon ila makaingan ka lokono deka ngawai malak ine. Ngawaiki ngasruk aitno lumu ma umodong dagar ine.

1 Pita 5:9

Umevri dagar ke aitno lumu ila dagar e umopul Satan ila tokngon. Kesua umeile omur supmu ke omur ka pula keniye tinamani agegeng eriar langka umanamani agegeng.

Pelengon kukwopngon 18:7

Ke oglou iye kakai angaine tito la egim e iye didi aitno ma iye due wan bitna bitna pula. Deka ma omdue agegeng karanga ke ila elio tonari. Iye wai ke aitno langane. ‘Ngong apmang ka ngavri mgo ke omur kene e ngong apmang asap batne kovok. Ma ngakngis omba langka apmang ka sasap batne kovok.’

Pelengon kukwopngon 3:17

E umawai langane. “Limem mani pula e imodong itau e limem wan pula dong kodong.” E umeile omur ke umu tona kovok. Umu langka tokonkon vala e lumu mosongon soulu. E lumu wan kovok e omtomu evin e umu albus umu.