Pas ka Pol sogoe uti la ke osep Rom ina 11:13 - Aria New Testament

¹³ Deka ngawaiki ngawai ke umu ka osep Yuda ina kovok langane. Ida Tapolngon rere ngong ila aposel gesa ma ngala nganapapra ke osep ka isak osep Yuda ina kovok. E ngakakai Ida Tapolngon angaine tito ine kesua batne ke bokongon ka iye kare ke ngong.

Pas ka Pol sogoe uti la ke osep Rom ina 11:13 ပူးပေါင်းရင်းမြစ်များ

Aposel 13:2

Alo ka tiduni pulu tiwai itau ke Ida Puda e tikakai angaine tito la egim. E silang tipli inarak ngangon kesua tiwaiki aitno lisak la ke Ida Tapolngon vala. Deka ari Ano Itau wai ke isak langane. “Umerere Barnabas e Sol ma tiboko ke bokongon ka ngarere ke isak.”

Aposel 22:21

Ngakoli Ida Puda ila pelengon langane deka iye wai ke ngong blang langane. ‘Aurou. Amla. Ngapagei wom amla ke osep ka isak osep Yuda ina kovok ka tidong ke omur ka mawa.’”

Aposel 9:15

Deka Ina Puda wai ke iye langane. “Aurou. Amla kesua ngarere iye ma iye polou lou gute bokongon ina. Ma iye napapra ngau basikngen ke osep pula ka isak osep Yuda ina kovok. Ma iye napapra ngau basikngen ke osep pula ka tivri mgo ke omur pula e ke osep Israel ina blang.

Galesia 1:16

Deka iye didi aitno e nis ngong ke Otno Arang ma ngadue ila bokongon ka nganapapra ila omon itau ke osep ka isak osep Yuda ina kovok. E alo ka Ida Tapolngon rere ngong io ngala ngapmi gute gesa ine kovok.

Galesia 2:2

Ngala kesua Ida Tapolngon nis ngong ma ngala are. E alo ka ngadong ke Jerusalem ngawai ke osep namormor ka tiplau sios vala. E ngapalongo urok ke omon itau ka oglou nganapapra ine ke osep ka isak osep Yuda ina kovok. Ngadue langane kesua aitno lungong kro lama bokongon ka eknikane ngadue e ke oglou blang ngadue polou adai.

Efesus 3:8

E angain ngong omba kovok. Aurou. Ida Tapolngon ila osep keniye angainsak timole angain ngong. Lama langane Ida Tapolngon kere ngong ke ila makaingan. E ngapaur Ida Tapolngon ila omon itau ke umu ka osep Yuda ina kovok. Omon tonari palongo udo ke wan keniye ka itau lokono ka Krais kare ke ite e itakaranga iteile aikovoli ine kovok.

1 Timoti 2:7

Ke batne langane Ida Tapolngon rere ngong ma ngapolou ila aposel gesa. E ngaboko ma nganapapra ila omon itau ke osep ka isak osep Yuda ina kovok e ngaparere isak ine. Ma aitno lisak la dagar ke Krais e ma tile ke ila pelengon ka lokono. Ngawai lokono e ngayakyak kovok.