Pas ka Pol sogoe uti la ke osep Rom ina 11:11 - Aria New Testament

¹¹ E ngapmi umu langane. Osep Israel ina tipono aitno lisak ke Ida Tapolngon deka ma isak yagos koke aurou? Aurou lokono. E tipul dogur ke Ida Tapolngon e ke elio langane Ida Tapolngon lua osep leklou ka isak osep Israel ina kovok e makai isak. Ida Tapolngon waiki osep Israel ina tivati ila elio ka iye lua osep leklou ma tingale urok mosongon.

Pas ka Pol sogoe uti la ke osep Rom ina 11:11 ပူးပေါင်းရင်းမြစ်များ

Luk 20:16

Ma iye la e due agegeng ke osep tonari ma timete deka ma iye due osep leklou tiboko ke yage.” E alo ka osep tiklingen pelengon ano tiwai langane. “Aisudo. Ma elio langane polou kovok.”

Aposel 13:42

Pol orwo Barnabas tiwai yagos deka tisongon osep Yuda ina urok duningen ina ninu tonari. Deka osep ka tidong ine tiwai dagar ke isak langane. “Sabat ka amtada ari ma umaparere imi ke pelengon ane blang.”

Aposel 18:6

Osep Yuda ina tiklingen Pol ila pelengon deka tipul dogur ke iye e tiwai soulu ke iye. Pol klingen urok pelengon e batuktuk ila molo ma ina group la deka iye wai langane. “Langka umeimina ke lumu elio epmes ina io batne dong ke umu e dong ke ngong kovok. E ngong ma ngala nganapapra ke osep ka isak osep Yuda ina kovok.”

Pas ka Pol sogoe uti la ke osep Rom ina 10:19

Deka ngapmi umu langane. Osep Israel ina tile Ida Tapolngon ila pelengon tonari kovok? Aurou. Isak tile ine. Elio ane eriar langka oglou Moses sogo Ida Tapolngon ila pelengon ka wai langane. “Ma ngadue osep Israel ina aitno lisak rim ke osep leklou blang. Ma ngadue osep Israel ina aitno lisak engil batne osep leklou blang ka oglou aitno lisak kaka.”

Pas ka Pol sogoe uti la ke osep Rom ina 11:1

Eknikane ngapmi umu lang-ane. Ida Tapolngon pul dogur ke ila osep Israel ina kodong ma isak ila osep kovok koke aurou? Aurou lokono. Ngong gute Israel ina. Ngong Abraham ila napakngan gesa. E ngong gute ke Benjamin ila osua.

Pas ka Pol sogoe uti la ke osep Rom ina 11:12

Alo ka osep Israel ina tidue elio epmes ina Ida Tapolngon due ila kerengen la ke osep ka pula keniye. E alo ka osep Israel ina tipul dogur ke Ida Tapolngon iye due ila kerengen la ke osep ka isak osep Yuda ina kovok. E langka osep Israel ina tibauluk aitno lisak la ke Ida Tapolngon ma iye due ila kerengen ka ombatno la ke osep ka pula keniye.

Pas ka Pol sogoe uti la ke osep Rom ina 11:14

Ngawaiki lou bokongon sruk lou osua leklou ka isak osep Israel ina aitno lisak ma tingale elio ka Ida Tapolngon due ke umu. Ke elio langane ngawaiki ngadue osep Israel ina leklou tibauluk aitno lisak.

Pas ka Pol sogoe uti la ke osep Rom ina 11:31

E langane. Eknikane osep Israel ina tididi Ida Tapolngon ila pelengon kovok deka Ida Tapolngon aitno due umu kodong. E mase ma Ida Tapolngon aitno due isak blang.