Pas ka Pol sogoe uti la ke osep Rom ina 10:9 - Aria New Testament

⁹ ­Deka imanapapra langane. Umu kenmu kenmu umapalongo aitno lumu ke osep. Umapalongo urok aitno lumu dagar ke Upu Puda Yesus e aitno lumu dagar ke elio ka Ida Tapolngon due Yesus poga tito ke ina denga kodong. E ma Ida Tapolngon lua umu kenmu kenmu ke lumu elio epmes ina.

Pas ka Pol sogoe uti la ke osep Rom ina 10:9 ပူးပေါင်းရင်းမြစ်များ

Luk 12:8

“Ngawai ke umu langane. Gute ka wai iye lou gute ke osep amtarsak ma ngong ka Gute Ka Polou Langka Osep ngawai iye lou gute ke Ida Tapolngon ila ensel amtarsak.

Jon 9:22

E tna e timla tiwai langane kesua tilim ke osep Yuda ina. Kesua osep Yuda ina tiwai pulu kodong langka gute gesa wai Yesus iye gute Krais ka Ida Tapolngon rere ma iye lua osep ke urok elio epmes ina ma tisapir iye ke urok duningen ina ninu ma iye karanga la ke duningen blang kovok.

Aposel 16:31

Deka tikoli tiwai ke iye langane. “Langka aitno lugom la dagar ke Ida Puda Yesus ma iye lua wom ke lem elio epmes ina. Deka ma iye lua osep ka tidong kap wom ke lem ninu langane blang.”

Aposel 2:24

Iye mete deka Ida Tapolngon didi ila arit e due poga tito ke ina denga. Deka iye ngangir ke metengen kovok. Deka metengen karanga mole iye kovok kesua Ida Tapolngon mole kodong.

Aposel 2:32

Devit ila pelengon ane la ke gute Yesus. Oglou Yesus mete deka pampamu ine la munu ke ina denga. Deka Ida Tapolngon due poga tito ke ina denga e eknikane imavati iye blang.

Aposel 8:36

Isak orwo dau tididi ekreng la lama tipolou ke aki gesa e gute plaungan ina wai langane. “Oka aki ane. Ma ngasep ke aki ane e ampaunim ngong koke ngakaranga ngadue langane kovok?”

Pas ka Pol sogoe uti la ke osep Rom ina 10:10

Kesua langka aitno lite la dagar ke Ida Luangan Yesus Ida Tapolngon ma due ite itopolou itau e osuk ke bitna. Deka itapalongo osep ke Ida Luangan Yesus e Ida Tapolngon lua ite ke udo elio epmes ina.

Pas ka Pol sogoe uti la ke osep Rom ina 14:11

Kesua Ida Tapolngon ila pelengon wai langane. “Ida Puda wai langane. ‘Ngong kengong ngadong. E mase osep ka pula keniye ma time ke ngong e ma tigrum kamsak ke omtongu. E ma tiwai lang-ane. “Wom Ipem Tapolngon lokono.”’”

Pas ka Pol sogoe uti la ke osep Rom ina 14:9

E oglou Krais blang mete deka poga tito ke ina denga. E eknikane iye dong langka osep ka pula keniye ka timete kodong Inarak Puda e osep ka tidong dau Inarak Puda blang.

Pas ka Pol sogoe uti la ke osep Rom ina 4:24

Aurou. Pelengon tonari me ke ite ka aitno lite dagar ke Ida Tapolngon blang. Iye due ite itopolou itau e osuk ke bitna kesua aitno lite la dagar ke Ida Tapolngon kodong ka oglou due Ida Puda Yesus poga tito ke ina denga.

Pas ka Pol sogoe uti la ke osep Rom ina 8:34

Ma sinngen elio keniye tibure vala. Kesua Yesus Krais mete e kasip amunte kodong. Ari Ida Tapolngon due poga tito ke ina denga deka eknikane iye lua ite e dong ke Ida Tapolngon limla odung e loulou ke ite.

1 Korin 12:3

Deka ngawaiki ma aitno lumu la ke pelengon kene langane. Langka Ida Tapolngon Ano Itau dong ke gute gesa aitno gute tonari karanga wai pelengon soulu ke Yesus kovok. E gute ka Ida Tapolngon Ano Itau dong ke iye kovok karanga wai langane kovok. “Yesus iye Ngau Puda.”

Filipai 2:11

E ma tipalongo urok malak langane. Yesus Krais iye osep Inarak Puda. E elio langane kakai Ida Tapolngon ka Pmada angaine tito la egim.

1 Pita 1:21

Deka aitno lumu dagar ke Ida Tapolngon batne ke Krais. Oglou alo ka Krais mete Ida Tapolngon due poga tito ke ina denga deka iye kakai Krais tito la egim. Iye due langane deka aitno lumu dagar ke Krais e umapara ma iye didi ila pelengon ka iye wai ine kodong.

1 Jon 4:15

Gute ka wai Yesus iye Ida Tapolngon Otno Arang Ida Tapolngon dong kap iye e iye dong kap Ida Tapolngon.

2 Jon 1:7

Osep yakngan ina pula isak kla ke omur ka pula keniye ke taklak e tiwai langane. “Yesus Krais me polou langka itosep kovok.” Osep ka tiwai langane isak osep yakngan ina e isak Krais ina oul.