Pas ka Pol sogoe uti la ke osep Rom ina 10:4 - Aria New Testament

⁴ Krais polou ke ite kodong deka ari iye due Moses ila sogongon ka oglou plau ite ila arit polou yagos. Deka plau ite kovok. E Ida Tapolngon due osep ka aitno lisak dagar ke Krais tipolou itau e osuk ke bitna.

Pas ka Pol sogoe uti la ke osep Rom ina 10:4 ပူးပေါင်းရင်းမြစ်များ

Matyu 3:15

E Yesus koli wai langane. “Omsongone ke oku ane kesua ke elio ane itodue wan ka didi Ida Tapolngon ila elio ka itau e osuk.” Deka Jon didi ila pelengon e paunim Yesus.

Jon 1:17

Oglou Moses sogo Ida Tapolngon ila pelengon dagar e kare ke ite e oku ane Yesus Krais kar Ida Tapolngon ila makaingan e ila pelengon ka lokono ke ite.

Pas ka Pol sogoe uti la ke osep Rom ina 3:22

Eknikane elio kene vala dong ka Ida Tapolngon didie e due osep tipolou itau e osuk ke bitna. Iye due osep ka pula keniye ka aitno lisak la dagar ke Yesus Krais tipolou itau e osuk ke bitna. Iye due ila elio kene langane ke osep ka pula keniye.

1 Korin 1:30

E Ida Tapolngon due umu umeneklep ke Krais Yesus. E Krais tona udo ilengen ka itau batne. Krais due ite itopolou itau e osuk ke Ida Tapolngon bitna. Iye due ite itopolou Ida Tapolngon ila osep ka itau lokono. Deka udo elio epmes ina munu pes ite kovok.

Galesia 3:24

Moses ila sogongon dong langka plaungan ka plau ite la lama Krais polou. Ma aitno lite dagar ke Krais deka itodong itau ke Ida Tapolngon bitna.

Galesia 4:5

Ma iye kli ite ka itodong moli ke Moses ila sogongon udo elio epmes ina e ma iye due ite itopolou Ida Tapolngon titno.

Kolosi 2:10

Umeneklep ke Krais deka umodue mosongon ka lokono lokono batne ke iye. Ila arit ombatno e iye mole e plau ano ka pula keniye ka tiplau wan bitna bitna.

Kolosi 2:17

Wan tonari isak langka ano e nisngen vala ke wan bitna bitna ka ma me e Krais iye wan ka lokono.

Hibru 10:14

Iye pli tarna e mete aling kene vala e due osep tipolou Ida Tapolngon ila osep ine. E iye due isak tipolou itau lokono dong vala dong.