Pas ka Pol sogoe uti la ke osep Rom ina 10:2 - Aria New Testament

² Ngaile omur osep Israel ina tiwaiki tidue wan ka Ida Tapolngon waiki tidue e dau tile omur itau ke wan ka Ida Tapolngon waiki tidue kovok.

Pas ka Pol sogoe uti la ke osep Rom ina 10:2 ပူးပေါင်းရင်းမြစ်များ

Jon 16:2

Mase osep ma tisapir umu ke urok duningen ina ninu e ma tidue burwa ke umu. E gute ka due burwa ke umu ma aitno mter iye due Ida Tapolngon ila bokongon.

Aposel 21:20

Osep tonari tiklingen Pol ila pelengon e tikakai Ida Tapolngon angaine tito la egim ine deka tiwai ke Pol langane. “Limem aten osep Yuda ina pula pula aitno lisak la dagar ke Yesus kodong. E silang blang langane. Osep tonari aitno lisak dau dagar lokono ma tididi Moses ila sogongon.

Aposel 21:28

E tidaiku dagar lokono langane. “Osep Israel ina umolua imi. Gute ane parere osep ka pula keniye ka tidong ke omur omur ke ite. Iye wai soulu ke ite e ke Moses ila sogongon e ke Ida Tapolngon ila ninu ane. Silang blang iye paur osep Grik ina tisep ke Ida Tapolngon ila ninu ane e tidue omur ane ka itau lokono polou soulu.”

Aposel 22:22

Osep Yuda ina tiklingen Pol ila pelengon la lama iye wai langare deka lokono aitno lisak nevlik amnga lokono e tiwai omba langane. “Umemke gute are ma iye mete. Gute langare iye karanga dong kap itosep kovok e ma iye mete vala.”

Aposel 22:3

“Ngong tona gute Yuda ina gesa e nina divir ngong ke Tarsus ka dong ke omur Silisia. Oglou alo ka ngong dau agau ngame ngadong ke armok ane. E alo ari gute Gamaliel parere ngong itau ke udo seia urok pelengon dagar. Iye due langane la lama aitno lungong polou dagar lokono ke Ida Tapolngon eriar langka eknikane umu blang aitno lumu dagar ke iye.

Pas ka Pol sogoe uti la ke osep Rom ina 10:1

Sipmi. Ke aitno lungong ngawaiki Ida Tapolngon lua lou osua ka osep Israel ina ke urok elio epmes ina. Deka ngapmi Ida Tapolngon ine ma iye lua isak.

Pas ka Pol sogoe uti la ke osep Rom ina 10:3

E tididi aitno lisak ka tiwaiki due isak tipolou itau e osuk ke Ida Tapolngon bitna. E isak tile omur ke elio ka Ida Tapolngon due isak tipolou itau e osuk ke bitna kovok. E tididi elio tonari itau lokono kovok.

2 Korin 4:4

Satan ka iye plau taklak ane due osep ka aitno lisak dagar ke Ida Tapolngon kovok aitno lisak aivoro ma tikaranga tivati bublongon ke Krais ila omon itau kovok. E Krais eriar langka Ida Tapolngon.

2 Korin 4:6

Ke oglou Ida Tapolngon wai langane. “Ma esluk polou bublo airavu ke aivoro.” Ida Tapolngon tona due esluk polou bublo ke aitno limi ma imeile omur ke Ida Tapolngon ila bublongon ka bublo ke Yesus Krais bitna.

2 Korin 8:3

Ngawaiki ngawai malak langane. Tituktuk urok mani ka tikaranga ine e silang blang ti-tuktuk urok mani leklou blang. E gute gesa pagei isak ine kovok. Aurou. Tididi aitno lisak ine vala.

Galesia 1:14

E ngong arit ngong lokono e ngadidi lou seia urok elio bitna bitna lokono e ngamole osep auram ke osep Yuda ina pula ka inarak tobor eriar ke ngau tobor.

Galesia 4:15

Alo ari aitno lumu neser e aitno lumu itau ke ngong. E eknikane ina lange aitno lumu neser kovok? Ngawai lokono. Alo ari aitno lumu omba lokono ke ngong ma umawaiki umolua ngong. Langka umakaranga umepi omtomu deka umepie e umakar isak ke ngong.

Filipai 1:9

Aling aling ngawai itau langane. Ngawaiki elio ka umu lana umu ke osep res polou omba e ngawaiki umeile omur ke wan bitna bitna itau e aitno lumu mter ke wan malak lokono.

Filipai 3:6

Ngaboko engil ma ngawaiki ngadue Ida Tapolngon ila bokongon deka ngadue agegeng ke Yesus ila osep. Deka langka osep tididi Moses ila sogongon e tiwade lou elio isuk isuk ma tile lou elio vri ke ngong kovok.

Kolosi 4:13

Ngakaranga ngawai ke umu langane. Iye boko engil lokono ma iye lua umu. Iye boko ma lua umu kap osep ka tidong ke armok Laodisia e ke armok Hierapolis.