Pas ka Pol sogoe uti la ke osep Rom ina 1:8 - Aria New Testament

⁸ Lou pelengon mgongon lang-ane. Eknikane elio ka aitno lumu dagar ke Yesus kodong ina omon pakes lila ke omur ka pula keniye. E ngawai itau ke Ida Tapolngon ke Yesus Krais angaine kesua omon tonari itau. Ngawai ke Ngau Tapolngon langane. Aitno lungong itau ke wom kesua osep Rom ina leklou aitno lisak la dagar ke Yesus kodong.

Pas ka Pol sogoe uti la ke osep Rom ina 1:8 ပူးပေါင်းရင်းမြစ်များ

Matyu 24:14

E osep ma tinapapra omon itau ka la ke omur ka Ida Tapolngon plaue ke omur ka pula keniye ke taklak ma osep tikaranga tiklingen ine deka taklak ina yagosngon ma polou.”

Luk 2:1

Alo ari Sisar Ogastus wai pelengon dagar ma tidue sensis ke osep ka pula keniye ka tidong ke omur omur ka iye vri mgo ine.

Aposel 11:28

Gute napapra-ngan ina kene angaine Agabus. Ano Itau due aitno deka iye vri e wai sapanga ombatno ma polou ke omur ka pula keniye. Mase sapanga ombatno ka iye wai ine polou alo ka gute Klodius vri mgo ke omur ari.

Aposel 28:22

E imi ane imawaiki imeklingen lem pelengon ma imeile aitno lugom. Kesua osep ka pula keniye tiwai soulu ke osep ka tididi elio oku ina.”

Pas ka Pol sogoe uti la ke osep Rom ina 10:18

E ngapmi umu langane. Osep ka aitno lisak dagar ke Ida Tapolngon ila pelengon kovok tile ine koke aurou? Osep tonari tile ine kodong eriar langka Ida Tapolngon ila pelengon wai ine. Ila pelengon wai langane. “Osep napaprangan ina urok pelengon la ke omur ka pula keniye. Omur gesa dong kovok ka urok pelengon polou ine kovok.”

Pas ka Pol sogoe uti la ke osep Rom ina 16:19

Umedidi Ida Tapolngon ila pelengon e osep ka pula keniye tiklingen ke lumu elio kodong. E aitno lungong itau lokono ke umu. E ngawaiki ma umeile itau lokono ke elio itau e ma umepli elio soulu.

Pas ka Pol sogoe uti la ke osep Rom ina 6:17

Oglou elio epmes ina plau umu e umodue elio epmes ina bitna bitna vala. Mase osep tiparere umu ke Ida Tapolngon ila pelengon deka aitno lumu la dagar ine. Aitno lumu dong dagar ine e ngakakai Ida Tapolngon angaine tito ine.

1 Korin 1:4

Aling pula ngawai itau ke Ida Tapolngon ke umu. Ngawai itau ke iye kesua iye makai umu itau ke ila makaingan batne Yesus Krais dong.

2 Korin 2:14

E eknikane ngakakai Ida Tapolngon angaine tito la egim. Kesua aling aling iye mgo ke imi e iye mole wan ka pula keniye e imedidi iye deka imala ke omur omur e imanapapra Krais ila omon itau e osep tiklingen ine e tile ke iye. E pelengon ka osep tiklingen ine langka amnangan itau ka engen ipue la ke omur omur.

Efesus 1:15

E langane. Ngaklingen ko-dong ke elio ka aitno lumu ila dagar la ke Ida Puda Yesus e ke elio ka umu lana umu ke Ida Tapolngon ila osep keniye.

Efesus 1:16

Ngaklingen ine deka alo ari me iding ke eknikane oklou aling aling ngakakai Ida Tapolngon angaine ine. Kesua batne lumu elio tonari itau. E alo ka ngawai itau ke Ida Tapolngon ngapmi iye ke umu.

Efesus 3:21

Deka ite ka Yesus ila osep itakakai Ida Tapolngon angaine tito la egim lokono. Kesua ite ka Yesus ila osep iteneklep ke Krais Yesus kodong. E itakakai Ida Tapolngon angaine tito la egim lokono dong vala dong. Lokono.

Efesus 5:20

E aling aling umawai tenkyu ke Ida Tapolngon ka Pmada kesua batne ke wan bitna bitna ka iye lua umu ine. Umawai tenkyu ke Ida Tapolngon kesua batne ke Ida Puda Yesus Krais dong.

Filipai 1:11

Deka Yesus Krais due elio ka itau e osuk polou ke umu e osep tivati lumu elio itau e tikakai Ida Tapolngon angaine tito la egim ine.

Filipai 1:3

Alo ka aitno lungong mter ke umu deka ngawai tenkyu ke Ngau Tapolngon ke umu.

Kolosi 1:3

Alo ka imorwo imawai itau ke Ida Tapolngon aling aling aitno limi vri ke umu e imawai tenkyu ke iye ka Ida Puda Yesus Krais timla.

1 Tesalonaika 1:2

Aling aling imawai tenkyu ke Ida Tapolngon ke umu ka pula keniye e ke lumu elio e silang blang imepmi iye ke umu alo ka imawai itau ke iye.

1 Tesalonaika 2:13

Aling aling imawai tenkyu ke Ida Tapolngon ke wan bitna bitna ka iye due batne langane. Alo ka imanapapra Ida Tapolngon ila omon itau ke umu deka umodue e aitno lumu la dagar ine langka pelengon tonari gute gesa ila pelengon vala kovok. Aurou. Umodue langka iye Ida Tapolngon ila pelengon. E lokono pelengon ane Ida Tapolngon ila pelengon. E omon tonari lua umu ka aitno lumu dagar ke Krais ke lumu mosongon.

2 Tesalonaika 1:3

Sipmi. Aling aling imawai tenkyu ke Ida Tapolngon e iye sruk aitno limi ma imawai itau ke umu. E elio ane ka itodue iye elio itau. Kesua aitno lumu ila dagar polou dagar lokono e umu lana umu pulu deka aling aling elio langane res polou omba lokono. E Ida Tapolngon waiki itodue elio langane. E ma imakakai Ida Tapolngon angaine tito la egim ine.

2 Timoti 1:3

Oglou lou seia tidue Ida Tapolngon ila bokongon e urok bokongon itau e osuk ke bitna e wan gesa vri ke isak ine kovok. E eknikane ngong blang langane. Aling aling aitno lungong itau ke wan ka Ida Tapolngon due e ke oklou e epmes ngawai itau ke Ida Tapolngon ke wom e omtongu sisir wom.

Filemon 1:4

Lou aten Filemon. Aling aling alo ka ngawai itau ke Ida Tapolngon aitno lungong mter ke wom deka ngawai tenkyu ke iye batne ke wom e ngawai itau ke wom.

Hibru 13:15

Deka aling aling itakakai Ida Tapolngon angaine tito la egim. Ane langka itodue elio opmu ina alo ka itapalongo osep ke Yesus.

1 Pita 2:5

Umu blang umodong langka opmu ka urok mosongon dong ke isak ka Ida Tapolngon Ano Itau uri ila ninu ine. E umopolou osep loulou ina ka itau lokono e ke Yesus Krais angaine langka umodue elio opmu ina ke umu kenmu kenmu. Deka ma Ida Tapolngon aitno itau ine.

1 Pita 4:11

Langka gute due kerengen ma iye napapra ke osep deka iye napapra Ida Tapolngon ila pelengon vala. E langka gute due kerengen ma iye lua osep leklou ke bokongon bitna bitna deka ma iye didi Ida Tapolngon ila arit ine. Umodue langane ma wan ka pula keniye ka umodue kakai Ida Tapolngon angaine tito la egim batne Yesus Krais dong. Krais angaine omba lokono e ila arit dong vala dong. Lokono.