Pas ka Pol sogoe uti la ke osep Rom ina 1:7 - Aria New Testament

⁷ ­Eknikane ngasogo pas ane uti la ke umu osep Rom ina ka Ida Tapolngon rere umu ila osep. Ngawaiki Ida Tapolngon ka Pmada e Ida Puda Yesus Krais urok makaingan dong kap umu e tidue aitno lumu epen.

Pas ka Pol sogoe uti la ke osep Rom ina 1:7 ပူးပေါင်းရင်းမြစ်များ

Matyu 5:16

Umobublo langka lam ma osep tikaranga tivati lumu elio itau e tikakai Pmomu ka dong ke omur heven angaine.”

Jon 20:17

E Yesus wai ke iye blang langane. “Emkis ngong dagar kovok kesua ngatito ke Livou dau kovok. E amla e amwai ke sipmi ngawai langane. ‘Ma ngatito ke Livou e Pmomu blang. E iye Tapolngon ka ngalotuim iye e iye Tapolngon ka umolotuim iye blang.’”

Aposel 15:23

Deka tikar isak apanal pas ma tikalke ka wai langane. “Imi ka osep aposel ina e Ida Tapolngon ila osep inarak plaungan ina imosogo pas ane uti ke umu ka osep Yuda ina kovok ka umodong ke Antiok e ke provins Siria e ke provins Silisia. Imawai oklou itau ke umu.

Aposel 9:13

Deka Ananaias koli wai langane. “Ngau Puda osep pula tiwai ke ngong ke gute Sol ila elio soulu. Iye due agegeng pula ke lem osep ka tidong ke Jerusalem.

Pas ka Pol sogoe uti la ke osep Rom ina 1:6

E umu blang Ida Tapolngon rere umu Yesus Krais ila osep kodong.

Pas ka Pol sogoe uti la ke osep Rom ina 5:1

Eknikane itopolou itau e osuk ke Ida Tapolngon bitna kodong kesua batne aitno lite ila dagar la ke Ida Puda Yesus Krais mgo. Deka iye lua ite e due Ida Tapolngon aitno epen ke ite batne ke iye.

Pas ka Pol sogoe uti la ke osep Rom ina 5:5

Deka elio ka itapara ke alo ka itodong kap iye ma la adai kovok. Aurou. Ma elio tonari polou lokono vala deka ma itodong itau kap iye. Kesua iye nis ite kodong iye lana iye ke ite alo ka iye tuktuk Ano Itau karanga ke ite kente kente.

Pas ka Pol sogoe uti la ke osep Rom ina 8:28

E iteile omur ine langane. Ite ka ite lana ite ke Ida Tapolngon iye rere ite ila osep kodong. E elio keniye ka polou ke ite batne langane. Ida Tapolngon due isak tipolou ke ite ma tilua ite ma udo mosongon polou itau lokono e ma itodue wan ka iye rere ke ite.

Pas ka Pol sogoe uti la ke osep Rom ina 8:39

Omur ka egim koke omur ka moli tikaranga tidangdang Ida Tapolngon ma iye lana iye ke ite kovok. Wan kene gesa dong ke omur ka pula keniye ka karanga dangdang Ida Tapolngon ma iye lana iye ke ite kovok. Aurou. Iye lana iye ke ite vala kesua batne ke Ida Puda Krais Yesus dong.

Pas ka Pol sogoe uti la ke osep Rom ina 9:25

Gute napaprangan ina Hosea sogo Ida Tapolngon ila pelengon langane. “Ma ngawai ke osep ka oglou isak lou osep kovok isak tidong lou osep. E ma ngawai ke osep ka oglou ngong lana ngong ke isak kovok ngong lana ngong ke isak.”

1 Korin 1:24

E osep ka Ida Tapolngon rere isak ila osep aitno lisak langane kovok. Osep Yuda ina e osep Grik ina ka Ida Tapolngon rere isak ila osep tile pelengon tonari la ke Krais e Ida Tapolngon ila arit e ila ilengen dong ine.

1 Korin 16:23

Ngawaiki ma Ida Puda Yesus ila makaingan dong kap umu.

Galesia 6:18

Sipmi. Ngawaiki ma Ida Puda Yesus Krais ila makaingan dong kap umu ka pula keniye. Lokono.

Efesus 1:2

Ma ngawaiki Ida Tapolngon ka Pmada e Ida Puda Yesus Krais urok makaingan dong kap umu e due aitno lumu epen.

Efesus 6:23

Sipmi. Aitno lungong lang-ane. Ngawaiki Ida Tapolngon ka Pmada e Ida Puda Yesus Krais tidue aitno lumu epen pulu. Ngawaiki tidue aitno lumu ila dagar dong dagar e ma umu lana umu pulu.

Filipai 1:2

Ngawaiki Ida Tapolngon ka Pmada kap Ida Puda Yesus Krais timakai umu e tidue aitno lumu dong epen.

Filipai 4:13

Krais lua ngong ke ila arit deka ngakaranga ngadong itau ke elio bitna bitna ka tipolou ke ngong.

Filipai 4:20

E ma itakakai Ida Tapolngon ka Pmada angaine tito la egim dong vala dong. Lokono.

Filipai 4:23

Deka ngawaiki Ida Puda Yesus Krais ila makaingan dong kap umu kenmu kenmu anmu. Lokono.

Kolosi 1:2

Imosogo pas ane uti ke umu ka Ida Tapolngon ila osep ka umodong ke armok Kolosi. Umu ka sipmi aitno lumu ila dagar dong dagar ke Krais. Ida Tapolngon ka Pmada ila makaingan dong kap umu e due aitno lumu dong epen.

Kolosi 3:12

Deka langane. Umu Ida Tapolngon ila osep e iye lana iye ke umu e iye rere umu ila osep itau. Deka umodue elio bitna bitna langane. Elio ka aitno lumu due osep ka wan soulu polou ke isak e elio ka umodue mada ke osep e elio ka umodong moli e umepes angainmu. E elio ka umodue elio molil ke osep e elio ka amnga umu suong kovok ke osep ka tidue elio soulu ke umu.

Kolosi 3:15

Krais due aitno lumu epen kap iye. E elio ka aitno lumu epen kap iye nis umu ma umeile omur ke elio bitna bitna ka Krais waiki umodue. Kesua Ida Tapolngon waiki aitno lumu epen pulu e iye waiki elio tonari gom umu e umodong langka umu Krais pampamu ine ka kene vala. E aitno lumu itau ke Ida Tapolngon ine.

1 Tesalonaika 1:1

Ngong Pol ngagosok Sailas e Timoti imosogo pas ane uti la ke umu ka umodong ke sios ke armok Tesalonaika. Umu ka pula keniye umodong ke Ida Tapolngon ka Pmada e Ida Puda Yesus Krais urok osua. Ma Ida Tapolngon ila makaingan dong kap umu e due aitno lumu tidong epen.

1 Tesalonaika 1:3

Aitno limi langane. Imawai itau ke Ida Tapolngon ka Pmada kesua aitno lumu ila dagar sruk aitno lumu deka umodue elio itau. E umu lana umu ke osep ka pula keniye deka umoboko dagar ma umolua osep. E umapara ke Ida Puda Yesus Krais ma iye iding me.

1 Tesalonaika 1:4

Sipmi. Imeile Ida Tapolngon lana iye ke umu deka iye rere umu ila osep.

1 Tesalonaika 4:7

Ida Tapolngon waiki ite ka ila osep itodue elio soulu kovok. Iye waiki itodue elio itau vala.

1 Tesalonaika 5:28

E ngawaiki Ida Puda Yesus Krais ila makaingan dong kap umu.

2 Tesalonaika 1:2

Ngawaiki Ida Tapol-ngon ka Pmada kap Ida Puda Yesus Krais urok makaingan la ke umu e due aitno lumu epen.

2 Tesalonaika 3:16

Ngawaiki Ida Puda ka due aitno lite epen ma aling aling iye tona due aitno lumu dong epen ke wan bitna bitna keniye. Ngawaiki Ida Puda dong kap umu ka pula keniye.

2 Tesalonaika 3:18

Ngawaiki Ida Puda Yesus Krais ila makaingan dong kap umu ka pula keniye.

1 Timoti 1:2

Ngasogo pas ane uti ke wom Timoti. Ngaparere wom ke Ida Tapolngon ila pelengon e ompolou langka erigu ke aitno lite ila dagar. Ma Ida Tapolngon ka Pmada orwo Ida Puda Krais Yesus aitno lisak tidue wom e timakai wom e tidue aitno lugom dong epen.

1 Timoti 6:2

Langka osep ka tiplau osep ka isak wokboi nating isak osep Kristen deka ma osep bokongon ina tidue markan ke isak kovok. Ma tituk urok pelengon kovok. E ma aitno lisak mter langane. Gute ka ngaboko ke iye io iye Kristen blang deka ma aitno lungong itau lokono ke iye. Ma amnapapra pelengon ane ke osep e amparere isak ine.

2 Timoti 1:2

Ngasogo pas ane uti ke wom Timoti ka wom langka erigu ka ngong lana ngong ke wom. Ngawaiki Ida Tapolngon ka Pmada kap Ida Puda Krais Yesus timakai wom e aitno lisak due wom e tidue aitno lugom dong epen.

2 Timoti 4:22

Ngawaiki ma Ida Puda dong kap anwom e ngawaiki ila makai-ngan dong kap wom.

Taitus 1:4

E Taitus ngasogo pas ane uti ke wom. Aitno lite ila dagar eriar e ompolou langka erigu gesa. Nga-waiki Ida Tapolngon ka Pmada kap Ida Luangan Krais Yesus timakai wom e tidue aitno lugom dong epen.

Filemon 1:25

Ngawaiki Ida Puda Yesus Krais ila makaingan dong kap wom.

Filemon 1:3

Ngawaiki Ida Tapolngon ka Pmada kap Ida Puda Yesus Krais timakai umu e tidue aitno lumu epen.

Jems 1:1

Ngong Jems ngong Ida Tapol-ngon e Ida Puda Yesus Krais urok gute bokongon ina. Ngasogo pas ane uti ke umu ka umodong ke osua songotno orwo ke osep Israel ina. Umu ka umadardar e umodong ke omur pula. Ngawai “oklou itau” ke umu.

1 Pita 1:15

Iteile Ida Tapolngon ka rere ite ila osep iye itau itau lokono e ngawaiki umodong itau itau lokono ke wan ka pula keniye ka umodue.

1 Jon 3:1

Umoklingen. Pmada lana iye ke ite omba deka sir ite titno. E lokono ite Ida Tapolngon titno ite. Osep ka taklak ina tile Ida Tapolngon kovok e ke batne langane tile ite blang kovok.

2 Jon 1:3

Ida Tapolngon ila makaingan e ila elio ka aitno due ite e ila elio ka due aitno lite epen dong kap ite. Elio tonari me ke Ida Tapolngon ka Pmada e ke Otno Arang Yesus Krais. Elio tonari batne ke pelengon lokono e ke ila elio ka due ite lana ite ke osep leklou.

Pelengon kukwopngon 2:1

Gute tonari wai langane. “Omsogo pelengon ke ensel ka dong ke sios ke Efesus. Pelengon tonari langane. Gute ka kis gigimo lumorwo ke limla odung e lila airavu ke wan lumorwo ka lam tidong ine ka tidue ke gol wai langane.

Pelengon kukwopngon 2:12

Gute tonari wai blang lang-ane. “Omsogo pelengon ke ensel ka dong ke sios ke Pergamum. Pelengon tonari langane. Gute ka kis elil omba ka ene orwo wai langane.

Pelengon kukwopngon 2:18

Deka gute wai blang lang-ane. “Omsogo pelengon ane ke ensel ka dong ke sios ke Taiataira. Pelengon tonari langane. Gute ka Ida Tapolngon Otno Arang e ka bitna bublo langka eiou bublo e kamla bublo langka bras ka osep tisabure wai langane.

Pelengon kukwopngon 2:29

Deka gute ka tala ma iye klingen pelengon ka Ano Itau wai ine ke sios.”

Pelengon kukwopngon 2:8

Gute tonari wai blang langane. “Omsogo pelengon ke ensel ka dong ke sios ke Smerna. Pelengon tonari langane. Gute ka mgongon lokono e ka batne lokono ka oglou iye mete kodong e eknikane iye poga tito ke ina denga wai langane.

Pelengon kukwopngon 22:21

Deka ngawai ke umu lang-ane. Ida Puda Yesus ila makaingan dong kap Ida Tapolngon ila osep keniye. Lokono.

Pelengon kukwopngon 3:14

Gute tonari wai blang lang-ane. “Omsogo pelengon ke ensel ka dong ke sios ke Laodisia. Pelengon tonari langane. Gute ka tisir iye Lokono e ka wai osuk e wai lokono ke Ida Tapolngon ila pelengon keniye wai langane. ‘Ngong wan ka pula keniye ka Ida Tapolngon due batne.

Pelengon kukwopngon 3:22

Deka gute ka tala ma iye klingen pelengon ka Ano Itau wai ine ke sios.”

Pelengon kukwopngon 3:7

Gute tonari wai blang langane. “Omsogo pelengon ke ensel ka dong ke sios ke Filadelfia. Pelengon tonari langane. Gute ka itau lokono e elio soulu dong ine kovok e iye wai pelengon lokono vala wai langane. ‘Ngakis Devit ila ki deka wansua ka ngakloke gute gesa karanga divae kovok e wansua ka ngadivae gute gesa karanga kloke kovok.