Pas ka Pol sogoe uti la ke osep Rom ina 1:28 - Aria New Testament

²⁸ ­E silang blang langane. Aitno lisak mter langka amtarsak uli Ida Tapolngon ma tidong itau lokono. Deka Ida Tapolngon pul dogur ke isak ma aitno lisak tipolou soulu lokono ma tidue elio bitna bitna ka Ida Tapolngon waiki osep tidue kovok.

Pas ka Pol sogoe uti la ke osep Rom ina 1:28 ပူးပေါင်းရင်းမြစ်များ

Aposel 17:23

Alo ka ngalila ke armok ane ngavati sapingen bitna bitna ka umolotuim isak. E silang blang ngavati bota gesa ka umodue elio opmu ina ine. E ke bota tonari sogongon gesa dong ka wai langane. ‘Bota ane tapolngon gesa ka ite dau iteile ine kovok ila wan.’ Umoklingen. Tapolngon are ka umeile omur ine kovok e umolotuim eknikane ma nganapapra ke umu ine.”

Aposel 17:32

Pol wai ke Yesus ina metengen e ila baulukngon e osep leklou tiwai apok ke iye. E osep leklou blang tiwai langane. “Pol imawaiki ma amparere imi ke pelengon ane blang. Imawaiki imeklingen ine blang.”

Pas ka Pol sogoe uti la ke osep Rom ina 1:18

Ida Tapolngon nis itosep kodong ma iye pagei aitno ila engil duru ke osep epmes ina. Kesua tipli ila elio itau e urok elio bitna bitna keniye tipes ila pelengon lokono.

Pas ka Pol sogoe uti la ke osep Rom ina 1:21

­Urok pelengon bure kesua oglou alo ka tile omur ke Ida Tapolngon ila elio itau ari isak tikakai angaine tito ine kovok. E silang blang langane. Lama tile omur ine isak dau tiwai itau la ine kovok kesua aitno lisak mter langka iye Inarak Tapolngon lokono kovok. Deka tipli iye vala. Deka osep tonari aitno lisak mter elio bitna bitna ka ulik ulik e tipolou manga manga isak vala. E aitno lisak mter elio soulu vala.

Pas ka Pol sogoe uti la ke osep Rom ina 1:24

Osep tonari aitno lisak soulu lokono vala e Ida Tapolngon pul dogur ke isak ma tididi aitno lisak vala. Deka tidue elio ka soulu lokono pulu langka itosep udo elio lokono kovok. Tidue elio soulu pulu ke pampamu lisak vala.

Pas ka Pol sogoe uti la ke osep Rom ina 1:26

Osep tonari tipul dogur ke Ida Tapolngon e tidue elio soulu vala. Deka iye pul dogur ke isak ma tidue elio ka soulu lokono langka ite mnak ite ine. Ari apmang tipli osep arang e tidue elio kap isak kovok. E aitno lisak la ke apmang leklou blang e tidue elio kap isak.

1 Korin 15:34

Umeile umu itau e umosongon lumu elio epmes ina bitna bitna e umodue elio itau vala. Umodue elio soulu e supmu leklou tile ke Ida Tapolngon dau kovok. Ngawai pelengon ane ke umu ma umu mnak umu ke lumu elio soulu.

2 Korin 10:5

Imomole pelengon bitna bitna ka para pulu ke Ida Tapolngon ila pelengon e pelengon ka waiki pagolgol osep aitno lisak ma tile Ida Tapolngon kovok. Limem pelengon mole osep ka aitno lisak mter pelengon ka para pulu ke Ida Tapolngon ila pelengon deka ma tini Krais.

Efesus 5:4

Umabasik pulu ke elio soulu bitna bitna sakam. Umabasik pulu ulik ulik sakam. Umawai apok ke elio soulu bitna bitna sakam. E umu ka Yesus ila osep umodue elio langane. Umawai tenkyu ke Ida Tapolngon ke wan ka iye due. Kesua iye due elio itau lokono ke umu.

2 Tesalonaika 1:8

Deka ma iye due agegeng ke osep ka tipul dogur ke Ida Tapolngon e osep ka tididi omon itau ka la ke Ida Puda kovok.

2 Timoti 3:8

Osep tonari tiwaiki tidangdang pelengon lokono eriar langka oglou gute Janes e gute Jambres tiwaiki tidangdang Moses ila pelengon. Osep tonari kaka lokono e tiyakyak alo ka tiwai aitno lisak la dagar ke Ida Tapolngon.

Taitus 1:16

Tiwai langane. “Imeile Ida Tapolngon.” E dau urok elio ka tidue iye nisngen langane. Tipul dogur ke Ida Tapolngon kodong. Tididi Ida Tapolngon ila pelengon kovok e tikaranga tididi elio itau gesa kovok. Deka Ida Tapolngon aitno engil lokono ke isak.

Filemon 1:8

Omdue elio tonari kodong e ngawaiki ngawai ke wom ke elio silang. E ke Krais ngakaranga ngawai dagar ma emdidi lou pele-ngon.

2 Pita 3:5

E osep ka tiwai langane amtarsak uli ke wan ane. Oglou oglou ari Ida Tapolngon wai deka sirva e taklak tipolou. E Ida Tapolngon due taklak polou airavu ke aki.