Pas ka Pol sogoe uti la ke osep Rom ina 1:23 - Aria New Testament

²³ Deka osep tonari tipul dogur ke Ida Tapolngon ka dong vala dong e iye karanga mete kovok. E aitno lisak la dagar ke wan bitna bitna ina sapingen langka osep e ongwa bitna bitna e monuk bitna bitna e wan bitna bitna ka tirarai ke taklak ka tikaranga timete.

Pas ka Pol sogoe uti la ke osep Rom ina 1:23 ပူးပေါင်းရင်းမြစ်များ

Aposel 10:12

Pita vati ongwa bitna bitna e wan bitna bitna ka tirarai ke taklak e monuk bitna bitna. Wan bitna bitna keniye ka iye vati tidong ke molo tonari.

Aposel 17:29

Eknikane itosep Ida Tapolngon titno ite. E aitno lite karanga mter iye sapingen gesa ka osep tidue wan langka gol e silva e opmu deka tisapi iye ine kovok. Aurou.

Pas ka Pol sogoe uti la ke osep Rom ina 1:25

Tipli Ida Tapolngon ila pelengon ka lokono e tipalele ila pelengon ke pelengon yakngan vala. Deka tilotuim wan bitna bitna ka Ida Tapolngon due e tiwaiki wan bitna bitna tonari inarak puda. Aitno lisak langane e Ida Tapolngon waiki aitno lisak langane kovok. Iye waiki osep ka pula keniye tikakai angaine vala. E aitno itau itau dong vala dong. Lokono.

1 Korin 12:2

Umeile kodong alo ka umeile ke Ida Tapolngon kovok wan gesa nak umu e umedidi sapingen ka karanga wai kovok.

1 Pita 4:3

Ke oglou kodong umodue elio epmes ina bitna bitna ka osep epmes ina tidue. Ari umodue elio epmes ina e elio ulik ulik ka pampamu lumu waiki umodue. Umeinim aki dagar ma omtomu balilu e umodue rogo ka umodue elio okwa ine. E umodue rogo omba ka umeinim aki dagar e umodue elio soulu ine. E aitno lumu la ke sapingen bitna bitna ka Ida Tapolngon aitno soulu lokono ke isak.

Pelengon kukwopngon 9:20

E osep leklou tidong ka wan eklu tonari timluk isak timete kovok. Deka tipul dogur ke wan ka tisapie ke limsak kovok. Aurou. Tibauluk aitno lisak ine kovok. Tisongon elio ka tilotuim angelo soulu e tilotuim sapingen ka osep tidue ke gol e silva e bras e opmu e akai kovok. Wan ka langane karanga vati omur kovok e karanga klingen pelengon kovok e karanga lila kovok.