Pas ka Pol sogoe uti la ke osep Rom ina 1:14 - Aria New Testament

¹⁴ Eknikane lou bokongon ka nganapapra Yesus ina basikngen ke osep epmes ina ka pula keniye dau dong e aitno lungong kro ine. Aitno lungong kro ke osep ka tidong ke armok armok e urok brokngon pula dong e osep ka isak omong aitno ina. Aitno lungong kro ke osep ka tile omur ke sogongon kodong e osep ka tile omur ke sogongon kovok.

Pas ka Pol sogoe uti la ke osep Rom ina 1:14 ပူးပေါင်းရင်းမြစ်များ

Matyu 11:25

Deka Yesus wai langane. “Livou wom ka amplau omur heven e taklak aitno lungong itau kesua omkukwop wan ane ke osep ilengen ina e osep ka tile pula e emnis isak ke osep ka isak langka agau vala.

Luk 10:21

Alo ari Ano Itau due Yesus deka aitno neser e iye wai langane. “Livou wom ka omur heven e taklak Inarak Puda ngakakai angain wom tito la egim. Kesua embisi wan ane ke osep ka urok ilengen omba koke osep ka tile omur itau e emnis isak ke agau. Livou omdue langane kesua amwaiki omdue mada ke osep e aitno lugom itau ke elio ane.”

Aposel 22:21

Ngakoli Ida Puda ila pelengon langane deka iye wai ke ngong blang langane. ‘Aurou. Amla. Ngapagei wom amla ke osep ka isak osep Yuda ina kovok ka tidong ke omur ka mawa.’”

Aposel 28:2

Alo ari osep matamur tidue mada ke imi e tikere imi itau lokono. E tires eiou ma imamarang ine kesua aragu duru e tarna limi blesim.

Aposel 28:4

Osep matamur tivati mota mana ke Pol limla e tiwai pulu langane. “Ai gute ane iye gute burwa ina gesa. Lama eknikane iye mole misuon ila elio dau vri ke iye e ngen iye.”

Aposel 9:15

Deka Ina Puda wai ke iye langane. “Aurou. Amla kesua ngarere iye ma iye polou lou gute bokongon ina. Ma iye napapra ngau basikngen ke osep pula ka isak osep Yuda ina kovok. Ma iye napapra ngau basikngen ke osep pula ka tivri mgo ke omur pula e ke osep Israel ina blang.

Pas ka Pol sogoe uti la ke osep Rom ina 1:22

Tiwai langane. “Imi osep ka imeile omur ina.” E aitno lisak kaka lokono.

Pas ka Pol sogoe uti la ke osep Rom ina 11:25

Sipmi. Ngawaiki ma umeile omur ke pelengon ka kukwop ka oglou itosep iteile ine kovok lama aitno lumu mter langka lumu ilengen omba lokono. E ma ngapalongo lumu ke pelengon ka kukwop ane. Osep Israel ina leklou tipono aitno lisak ke Ida Tapolngon ila makaingan. Tidue langane la lama Ida Tapolngon makai osep ka isak osep Yuda ina kovok ka iye rere isak ila osep kodong.

Pas ka Pol sogoe uti la ke osep Rom ina 12:16

Ma aitno lumu kene pulu. E ma aitno lumu vri ke umu vala kovok. Umepli osep ka angainsak omba kovok sakam. E aitno lumu itau ke isak vala. Ma umakakai umu tona angainmu kovok lama aitno lumu mter umu osep ka umeile omur ine.

Pas ka Pol sogoe uti la ke osep Rom ina 13:8

Umekis gute silang ila wan e batne munu pes umu sakam. Wan kene vala munu pes umu. Ma umu lana umu pulu. Kesua gute ka lana iye ke gute silang are langka iye didi Moses ila sogongon keniye.

Pas ka Pol sogoe uti la ke osep Rom ina 16:19

Umedidi Ida Tapolngon ila pelengon e osep ka pula keniye tiklingen ke lumu elio kodong. E aitno lungong itau lokono ke umu. E ngawaiki ma umeile itau lokono ke elio itau e ma umepli elio soulu.

Pas ka Pol sogoe uti la ke osep Rom ina 8:12

Sipmi. Ano Itau dong ke aitno lite ma plau ite. E Ida Tapolngon waiki ma itedidi ila plaungan vala. E iye waiki ma itedidi elio oglou ina ka dong ke pampamu lite kovok.

1 Korin 14:11

E langka ngaile gute gesa ila tokples kovok ma aitno mter lou omur batne omur silang. Deka ngong blang aitno lungong mter langka gute tonari ila omur batne omur silang blang.

1 Korin 14:16

Deka langka umawai tokples gesa ka osep tile ine kovok e umawai ke Ida Tapolngon langka aitno lumu itau ke wan gesa. E langka gute gesa dong e iye ile tokples ka umawai ine kovok lange ma iye ile langka umawai aitno lumu itau ke Ida Tapolngon ke wan gesa e iye karanga wai lokono ke lem pelengon? Kesua iye ile ke pelengon ka umawai ine kovok.

1 Korin 2:13

Imawai malak ke kerengen tonari. E limem pelengon me ke osep urok ilengen kovok. Ano Itau vala kare ke imi. E imawai pelengon tonari ke osep ka Ano Itau dong ke aitno lisak.

1 Korin 3:18

Umeile umu itau lama uma-yak umu pulu. Lama gute gesa dong airavu ke umu e ila ilengen omba ke wan ka taklak ina e aitno mter langane. “Lou ilengen omba.” Io wan ka itau iye songon ilengen tonari e ma aitno kaka ine vala. Iye due langane ma iye ile itau ke ilengen ka omba lokono.

2 Korin 10:12

Imawai imi eriar langka osep leklou ka tikakai isak tona angainsak kovok. E imawai limem elio eriar langka urok elio kovok. Aurou. Aitno lisak mter ke isak tona urok elio e isak kensak kensak tiwade isak ine. E gute kene wade ila elio kap gute silang ila elio. Osep ka tidue langane tile omur kovok.

2 Korin 11:19

Umu tona aitno lumu mter lumu ilengen ombatno e umosongon osep ka isak kaka tiwai ke umu.

Kolosi 3:11

Ida Tapolngon lua ila osep ka pula keniye ke urok mosongon oku e aitno lite langane. Langka ite leklou osep Yuda ina e ite leklou osep ka isak osep Yuda ina kovok aitno lite mter ine kovok. E langka ite leklou itedidi elio ulangngan ina e ite leklou itedidi elio ulangngan ina kovok aitno lite mter ine kovok. E langka ite leklou osep ke kantri silang koke ite leklou osep omong aitno ina aitno lite mter ine kovok. E langka ite leklou langka wokboi nating e ite leklou langka itodong fri aitno lite mter ine kovok. Aitno lite mter langane kovok kesua Krais vala dong e iye dong ke aitno lite.

2 Timoti 2:10

Osep tidue agegeng ke ngong e dau ngadong dagar ine kesua ngawaiki ngalua osep ka Ida Tapolngon rere isak ila osep. Ma Krais Yesus lua isak ke urok elio epmes ina e tidue mosongon ka dong vala dong kap iye.

Taitus 3:3

Emile oglou ite blang iteile omur ke Ida Tapolngon kovok e itotuk ila pelengon. Alo ari Satan pagolgol aitno lite deka itedidi Ida Tapolngon ila pelengon kovok. Deka itodong langka elio epmes ina plau ite e itedidi elio soulu. E aitno lite itau ke elio soulu e itedidi pampamu lite. Itedidi elio ka aitno lite amnga e aitno lite soulu ke osep leklou e itangale urok wan bitna bitna. Aitno lite engil ke osep e aitno lisak engil ke ite blang.