Pas ka Pol sogoe uti la ke osep Rom ina 1:11 - Aria New Testament

¹¹ Ngawaiki ngapolou ke umu ma Ano Itau lua ngong ma ngalua umu ke luangan gesa. Ngawaiki ma luangan tonari lua umu e due aitno lumu dagar lokono ke Ida Tapolngon.

Pas ka Pol sogoe uti la ke osep Rom ina 1:11 ပူးပေါင်းရင်းမြစ်များ

Aposel 16:5

E Ida Tapolngon ila osep keniye aitno lisak ila dagar polou dagar lokono. Ari oklou aling aling osep leklou blang aitno lisak la dagar ke Yesus e osep ka aitno lisak dagar ke iye tires tipolou pula.

Aposel 19:21

Elio tonari yagos deka Ano Itau due Pol aitno e aitno mter ke ila langan. Aitno mter langane. “Ma ngalila ke provins Masedonia e provins Akaia deka ma ngapolou ke Jerusalem e mase ma ngala ke armok Rom blang.”

Aposel 19:6

E Pol limla duru kai isak e Ano Itau duru sep ke aitno lisak. Deka tiwai tokples bitna bitna ka oglou tile ine kovok e tiwai pelengon langka osep napaprangan ina.

Pas ka Pol sogoe uti la ke osep Rom ina 1:12

E lumu elio ka aitno lumu la dagar ke Ida Tapolngon e lou elio ka aitno lungong la dagar ke Ida Tapolngon ma lua ite pulu ma due aitno lite dagar lokono.

Pas ka Pol sogoe uti la ke osep Rom ina 15:23

E eknikane lou bokongon ke omur ane yagos deka ngawaiki ngapolou ke umu. Kesua ke tobor pula kodong aitno lungong mter langka ngawaiki ngavati umu.

Pas ka Pol sogoe uti la ke osep Rom ina 15:29

E alo ka ngauti ke umu ma ngalua umu ke kerengen ka Krais lua ngong ine.

Pas ka Pol sogoe uti la ke osep Rom ina 15:32

E langka Ida Tapolngon waiki lua ngong langane ma aitno lungong itau lokono ine e ngauti ngavati umu. Deka ma ngamtong sasi boto kap umu e aitno lungong itau ine blang.

Pas ka Pol sogoe uti la ke osep Rom ina 16:25

Ma itakakai Ida Tapolngon angaine tito la egim. Kesua iye tona karanga due aitno lite ila dagar kis dagar ke Ida Tapolngon ila omon itau ka la ke Yesus Krais ka nganapapra ine. Oglou ari osep tile omur ke Ida Tapolngon ila omon itau kovok. E eknikane iteile ine kesua Ida Tapolngon lua ite ine.

2 Korin 1:15

Ngaile langare itau e ngalalo lou langan ma ngawaiki ngame ngavati umu e ma umodue kerengen aling orwo ine.

2 Korin 1:21

Ida Tapolngon due imi kap umu itodong dagar ke Krais e iye rere ite ila osep ite.

2 Korin 11:4

Ngawai langare kesua ngaile langane. Langka gute gesa me ke umu e yak umu ke basikngen silang ka la ke Yesus ma umoklingen ine e umedidie. Koke umodue ano silang ka Ano Itau kovok ma aitno lumu itau ke iye. Koke umodue omon silang ka eriar langka omon itau ka imanapapra umu ine kovok ma umoklingen ine. Ngaile osep tidue langane ke umu deka umekis dagar ine. E ngawaiki umodue langane kovok.

2 Korin 9:14

Deka osep Judia ina ma isak lana isak ke umu omba e tiwai itau ke Ida Tapolngon ke umu. Tidue langane kesua tile Ida Tapolngon makai umu omba.

Filipai 1:8

Ida Tapolngon ile ngawaiki ngavati umu lokono e ngong lana ngong omba ke umu langka Krais Yesus lana iye ke umu.

Filipai 2:26

E eknikane aitno kro ke umu e iye waiki vati umu blang kesua umoklingen omon iye paia e aitno kro ke omon ka umoklingen ine.

Filipai 4:1

Sipmi. Ngong lana ngong ke umu e ngawaiki ngavati umu kesua aitno lumu la dagar ke Yesus batne ke lou bokongon. Alo ka aitno lungong mter ke umu aitno lungong itau ke umu e aitno lungong neser ke umu. Sipmi. Ngawaiki umevri dagar ke Ida Puda vala.

1 Tesalonaika 3:13

E ke elio langane Ida Tapolngon ma due aitno lumu dong dagar lokono. Deka alo ka Ida Puda Yesus bauluk me kap ila osep ma iye vati umu umodong itau lokono. Ma umodong itau lokono e lumu elio soulu gesa vri ke umu ke Ida Tapolngon ka Pmada bitna kovok.

1 Tesalonaika 3:2

E imapagei Timoti la ke umu. Timoti iye limen aten e boko kap imi ke Ida Tapolngon ila bokongon ka imanapapra omon itau ka la ke Krais ke osep. Imapagei iye uti lumu ma iye due umu umevri dagar e aitno lumu ila dagar dong dagar.

2 Tesalonaika 2:17

E ngawaiki iye due aitno lumu tipolou dagar lokono e lua umu ma aling aling umodue elio isuk isuk ka itau e umawai pelengon ka itau vala.

2 Tesalonaika 3:3

E Ida Puda ila elio langane. Iye wai lokono deka iye didi ila pelengon. E iye ma due umu umevri dagar e plau umu ma Satan karanga due wan soulu ke umu kovok.

Hibru 13:9

Langka osep tiwai ke umu ke pelengon bitna bitna ka eriar langka omon itau kovok umosongon urok pelengon pagolgol aitno lumu kovok. Ma itosongon Ida Tapolngon ila makaingan due aitno lite ila dagar polou dagar lokono. E apu bitna bitna ka la ke ngangon karanga due ite itodong dagar kovok. Langka oglou apu tonari karanga lua osep ka tididi isak kovok.

1 Pita 5:10

Ida Tapolngon iye makaingan batne e iye gi umu ke Krais angaine ma umodong kap iye ke ila bublongon ka dong vala dong. Lama oku ane umanamani agegeng mase ma agegeng yagos e Ida Tapolngon ma due umu umodong itau blang. E iye due aitno lumu ila dagar dong dagar lokono e due umu ma umevri dagar.

1 Pita 5:12

Ngaile gute Sailas aitno ila dagar dong dagar e iye lua ngong ke pas ane. Ngasogo pas ane kesua ngawaiki ngawai ke umu ke Ida Tapolngon ila makaingan. Ngaile makaingan ane Ida Tapolngon ila makaingan ka lokono deka ngawai malak ine. Ngawaiki ngasruk aitno lumu ma umodong dagar ine.

2 Pita 1:12

Umeile pelengon tonari e umodong dagar ine kodong. Lama langane dau ngawaiki ngasruk aitno lumu ke pelengon ane ma omtomu sisir ke pelengon lokono ka umodue kodong.