Pas ka Pol sogoe uti la ke osep Rom ina 1:1 - Aria New Testament

¹ Ngong Pol ka Yesus Krais ila gute bokongon ina gesa ngasogo pas ane. Oglou Ida Tapolngon rere ngong ila aposel gesa. Iye rere ngong ma ngapaur ila omon itau ke osep pula.

Pas ka Pol sogoe uti la ke osep Rom ina 1:1 ပူးပေါင်းရင်းမြစ်များ

Mak 1:14

Alo ka osep tidue Jon la sep ke kalabus deka ari Yesus polou ke omur Galili e napapra Ida Tapolngon ila omon itau lokono ke osep.

Jon 12:26

Langka gute due lou bokongon ma iye didi ngong. E lou gute bokongon ina ma dong ke omur ka ngadong ine. Langka gute due lou bokongon ma Livou due anit ke iye.”

Jon 15:15

E oku ane ngasir umu lou osep bokongon ina kovok kesua gute bokongon ina ile wan ka ina puda due kovok. Oku ane ngasir umu lou saten e wan ka pula keniye ka ngaklingen ke Livou ngawai ine ke umu.”

Jon 15:20

Omtomu sisir lou pelengon ka ngawai ke umu langane. Gute bokongon ina mole ina puda kovok. Langka osep taklak ina tidue agegeng ke ngong ma tidue agegeng ke umu blang. E langka tididi lou pelengon ma tididi lumu pelengon blang.

Aposel 13:9

­Deka Ano Itau due Sol ka angaine silang Pol aitno deka bitna nekek dagar ke gute borou timla e wai ke iye langane.

Aposel 20:24

Lama elio soulu bitna bitna tipolou ke ngong aitno lungong mter ke ngong kovok. Aurou. Aitno lungong dagar ma ngadue bokongon ka Ida Puda Yesus kare ke ngong e ngawaiki ngaboko ine vala. Iye kar bokongon ke ngong ma nganapapra ila omon itau ka didi Ida Tapolngon ila makaingan.”

Aposel 21:40

Osep ola ina inarak plau-ngan ka mgo klingen Pol ila pelengon deka koli wai langane. “Ma amwai ke isak.” Deka Pol vri ke singen e kamudu osep ka tivri moli e isak keniye tiwai kovok deka iye wai ke isak ke pelengon Hibru langane.

Aposel 22:21

Ngakoli Ida Puda ila pelengon langane deka iye wai ke ngong blang langane. ‘Aurou. Amla. Ngapagei wom amla ke osep ka isak osep Yuda ina kovok ka tidong ke omur ka mawa.’”

Aposel 22:7

E ngagene ke taklak e ngaklingen gute gesa wai langane. ‘Sol Sol ina lange omdue agegeng ke ngong?’

Aposel 26:1

E Agripa wai ke Pol langane. “Amwai ke imi ke lem pelengon ma imeklingen ine.” Deka Pol kamadu isak e wai ke isak ke ila elio langane.

Aposel 26:14

E ngagosok sipmi imegene ke taklak e ngaklingen gute gesa wai ke ngong ke pelengon Hibru langane. ‘Sol Sol ina lange omdue agegeng ke ngong? Ane langka omuri kevep ke akai ka bitna tei e omdue pogle ke wom tona vala.’

Aposel 27:23

Ngawai langane kesua ke epmes Ngau Tapolngon ka iye ngau gute e ka ngalotuim iye pagei ila ensel gesa polou ke ngong e vri ke galna lungong.

Aposel 9:15

Deka Ina Puda wai ke iye langane. “Aurou. Amla kesua ngarere iye ma iye polou lou gute bokongon ina. Ma iye napapra ngau basikngen ke osep pula ka isak osep Yuda ina kovok. Ma iye napapra ngau basikngen ke osep pula ka tivri mgo ke omur pula e ke osep Israel ina blang.

Pas ka Pol sogoe uti la ke osep Rom ina 1:16

Eknikane ngong mnak ngong ke Ida Tapolngon ila omon itau kovok. Aurou. Aitno lungong dagar lokono ine vala. Ida Tapol-ngon ila omon itau ila arit karanga lua osep keniye ka aitno lisak dagar ine. Ida Tapolngon ila omon itau me ke itosep Yuda ina mgo. Mase omon tonari la polou ke osep ka isak osep Yuda ina kovok.

Pas ka Pol sogoe uti la ke osep Rom ina 1:5

E silang blang langane. Ida Tapolngon makai imi e rere imi ma imi ila aposel leklou batne Yesus dong. Iye rere imi ma imapaur ila omon itau la ke osep ka pula keniye ka tidong ke omur pula. Iye rere imi kesua iye waiki ma osep ka pula keniye aitno lisak la dagar ke ila pelengon e ma tididie.

Pas ka Pol sogoe uti la ke osep Rom ina 1:9

Eknikane aitno lu-ngong la dagar ke Ida Tapolngon lokono deka ngaboko dagar lokono ma ngapaur ila omon itau ka la ke Otno Arang Yesus la ke osep pula. Ida Tapolngon ile omur oklou aling aling ngawai itau ke iye e ngapmi iye ma iye lua umu. E ngapmi iye ma iye didi aitno e lua ngong blang ma mase ngapolou ke umu.

Pas ka Pol sogoe uti la ke osep Rom ina 11:13

Deka ngawaiki ngawai ke umu ka osep Yuda ina kovok langane. Ida Tapolngon rere ngong ila aposel gesa ma ngala nganapapra ke osep ka isak osep Yuda ina kovok. E ngakakai Ida Tapolngon angaine tito ine kesua batne ke bokongon ka iye kare ke ngong.

Pas ka Pol sogoe uti la ke osep Rom ina 15:16

Ma ngadong langka Krais Yesus ila gute bokongon ina gesa e ngaboko ke osep ka isak osep Yuda ina kovok. Ke bokongon tonari ka ngadue nganapapra Ida Tapolngon ila omon itau ke isak. Ngadong langka gute loulou ina gesa e ma ngapaur omon itau ke osep ka isak osep Yuda ina kovok. Ma tipolou langka Ida Tapolngon ila osep ka itau ka aitno itau ke isak. Deka Ida Tapolngon Ano Itau due isak tipolou langka Ida Tapolngon ila osep ka itau lokono.

Pas ka Pol sogoe uti la ke osep Rom ina 15:29

E alo ka ngauti ke umu ma ngalua umu ke kerengen ka Krais lua ngong ine.

Pas ka Pol sogoe uti la ke osep Rom ina 16:18

Osep tonari tididi Ida Puda Krais ila elio kovok. Aurou. Isak langka wokboi nating ka tididi pampamu lisak vala. E ke urok pelengon ka dikngen e urok pelengon ka timter osep aitno lisak ine tiyakyak osep vala. Kesua tiwaiki ma osep aitno lisak la dagar ke urok pelengon. Deka ma osep ka tile isak itau lokono kovok ma aitno lisak dagar ke urok pelengon.

Pas ka Pol sogoe uti la ke osep Rom ina 16:25

Ma itakakai Ida Tapolngon angaine tito la egim. Kesua iye tona karanga due aitno lite ila dagar kis dagar ke Ida Tapolngon ila omon itau ka la ke Yesus Krais ka nganapapra ine. Oglou ari osep tile omur ke Ida Tapolngon ila omon itau kovok. E eknikane iteile ine kesua Ida Tapolngon lua ite ine.

1 Korin 1:1

Ngong Pol ka Ida Tapolngon didi aitno e rere ngong Krais Yesus ila aposel gesa. Ngong imorwo udo aten Sostenes imosogo pas ane.

1 Korin 9:1

Lange? Wan gesa dong ka plau ngong? Ngong aposel koke aurou? Koke lange? Ngavati Ida Puda Yesus koke aurou? Ngadue Ida Puda ila bokongon e umopolou osep Kristen ke lou bokongon koke aurou?

2 Korin 1:1

Ngong Pol ngong Krais Yesus ila aposel gesa. Ida Tapolngon didi aitno e rere ngong aposel. Ngong imorwo udo aten Timoti imosogo pas ane uti ke umu ka pula keniye ka umodong ke Ida Tapolngon ila sios ke Korin kap Ida Tapolngon ila osep ke armok keniye ke provins Akaia.

2 Korin 11:5

Umawai osep tonari isak lumu aposel ka angainsak omba lokono e isak osep aposel lokono kovok. E aitno lungong langka timole ngong kovok.

2 Korin 11:7

Alo ka nganapapra Ida Tapol-ngon ila omon itau ke umu io umekli ngong ine kovok. Ngapes ngong tona ma ngakaranga ngadue anit ke umu. Aitno lumu lange? Lou elio tonari elio soulu?

2 Korin 12:11

Ngawai langka gute ka kaka e batne ke umu. Umakakai angain ngong ke lou elio kovok deka ngong tona ngakakai angain ngong. Ngong langka gute adai vala e dau ngamole osep ka uma-wai isak lumu osep aposel ka angainsak omba lokono.

2 Korin 2:12

Oglou alo ka ngapolou ke Troas ma nganapapra Krais ila omon itau Ida Puda klok ekreng kodong ma ngadue bokongon tonari.

2 Korin 4:5

E imanapapra ke limem elio kovok. Aurou. Imanapapra langane. Krais Yesus iye Ida Puda e imi lumu osep bokongon ina batne ke Yesus.

Galesia 1:1

Ngong Pol ka aposel gesa. Osep tipagei ngong koke tidue ngong ma ngaboko ke osep aposel urok bokongon kovok. Aurou. Ngaboko langane kesua Ida Puda Yesus Krais kap Ida Tapolngon ka Pmada tirere ngong aposel. Ida Tapolngon tona iye gute ka due Krais mole ina denga.

Efesus 1:1

Ngong Pol ka Ida Tapolngon rere ngong Krais Yesus ila aposel gesa e ngasogo pas ane. Ngasogoe uti la ke umu ka Ida Tapolngon ila osep ka umodong dagar lokono ke Krais Yesus ka umodong ke armok Efesus.

Efesus 1:13

E umu blang alo ka umo-klingen Ida Tapolngon ila pelengon lokono ka omon itau aitno lumu la dagar ine. Deka Ida Tapolngon lua umu ke lumu elio epmes ina e umeneklep ke Krais. Deka iye tuk Ano Itau me dong ke aitno lumu. Are eriar langka nisngen umu ila osep umu langka oglou iye wai dagar ine.

Efesus 4:11

Krais tona lua osep ke ila kerengen. Iye rere osep leklou ma isak osep aposel. E iye rere osep leklou ma isak osep napaprangan ina. E iye rere osep leklou ma tinapapra Ida Tapolngon ila omon itau ke omur omur. E iye rere osep leklou ma tiplau Yesus ila osep e ma tiparere isak ke ila pelengon.

Filipai 1:1

Ngong Pol imorwo Timoti imi Krais Yesus ila osep bokongon ina. E imosogo pas ane uti la ke umu ka Krais Yesus ila osep ka umodong ke armok Filipai kap osep plaungan ina e osep luangan ina ka tilua Ida Tapolngon ila osep.

Filipai 2:11

E ma tipalongo urok malak langane. Yesus Krais iye osep Inarak Puda. E elio langane kakai Ida Tapolngon ka Pmada angaine tito la egim.

Kolosi 1:1

Ngong Pol e ngong Yesus Krais ila aposel gesa. Ke Ida Tapolngon aitno iye rere ngong gute aposel. Ngong imorwo Timoti ka iye sudo gesa imosogo pas ane.

Kolosi 1:25

Ida Tapolngon rere ngong e ngapolou sios ina gute bokongon ina ma ngalua umu. E lou bokongon dong ka nganapapra Ida Tapolngon ila pelengon keniye.

1 Tesalonaika 2:2

Umeile alo ka imeme ke umu dau kovok imodong ke Filipai. E are osep tidue agegeng ke imi e tiwai soulu ke imi. E alo ka imeme ke umu osep pula tiwaiki tidangdang imi ma imanapapra Ida Tapolngon ila omon itau ke umu kovok. E dau Ida Tapolngon due aitno limi dagar lokono e imevri dagar e imanapapra omon itau ke umu.

1 Tesalonaika 2:8

Imi lana imi omba ke umu deka imawaiki imanapapra Ida Tapolngon ila omon itau ke umu. E silang blang langka osep tiwaiki tidue agegeng ke imi aitno limi kro ine kovok. Kesua aitno limi itau lokono ke umu.

1 Tesalonaika 2:9

Sipmi. Omtomu sisir ke bokongon engil ka imodue alo ka imodong kap umu. Imoboko engil lokono ke oklou e epmes ke wan ka imodue burong ine ma imakaranga imekli limem wan bitna bitna kesua imawaiki imodue elio ka opru umu kovok alo ka imanapapra Ida Tapolngon ila omon itau.

1 Timoti 1:1

Ngong Pol ka Krais Yesus rere ngong ila aposel gesa. Ida Tapolngon lua ite ke udo elio epmes ina e itapara ke Krais Yesus ma itavati iye e itodong kap iye.

1 Timoti 2:7

Ke batne langane Ida Tapolngon rere ngong ma ngapolou ila aposel gesa. E ngaboko ma nganapapra ila omon itau ke osep ka isak osep Yuda ina kovok e ngaparere isak ine. Ma aitno lisak la dagar ke Krais e ma tile ke ila pelengon ka lokono. Ngawai lokono e ngayakyak kovok.

2 Timoti 1:11

Ida Tapolngon rere ngong ila aposel gesa ma nganapapra ila omon itau e ngaparere osep ine.

Taitus 1:1

Ngong Pol ngong Ida Tapol-ngon ila gute bokongon ina gesa e ngong Yesus Krais ila aposel gesa. Iye rere ngong e pagei ngong ngala ngadue osep ka Ida Tapolngon rere isak ila osep ma aitno lisak ila dagar dong dagar. Deka ngadue isak ma tile omur ke pelengon lokono e aitno lisak la dagar ine e tididi Ida Tapolngon ila elio itau.

Hibru 5:4

Langka gute polou gute loulou ina ka mgo iye rere iye tona ine kovok. Aurou. Ida Tapolngon vala rere gute tonari eriar langka oglou iye rere Aron.

Hibru 7:26

Yesus iye udo gute loulou ina ka karanga lua ite ke udo elio isuk isuk keniye. Iye due elio itau vala e elio soulu gesa vri ke iye kovok. E Ida Tapolngon vati iye dong itau lokono vala. Ida Tapolngon due tito la ke omur heven e iye dong mawa ke osep epmes ina.

Jems 1:1

Ngong Jems ngong Ida Tapol-ngon e Ida Puda Yesus Krais urok gute bokongon ina. Ngasogo pas ane uti ke umu ka umodong ke osua songotno orwo ke osep Israel ina. Umu ka umadardar e umodong ke omur pula. Ngawai “oklou itau” ke umu.

1 Pita 4:17

Taim ka Ida Tapolngon wade osep urok elio isuk isuk polou kodong. E mgo iye wade ila osep urok elio isuk isuk. Deka mase ma iye wade osep ka aitno lisak dagar ke omon itau kovok. Deka lange? Langka iye wade ila osep paide deka wansua ma polou ke osep ka aitno lisak dagar ke iye kovok?

2 Pita 1:1

Ngong Saimon Pita ngong Yesus Krais ila wokboi nating e ila aposel gesa. Iye Ida Tapolngon e Ida Luangan blang. Iye due elio itau e osuk e kar ila elio tonari ke ite ma aitno lite la dagar ine. Ngasogo pas ane uti ke umu ka aitno lumu ila dagar eriar langka aitno limi ila dagar.

Pas ka Jut sogoe 1:1

Ngong Jut e ngong Yesus Krais ila wokboi nating e ngong Jems ina aiver. Ngasogo pas ane uti ke umu ka Ida Tapolngon rere umu ila osep umu. Ngaile Ida Tapolngon ka Pmada lana iye ke umu e Yesus Krais plau umu itau.

Pelengon kukwopngon 1:1

Pelengon ka oglou dong kukwop eknikane Yesus Krais due polou malak. Ida Tapolngon palongo pelengon tonari ke Yesus ma iye palongo ila osep wokboi nating ke wansua ka ma polou. Deka Yesus pagei ila ensel gesa me kar pelengon tonari ke ngong Jon ka ngong ila wokboi nating.

Pelengon kukwopngon 22:6

Ensel tonari wai ke ngong langane. “Pelengon ane lokono lokono e osep ka pula keniye aitno lisak karanga la dagar ine.” Ida Tapolngon ka iye Ida Puda blang sruk osep napaprangan ina aitno lisak e iye pagei ila ensel ma iye nis ila osep bokongon ina ke wan ka isuk boto ma polou.

Pelengon kukwopngon 22:9

Deka iye wai ke ngong langane. “Omdue langane sakam. Kesua ngong Ida Tapolngon ila gute bokongon ina langka wom e langka lem osua ka isak osep napaprangan ina e langka osep leklou blang ka tididi pelengon ane. Omlotuim Ida Tapolngon vala.”