Matyu 9:6 - Aria New Testament

⁶ E ma nganis umu Gute Ka Polou Langka Osep due arit ma iye karanga sak osep urok elio epmes ina ke taklak ane.” Deka Yesus wai ke gute langane. “Emtito omdue lem omoi e amla ke lem ninu.”

Matyu 9:6 ပူးပေါင်းရင်းမြစ်များ

Matyu 4:24

E omon ke wan ka Yesus due la ke provins Siria ka pula keniye. E osep tikalke osep ka wan sasi due isak ke iye. Langka osep ka paiangan bitna bitna due isak e osep ka tarna lisak doro doro e osep ka angelo soulu due isak e osep ka tipaia e tigene e tinakarkar adai e osep ka kamsak e limsak timete. E Yesus due osep tonari tipolou itau blang.

Matyu 8:20

E Yesus koli wai langane. “Pokis tidong ke urok ovuk ke taklak e monuk tidong ke urok onuk e ngong Gute Ka Polou Langka Osep lou omur ka ngamunu ine dong ke taklak ane kovok.”

Matyu 9:2

E osep tipaur gute ka kamla e limla timete ka iye munu ke omoi ke Yesus. Alo ka Yesus vati osep aitno lisak ila dagar iye wai ke gute tonari langane. “Lou aten aitno lugom kro kovok. Ida Tapolngon sak lem elio epmes ina kodong.”

Matyu 9:5

Pelengon lange opru ngong kovok? Ngakaranga ngawai ke gute ‘Ida Tapolngon sak lem elio epmes ina’ koke ngakaranga ngawai ‘emtito emlila’?

Matyu 9:7

Deka gute tonari tito e la ke ila ninu.

Mak 2:10

Ngawaiki umeile omur ngong ka Gute Ka Polou Langka Osep lou arit dong ke ngong e alo ka ngadong ke taklak ane ngakaranga ngasak osep urok elio epmes ina tinoklok la.” Iye wai ke osep tonari langane deka wai ke gute ka kamla e limla timete langane.

Mak 2:7

“Ina lange gute ane wai langane? Iye wai soulu ke Ida Tapolngon kesua Ida Tapolngon vala karanga sak osep urok elio epmes ina tinoklok la.”

Luk 5:21

Iye wai langane deka osep Farisi ina e osep ka tile itau ke Moses ila sogongon aitno lisak mter ine e tiwai pulu langane. “Gute ane gute sei ma iye wai soulu ke Ida Tapolngon ila elio? Ida Tapolngon vala karanga sak osep urok elio epmes ina.”

Jon 10:28

E ngakar isak mosongon ka dong vala dong e ma timete kovok e gute kene karanga pi isak ke lungu kovok.

Jon 17:2

Kesua amkar arit ke ngong ma ngaplau osep ka pula keniye ma ngakaranga ngakar mosongon ka dong vala dong ke osep ka amkar isak ke ngong.

Jon 5:27

E iye kar arit ke ngong ma ngawade osep urok elio kesua ngong Gute Ka Polou Langka Osep.

Jon 5:8

Deka Yesus wai ke iye langane. “Emtito e amkalke lem omoi e emlila amla.”

Aposel 5:31

Deka Ida Tapolngon kakai iye dong ke limla odung. Iye due Yesus mgo ke ite e due polou Ida Luangan ka karanga lua itosep Israel ina ma itabauluk aitno lite ke udo elio epmes ina e due udo elio epmes ina vri ke ite kovok.

Aposel 9:34

Deka Pita wai ke iye langane. “Ainas Yesus Krais lua wom e due kevep tipolou itau blang e oku ane emtito emkere lem kova.” Iye wai langane deka lokono Ainias tito vri.

2 Korin 2:10

Deka langka umasak gute ila elio soulu ka iye due ke umu ma ngasake blang. E langka osep tidue elio langane e ngasake deka ke Krais bitna ngasake ma ngalua umu ine.

2 Korin 5:20

Deka imi Krais ila osep meriang ina. Are langka Ida Tapolngon wai ke osep ke epmi. Deka imepmi umu dagar ke Krais angaine ma aitno lumu kene kap Ida Tapolngon.

Efesus 4:32

Umodue elio itau vala ke osep e umodue mada ke isak ma aitno lumu itau pulu. Umasak elio soulu ka osep tidue ke umu eriar langka Ida Tapolngon sak lumu elio soulu e klok lumu elio epmes ina. Kesua Krais dong.

Kolosi 3:13

Umodue elio itau ke osep ka tidue elio soulu ke umu e langka gute due elio soulu ke umu deka umu kenmu kenmu umasak ila elio soulu ka iye due. Umasak osep urok elio soulu eriar langka oglou Ida Puda sak lumu elio epmes ina.