Matyu 9:37 - Aria New Testament

³⁷ E iye wai ke ila disaipel ke pelengon ano langane. “Ngangon pula ka anino dong ke yage e osep awal boto vala tidong ma tipi ngangon tonari.

Matyu 9:37 ပူးပေါင်းရင်းမြစ်များ

Matyu 20:1

Yesus wai pelengon ano langane. “Omur heven ka Ida Tapolngon plaue dong langane. Ke oklou kene ke 6 kilok ke kotkotu gute gesa la ke bilmu e waiki due osep ma tiboko ke ila yage galou wain ina.

Matyu 28:19

Deka umala ke omur ka pula keniye ke taklak e umodue osep tipolou lou disaipel e umapaunim isak ke Upu Tapolngon ka Pmomu angaine e Upu Tapolngon Otno Arang angaine e Ano Itau angaine.

Matyu 9:38

Umepmi Upu Puda ka plau ngangon ina pingen ma iye pagei osep bokongon ina kla ma tipi ngangon tonari.”

Mak 16:15

Deka Yesus wai ke isak langane. “Umala ke omur ka pula keniye ke taklak e umanapapra Ida Tapolngon ila omon itau ke osep ka pula keniye.

Luk 10:2

E iye wai ke isak langane. “Ngangon pula ka anino dong ke yage e osep awal boto vala tidong ka tikaranga tidue ngangon tonari. Umepmi Upu Puda ka plau ivungon ma iye pagei osep bokongon ina isak kla tidue ngangon tonari.

Luk 24:47

E osep ma tinapapra ila pelengon ke osep ka pula keniye. Ma tinogrum ke Jerusalem e kla ke omur ka pula keniye. Ma tinapapra langane. ‘Umabauluk aitno lumu e aitno lumu la dagar ke Ida Tapolngon e ma iye sak lumu elio epmes ina la.’

Aposel 16:9

Isak tidong ke Troas deka ke epmes Pol vati ano e gute gesa vri e gi ke iye langane. “Pol omo omlua imi ka provins Masedonia ina.”

Aposel 18:10

Kesua ngadong kap wom e gute kene gesa dong ka karanga paiavu wom kovok. Aurou. Osep pula ka tidong ke armok ane isak ngau osep.”

1 Korin 3:9

Imorwo Ida Tapolngon ila osep bokongon ina. E umu langka Ida Tapolngon ila yage. E umu blang langka Ida Tapolngon ila ninu.

2 Korin 6:1

Imoboko kap Ida Tapolngon e ila makaingan polou ke umu deka imawaiki imawai dagar ke umu langane. Umeile umu itau lama aitno lumu mter ila makaingan wan adai vala.

Kolosi 4:11

Gute Jisas ka angaine silang Jastus wai “oklou itau” ke umu blang. Isak eklu isak osep Yuda ina vala ka tilua ngong ke lou bokongon ke omur ane e tilua ngong itau ine. Imoboko ma elio ka Ida Tapolngon vri mgo ke omur omur polou.

1 Timoti 5:17

Umu ma umakar osep plaungan ina inarak klingen ke bokongon itau ka tidue. Osep ka tidue wan langane. Osep ka tiplau sios itau e tinapapra osep ke Ida Tapolngon ila pelengon e tiparere isak ke lana ine.

Jems 5:4

Umoklingen lou pelengon ane. Umekli osep ka tipi ngangon ke lumu yage itau kovok. E umekis urok klingen leklou e umakare ke isak kovok. Osep tonari tiwai ke urok klingen e Ida Puda ka ila arit ombatno lokono klingen urok pelengon.