Matyu 9:35 - Aria New Testament

³⁵ Yesus la ke armok omba e armok daudeng keniye ke omur Israel. Iye parere isak ke urok duningen ina ninu e napapra omon itau ka la ke omur ka Ida Tapolngon plaue. E iye due osep keniye ka paiangan bitna bitna tidue isak e ka pampamu lisak soulu tipolou itau blang.

Matyu 9:35 ပူးပေါင်းရင်းမြစ်များ

Matyu 10:1

Yesus gi ke ila disaipel songotno orwo e kar isak arit ma tikaranga tisapir angelo soulu e tidue osep ka tipaia e tarna lisak sasi tipolou itau blang.

Matyu 11:1

Yesus palongo ila disaipel songotno orwo ke pelengon tonari yagos deka iye la e nogrum parere osep e napapra ke armok armok ke omur are.

Matyu 11:5

Osep ka amtarsak evin tikaranga tivati omur blang e osep ka kamsak timete tikaranga tilila blang. Osep ka paiangan lepra due isak tipolou itau blang e osep ka tikaranga tiklingen pelengon kovok tikaranga tiklingen blang. Osep ka timete kodong tipoga tidong blang e osep ka urok wan isuk boto vala tiklingen omon itau.

Mak 1:14

Alo ka osep tidue Jon la sep ke kalabus deka ari Yesus polou ke omur Galili e napapra Ida Tapolngon ila omon itau lokono ke osep.

Mak 6:56

Deka alo ka iye polou ke armok daudeng koke armok omba koke omur pula ka lelei isak iye lua osep ka tipaia. Deka tipaur osep pula ka tipaia ma time ke urok omur ka tidue bilmu ine e timunu ine. E tikel iye ma iye songon isak ma tikaranga tikai ila molo ene. Deka osep ka pula keniye ka tikai ila molo inarak paiangan yagos e tipolou itau blang.

Mak 6:6

Iye vati urok elio tonari deka aitno mter pula ine. Kesua osep tonari aitno lisak dagar ke iye kovok. Deka iye lila la ke armok pula vala e parere osep pula.

Luk 13:22

E Yesus lila la ke armok omba e armok daudeng e due ila langan la ke Jerusalem. E alo ka iye lila la iye parere osep.

Aposel 10:38

Alo ari Ida Tapolngon due Ano Itau sep ke Yesus ka Nasaret ina aitno e kar iye ila arit. Deka iye lila due elio itau e lua osep ka angelo soulu due isak manga manga. Iye due elio langane kesua Ida Tapolngon dong kap iye.

Aposel 2:22

Pita wai Joel ila pelengon yagos deka wai langane. “Umu ka osep Israel ina umoklingen lou pelengon ane. Oglou gute Yesus ka Nasaret ina dong kap umu. E Ida Tapolngon aitno kene ke iye deka lua iye ke ila elio arit ina. Deka iye due elio arit ina pula ke omtomu e Ida Tapolngon nis umu malak ine.