Matyu 9:22 - Aria New Testament

²² Iye kaie deka Yesus bauluk e vati apmang tonari e iye wai ke iye langane. “Aitno lugom kro kovok. Aitno lugom ila dagar due wom ompolou itau blang oku ane.” E lokono iye polou itau blang.

Matyu 9:22 ပူးပေါင်းရင်းမြစ်များ

Matyu 15:28

Deka Yesus koli wai ke iye langane. “Apmang aitno lugom ila dagar omba e ma ngadue wan ka amwaiki ngadue.” E lokono otopmang polou itau blang.

Matyu 17:18

E Yesus wai dagar ke angelo soulu ka dong ke agau ma songon iye e lokono agau polou itau blang.

Matyu 8:13

Deka Yesus wai ke gute plaungan ina langane. “Amla ke lem ninu kesua aitno lugom ila dagar due wan ka empmi ngong ine polou kodong.” E ila gute bokongon ina polou itau blang ke aua ari.

Matyu 9:2

E osep tipaur gute ka kamla e limla timete ka iye munu ke omoi ke Yesus. Alo ka Yesus vati osep aitno lisak ila dagar iye wai ke gute tonari langane. “Lou aten aitno lugom kro kovok. Ida Tapolngon sak lem elio epmes ina kodong.”

Matyu 9:29

Deka Yesus kai amtarsak e wai langane. “Ngadue umu umopolou itau blang batne ke aitno lumu ila dagar.”

Mak 10:52

Deka Yesus koli wai langane. “Amkaranga amla. Kesua aitno lugom ila dagar me dagar ke ngong deka ngalua wom ine.” Yesus wai langane deka lokono gute tonari bitna tipolou itau blang e iye karanga vati omur. Deka iye didi Yesus e isak kla tididi ekreng tonari.

Mak 5:34

Yesus klingen ila pelengon deka koli wai ke iye langane. “Erigu apmang ngalua wom ke ngap paiangan kesua batne ke aitno lugom ila dagar. Aitno lugom epen vala e amla omdong itau vala.”

Luk 17:19

Deka Yesus wai ke gute tonari langane. “Emtito e amla. Aitno lugom ila dagar due wom ompolou itau blang.”

Luk 18:42

E Yesus wai ke iye langane. “Aitno lugom ila dagar due wom ompolou itau blang e oku ane amkaranga amvati omur blang.”

Luk 7:50

E Yesus wai ke apmang tonari langane. “Aitno lugom ila dagar lua wom ke lem elio epmes ina kodong. Amla e aitno lugom epen.”

Luk 8:48

E Yesus wai ke apmang tonari langane. “Aiya aitno lugom ila dagar due wom ompolou itau blang. Amla e aitno lugom epen.”

Jon 4:53

Deka mimi ina abo ile aua ari iye alo ka Yesus wai ma otno arang polou itau blang. E iye kap osep ka tidong kap iye ke ila ninu aitno lisak la dagar ke Ida Tapolngon.

Aposel 14:9

Iye dong e klingen Pol ila pelengon deka Pol bitna nekek dagar ke gute tonari. Deka iye ile omur gute aitno dagar ma iye karanga lua iye ma kamla polou itau.

Aposel 16:18

Oklou pula apmang ane due elio langane la lama oklou gesa Pol aitno soulu lokono ine. Deka iye bauluk e wai dagar ke angelo soulu ka dong ke apmang tonari langane. “Yesus Krais ila arit due wom deka omsongon apmang ane e amla.” Pol wai langane deka lokono angelo soulu songon apmang tonari e la.

Hibru 4:2

E iteklingen Ida Tapolngon ila omon itau langka oglou osep Israel ina tiklingen ine. Tiklingen ine e dau aitno lisak la dagar ine kovok deka pelengon tonari lua isak kovok.