Matyu 9:2 - Aria New Testament

² E osep tipaur gute ka kamla e limla timete ka iye munu ke omoi ke Yesus. Alo ka Yesus vati osep aitno lisak ila dagar iye wai ke gute tonari langane. “Lou aten aitno lugom kro kovok. Ida Tapolngon sak lem elio epmes ina kodong.”

Matyu 9:2 ပူးပေါင်းရင်းမြစ်များ

Matyu 14:27

E suong Yesus wai ke isak langane. “Ngong tona ane. Aitno lumu epen e anmu nesik sakam.”

Matyu 4:24

E omon ke wan ka Yesus due la ke provins Siria ka pula keniye. E osep tikalke osep ka wan sasi due isak ke iye. Langka osep ka paiangan bitna bitna due isak e osep ka tarna lisak doro doro e osep ka angelo soulu due isak e osep ka tipaia e tigene e tinakarkar adai e osep ka kamsak e limsak timete. E Yesus due osep tonari tipolou itau blang.

Matyu 6:12

Amsak limem elio soulu e omlua imi ma imasak elio soulu ka osep tidue ke imi.

Matyu 8:10

Yesus klingen gute plaungan ina ila pelengon e iye digrik ine. E iye bauluk e wai ke osep ka tididi iye langane. “Ngawai lokono ke umu. Ke omur Israel ngapado gute kene vala kovok ka aitno ila dagar langka gute ane aitno ila dagar.

Matyu 8:16

Ke kirui osep tipaur osep pula ka angelo soulu dong ke isak ke Yesus e iye wai vala e sapir angelo soulu ke osep tonari. E iye due osep ka tipaia tipolou itau blang.

Matyu 9:22

Iye kaie deka Yesus bauluk e vati apmang tonari e iye wai ke iye langane. “Aitno lugom kro kovok. Aitno lugom ila dagar due wom ompolou itau blang oku ane.” E lokono iye polou itau blang.

Matyu 9:5

Pelengon lange opru ngong kovok? Ngakaranga ngawai ke gute ‘Ida Tapolngon sak lem elio epmes ina’ koke ngakaranga ngawai ‘emtito emlila’?

Matyu 9:6

E ma nganis umu Gute Ka Polou Langka Osep due arit ma iye karanga sak osep urok elio epmes ina ke taklak ane.” Deka Yesus wai ke gute langane. “Emtito omdue lem omoi e amla ke lem ninu.”

Mak 1:32

Kirui alo ka oklou duru Yesus dau dong ke ninu tonari. E osep tipaur osep pula ka tipaia e osep ka angelo soulu dong ke isak time tipolou ke iye ma iye lua isak ke inarak paiangan.

Mak 10:49

Gute tonari due elio langane deka Yesus lila kovok e vri e wai langane. “Umegi gute tonari ma me polou ke ngong.” Deka osep tigi ke gute ka bitna evin e tiwai ke iye langane. “Oka aitno lugom itau e emtito. Yesus gi wom ma amla ompolou ke iye.”

Mak 5:34

Yesus klingen ila pelengon deka koli wai ke iye langane. “Erigu apmang ngalua wom ke ngap paiangan kesua batne ke aitno lugom ila dagar. Aitno lugom epen vala e amla omdong itau vala.”

Mak 6:50

Kesua alo ka tivati iye tidigrik ine e ansak nesik. Deka lokono Yesus wai ke isak langane. “Anmu nesik sakam. Umoulou tarna lumu sakam. Wan ka umavati ane iye ngong.”

Jon 16:33

Ngawai pelengon ane ke umu ma aitno lumu karanga tidong epen batne ke ngong. Ke taklak ane ma umanamani elio soulu e dau aitno lumu tidong dagar kesua ngamole osep ka pula keniye ka tidong ke taklak.”

Jon 2:25

E iye ile wansua ka dong ke osep aitno lisak kodong. E ke batne langane gute kene dong ma lua iye ma iye ile osep urok elio kovok.

Jon 21:5

E iye wai ke isak langane. “Lou saten umodue lodu koke aurou?” Deka tikoli tiwai ke iye langane. “Aurou. Imodue lodu kovok.”

Aposel 14:9

Iye dong e klingen Pol ila pelengon deka Pol bitna nekek dagar ke gute tonari. Deka iye ile omur gute aitno dagar ma iye karanga lua iye ma kamla polou itau.

Aposel 19:12

E osep pula tidue urok hankisip e molo daudeng tikai Pol tarna deka tikalke ke osep ka tipaia e ke osep ka angelo soulu dong ke aitno lisak. Deka hankisip e molo daudeng due osep ka tipaia inarak paiangan yagos e angelo soulu tisongon osep kla.

Aposel 23:11

Pol dong ke ninu tonari la lama epmes deka Ida Puda vri ke galna e wai ke iye langane. “Wom arit wom vala e emlim kovok. Eriar langka ampalongo osep ke ngong ke Jerusalem ane ma amla ampalongo langane ke Rom blang.”

Pas ka Pol sogoe uti la ke osep Rom ina 5:11

E silang blang langane. Aitno lite itau lokono ke Ida Tapolngon. Kesua iye due mada ke ite e itopolou sisrok batne ke Ida Puda Yesus Krais.

Jems 2:18

Osep leklou ma tiwai lang-ane. “Gute kene aitno ila dagar la ke Ida Tapolngon e ngadue elio isuk isuk ka itau.” E ngawai ke osep orwo tonari langane. Langka gute ka wai aitno la dagar ke Tapolngon e due elio isuk isuk ka itau kovok lange ma iteile malak ke aitno ila dagar? E gute ka due elio isuk isuk ka itau batne aitno la dagar ke Ida Tapolngon deka iteile malak ke aitno ila dagar.