Matyu 9:15 - Aria New Testament

¹⁵ Yesus koli wai ke isak langane. “Langka isuk boto gute ma gi io ila saten tipli inarak ngangon alo ka gute dong kap isak kovok. E mase ma osep tidue gute tonari la e iye dong kap isak kovok deka ma tipli inarak ngangon.”

Matyu 9:15 ပူးပေါင်းရင်းမြစ်များ

Matyu 9:14

Oklou kene Jon ila disaipel leklou time e tipmi Yesus langane. “Ina lange aling kene kene imi e osep Farisi ina imepli ipem ngangon ma aitno limi la ke Ida Tapolngon e lem disaipel tidue langare kovok?”

Matyu 9:16

“Langka molo oglou ina nabak osep tisisir molo arlak ka oku ina ine kovok. Kesua alo ka tigrong molo deka arlak ka oku ina polou daudeng e bak molo e ovuk ka oku mole ovuk ka oglou dong.

Mak 2:19

Osep tonari tiwai langane deka Yesus koli wai ke isak langane. “Langka gute gesa waiki gi deka alo ka iye dau dong kap sisrok ma tipli inarak ngangon? Aurou. Ma tidue langane kovok. Alo ka gute ka waiki gi dau dong kap sisrok tingen inarak ngangon vala.

Mak 2:20

Mase ma osep tidue gute tonari la deka ma iye dong kap sisrok blang kovok. Deka ari ma tipli inarak ngangon.”

Luk 17:22

Deka Yesus wai ke ila di-saipel langane. “Mase ma umawaiki umavati Gute Ka Polou Langka Osep blang langka oklou kene vala e ma umavati iye kovok.

Luk 5:34

E Yesus koli wai langane. “Langka isuk boto gute ma gi umakaranga umawai ke ila saten ma tipli inarak ngangon alo ka iye dau dong kap isak koke aurou? Aurou.

Luk 5:35

E mase gute tonari ma dong kap isak kovok deka ma tipli inarak ngangon.”

Jon 16:6

E aitno lumu soulu lokono kesua ngawai langane ke umu.

Jon 3:29

Alo ka gute gi apmang deka gute tonari polou apmang ila boget. E gute ka iye gute ka gi oku tonari ila aten iye dong para ma iye klingen ke gute e aitno neser alo ka iye klingen gute tonari kreine. E oku ane lou ketirngen omba lokono langka gute tonari ila ketirngen.

Aposel 14:23

Deka ari tirere osep leklou ke armok kene kene ma tiplau Ida Tapolngon ila osep. Deka tiwai itau pula ke Ida Tapolngon ine e tipli inarak ngangon kesua tiwaiki aitno lisak la ke Ida Tapolngon vala. Deka ari tiwai ke osep ka tirere isak Ida Tapolngon ila osep inarak plaungan langane. “Ida Puda ka aitno lumu dagar ke iye kodong ma plau umu e kere umu itau ke lumu elio isuk isuk.”

1 Korin 7:5

Langka umorwo umegi deka amkaranga ompul dogur ke eswom e amdangdang pampamu lugom ke iye kovok. E langka umorwo aitno lumu kene e umadangdang pampamu lumu isuk boto ma umakaranga umawai itau ke Pmada ke elio gesa elio langane itau. E mase umorwo blang umodue pampamu lumu tineklep pulu blang. Lama umakaranga umaplau pampamu lumu itau kovok e Satan tok umu.

2 Korin 11:27

Ngadue bokongon ka engil lokono e aling pula ngaboko e ngamunu kudung kovok. E aling pula sapanga due ngong e aki vel ngong kesua ngau ngangon sasi boto vala e tarna lungong blesim kesua lou klos karanga ke ngong kovok.

Pelengon kukwopngon 19:9

Deka ensel wai ke ngong langane. “Omsogo pelengon ane. ‘Osep ka Ida Tapolngon wai ke isak ma time ke Sipsip Otno ila gingen ina rogo aitno lisak itau itau ine.’” Deka iye wai ke ngong blang langane. “Pelengon ane Ida Tapolngon ila pelengon ka lokono.”

Pelengon kukwopngon 21:2

Deka ngavati Ida Tapolngon ila armok ka Jerusalem oku ina ka itau lokono songon omur heven e duru me ke taklak. Armok tonari iye langka apmang ka kere ina baresngen bitna bitna ma iye la gi ila boget.