Matyu 8:27 - Aria New Testament

²⁷ E osep ka tidong ke bot tidigrik e tiwai pulu langane. “Gute ane iye gute lange? Kesua iye wai deka engen e boitini tini ila pelengon.”

Matyu 8:27 ပူးပေါင်းရင်းမြစ်များ

Matyu 14:33

E osep ka tidong ke bot tilotuim iye e tiwai langane. “Lokono wom Ida Tapolngon Otno Arang.”

Matyu 15:31

E osep pula pula tonari tidigrik alo ka tivati osep ka tikaranga tiwai kovok tiwai blang e osep ka kamsak limsak timete tikaranga tidue wan ke kamsak limsak blang e osep ka tikaranga tilila kovok tikaranga tilila blang e osep ka amtarsak evin tikaranga tivati omur blang. Osep tivati elio ane e tikakai osep Israel ina Inarak Tapolngon angaine tito la egim.

Matyu 8:10

Yesus klingen gute plaungan ina ila pelengon e iye digrik ine. E iye bauluk e wai ke osep ka tididi iye langane. “Ngawai lokono ke umu. Ke omur Israel ngapado gute kene vala kovok ka aitno ila dagar langka gute ane aitno ila dagar.

Matyu 8:26

E Yesus koli wai langane. “Ina lange umelim? Aitno lumu ila dagar daudeng vala.” Deka iye tito wai dagar ke engen e boitini ma isak yagos. E lokono isak yagos.

Matyu 8:28

Yesus isak tibru elim kodong e tipolou ke aki ina dingen batne isuk boto ke osep Gadara ina urok omur e tilila ke ekreng. Deka osep orwo ka angelo soulu dong ke isak tipolou ke isak olwo boto ke omus ka tiyas osep ine. Isak amnga lokono e osep tikaranga tilila ke ekreng tonari kovok.

Mak 1:27

Osep tivati elio tonari deka aitno lisak mter pula ine e tiwai pulu langane. “Ua. Elio ane lange? Gute ane parere ite ke pelengon oku ina ka ila arit dong ine. Iye wai vala deka angelo soulu tini ila pelengon.”

Mak 6:51

Deka iye la sep ke bot deka engen tonari yagos. Deka ila disaipel tivati e aitno lisak mter pula ine.

Mak 7:37

Deka osep tonari ansak nesik batne ke elio ka iye due. Tiwai langane. “Gute are ila elio keniye itau. Iye lua osep ka talsak pono e tikaranga tiwai kovok ma tikaranga tiklingen pelengon e tikaranga tiwai blang.