Matyu 7:25 - Aria New Testament

²⁵ E aragu nagaluvia duru e aki song e engen dagar ipu ninu tonari. E ninu dong e dardar kovok kesua ninu batne dong ke omur ka dagar.

Matyu 7:25 ပူးပေါင်းရင်းမြစ်များ

Matyu 16:18

E ngawai ke wom langane. Angain wom Pita e ke opmu ane ma ngauri lou sios e wan bitna bitna e metengen blang tikaranga timole kovok.

Matyu 7:24

“Gute sei ka klingen lou pelengon e inie iye langka gute ka ile omur itau deka yas taklak e uri ila ninu ke opmu ma ninu dong dagar.

Matyu 7:26

E gute ka klingen lou pelengon e inie kovok iye langka gute ka kaka ka uri ila ninu ke lavu vala.

Matyu 7:27

Aragu nagaluvia duru e aki song e engen dagar ipu ninu deka ninu dardar e polou sasi lokono.”

Aposel 14:22

E tilua Yesus ila disaipel ke armok armok tonari ma aitno lisak dong dagar lokono ke iye. Tiwai ke isak langane. “Aitno lumu dong dagar lokono ke Yesus. Umopul dogur ke iye sakam. Ma agegeng polou ke umu mgo deka mase ma umodong ke omur ka Ida Tapolngon plaue.”

Efesus 3:17

Ngapmi Ida Tapolngon ma Krais dong vala dong ke aitno lumu. Ngapmi Ida Tapolngon ma aitno lumu ila dagar dong dagar ke iye. Ngapmi Ida Tapolngon ma iye lua umu ma umeile omur iye lana iye omba ke umu. Deka umu langka akai ka vri ke taklak e gigitno kis dagar ke taklak.

Kolosi 2:7

Ngawaiki umevri dagar ke iye langka akai ka gigitno tiduru ke taklak aitno e vri dagar ine. E silang blang langka kadanga dong ke taklak e due ninu vri dagar ngawaiki aitno lumu ila dagar due umu umopolou dagar lokono. Eriar langka oglou osep tiparere umu deka eknikane umedidi pelengon tonari e umawai tenkyu ke Ida Tapolngon ke wan ka pula keniye ka iye due ke umu.

Jems 1:12

Gute ka vri dagar alo ka wan polou ka opru iye ma Ida Tapolngon aitno itau ke iye e kere iye itau. Kesua mase ma Ida Tapolngon kar iye wan itau langka osep ka timole resis tidue. Wan ane mosongon itau ka iye wai promis ine ke osep ka isak lana isak ke iye.

1 Pita 1:5

Aitno lumu dagar ke Ida Tapolngon deka iye plau umu ke ila arit. Iye waiki lua ite e elio ane ma polou malak alo ka Krais iding me.

1 Pita 1:7

Tokngon bitna bitna tonari polou ke umu ma tok aitno lumu ila dagar langka iye wan lokono koke aurou. Iteile gol karanga polou yagos e dau langka osep tiwaiki tile gol tonari gol lokono tidue eiou ngene ma tile langka wan sasi dong ine koke aurou. E aitno lite ila dagar mole gol lokono deka tokngon tonari tok aitno lumu ila dagar. Deka ke oklou ka Yesus Krais iding me Ida Tapolngon ma kakai angainmu e due anit ke umu.

1 Jon 2:19

Oglou osep tonari tidong kap ite deka tisongon ite kesua isak udo osua lokono kovok. Langka tidong ke udo osua lokono deka isak dau tidong kap ite. E alo ka tisongon ite ane nisngen tidong ke udo osua lokono kovok.